ކެންސަރު ބައްޔަކީ ދުނިޔޭގެ ނިސްބަތުން ބަލާއިރު އެންމެ ގިނައިން މީހުން މަރުވުމަށް މެދުވެރިވާ ސަބަބެވެ. ބައެއް ކަހަލަ ކާނާގެ ބާވަތްތައް ކެއުމުގައި ހިމެނުމުން މީހާގެ ދިފާއީ ނިޒާމު ވަރުގަދަ ކޮށްދީ، ހަށިގަނޑުގެ ސެލްތަކަށް ގެއްލުން ވުމުން ދުރުކޮށްދެއެެވެ. އަދި ކެންސަރު ބަލިން ވެސް މީހާ ރައްކާތެރި ކޮށްދެއެެވެ.

މިފަހަރު މި ހިމަނާލަނީ ކެންސަރު ބަލިން ރައްކާތެރިވާން ބޭނުންނަމަ ކާންވީ ބައެއް ބާވަތްތަކެވެ.

ބްރޮކޮލީ

ބްރޮކޮލީއަކީ އޭގައި ސަލްފޮރަފޭން ނަމަކަށް ކިޔާ މާއްދާއެއް ހިމެނޭ އެއްޗެކެވެ. މި ކެއުމުން ހަށިގަނޑު އިންފްލެމޭޓު ވުމުން ދުރުކޮށްދީ، ހަށިގަނޑުގައި ހުންނަ ވިހަ މާއްދާތައް ބޭރުކޮށްދެއެވެ. އަދި ހަށިގަނޑުގައި ހުންނަ އާދަޔާ ހިލާފު ސެލްތައް ނައްތާލުމަށްވެސް އެހީވެއެެވެ. މިކަމުގެ ސަބަބުން މި ކެއުމުން ކެންސަރު ބަލިން މީހާ ރައްކާތެރިކޮށްދެއެވެ.

ބެރީސް

ތަފާތު އެކިކަހަލަ ބެރީތަކަކީ އޭގައި އެންތޮސިޔާނިން ފަދަ އެންޓިއޮކްސިޑެންޓުތައް ހިމެނޭ އެއްޗެކެވެ. މި ކެއުމުން ހަށިގަނޑު އޮކްސިޑޭޓިވް ސްޓްރެސް އާ ދުރުކޮށްދީ، ހަށިގަނޑުގައި ހުންނަ އިންފްލެމޭޝަން ދައްކޮށްދެއެެވެ. އަދި މީހާގެ ދިފާއީ ނިޒާމު ވަރުގަދަ ކޮށްދީ، ކެންސަރު ސެލްތައް އުފެދުންވެސް ހުއްޓުވައިދެއެވެ.

ބަދަން

ބަދަނަކީ އަކީ އޭގައި ސިއްހަތަށް ފައިދާހުރި ފެޓާއި، ފައިބާ އަދި އެންޓިއޮކްސިޑެންޓު ހިމެނޭ އެއްޗެކެވެ. އެކި ބާވަތުގެ ބަދަން ކާނަމަ ހަށިގަނޑު އިންފްލެމޭޓު ވުމުން ދުރުކޮށްދީ، ހިތުގެ ސިއްހަތު ރަނގަޅު ކޮށްދެއެެވެ. އަދި ހަމަ އެހެންމެ ކެންސަރު ބަލި ޖެހުމުގެ ފުރުސަތުވެސް ކުޑަކޮށްދެއެވެ.