ދިވެހިރާއްޖޭގެ ގައުމީ ދިފާއީބާރު (އެމްއެންޑީއެފް) އިން ހުޅުމާލެ ފޭސް އެކެއް އަދި ދޭއްގައި ތަމްރީނުތަކެއް ކުރިއަށްގެންދިއުމަށް ނިންމައިފިއެވެ.

މި ތަމްރީނުތައް ކުރިއަށްދާނީ އަންނަ އާދީއްތަ ދުވަހުން ފެށިގެން އޭޕްރީލް 5 އަށެވެ.

އެމްއެންޑީއެފުން ނެރުނު އިއުލާނުގައި ބުނެފައިވާ ގޮތުގައި، މި ތަމްރީނުތައް ކުރިއަށް ގެންދާނީ ކޮންމެ އާދީއްތަ އަދި ބުރާސްފަތި ދުވަހެއްގެ ހަވީރު ހަތެރަކުން ހަޔެއް ޖެހުމާ ހަމައަށެވެ. އަދި ކޮންމެ އަންގާރަ ދުވަހެއްގެ ރޭ 10:00 އިން މެންދަމު 1:00 ގެ ނިޔަލަށެވެ. މި ތަމްރީނުތަކުގައި ސިފައިން ކޮމްބެޓް ގިޔަރުގައި ހަތިޔާރާއެކު ހަރަކާތްތެރިވާނެ ކަމަށްވެސް އެމްއެންޑީއެފުން ބުނެފައި ވެއެވެ.

މި މައުލޫމާތު ހާމަކޮށްފައިވަނީ އާންމު ރައްޔިތުންގެ މައުލޫމާތަށްޓަކައި ކަމަށް އެމްއެންޑީއެފުން ބުނެފައި ވެއެވެ. އެ އިދާރާއިން އިން ރާއްޖޭގެ އެކި ކަންކޮޅުތަކުގައި މިފަދަ ތަމްރީންތައް ހިންގައެވެ. މިފަދަ ތަމްރީނުތަކަކީ ސިފައިންގެ ތައްޔާރީ ހާލަތު ރަނގަޅުކޮށް، އެމީހުންގެ ހުނަރުތައް އިތުރުކުރުމަށް ބޭއްވޭ މުހިންމު ހަރަކާތްތަކެކެވެ.

ރާއްޖޭގެ ސަލާމަތީ ބާރުތަކުގެ ޤާބިލުކަން އިތުރުކުރުމަކީ ސަރުކާރުގެ އިސްކަންދޭ ކަންކަމުގެ ތެރޭގައި ހިމެނޭ ކަމެއްކަން ފާހަގަ ކުރެވެއެވެ. މިފަދަ ތަމްރީނުތަކުން ސިފައިންނަށް ތަފާތު މާހައުލުތަކުގައި މަސައްކަތްކުރުމުގެ ތަޖުރިބާ ލިބި، އެކި ކަހަލަ ހާލަތްތަކަށް އަހުލުވެރިވުމުގެ ފުރުސަތު ލިބިގެންދާނެއެވެ.