މަޖިލީހުގެ ޖަލްސާއެއްގައި އައްބާސް، ފޮޓޯ: ގޫގުލް
މަޖިލީހުގެ ޖަލްސާއެއްގައި އައްބާސް، ފޮޓޯ: ގޫގުލް
މަޖިލިސް މެމްބަރުންގެ މުސާރަ ކުޑަކުރަން ބަޔަކު މީހުން މަސައްކަތް ކުރަމުންދަނީ މެމްބަރުންގެ ފަރާތުން ރައްޔިތުންނަށް ލިބިދޭ އެހީތައް ހުއްޓުވައި، ރައްޔިތުން އިތުރަށް ނިކަމެތި ކޮށްލުމުގެ ބޭނުމުގައި ކަމަށް ވެލިދޫ ދާއިރާގެ މެންބަރު މުޙައްމަދު އައްބާސް ވިދާޅުވެއްޖެއެވެ.

މަޖިލިސް މެމްބަރުންގެ މުސާރަ ކުޑަ ކޮށް އިނާޔަތް ކުޑަކުރުމަށް ގޮވާލާ ސޮއިކުރަމުން ގެންދާ ޕެޓިޝަނާ ގުޅޭ ގޮތުން އެކްސްގައި ހިއްސާ ކުރެއްވި ޕޯސްޓެއްގައި އައްބާސް ވިދާޅުވީ މިއީ ސިޔާސީ ބަޔަކު އެއްވެތިބެ ވަރަށް މަކަރުވެރި ރޭވުމެއްގެ ދަށުން ކުރަމުންދާ ކަމެއް ކަމަށެވެ. އޭނާ ވިދާޅުވީ ރައްޔިތުން ތިބީ ވަރަށް ދަތި ހާލުގައި ކަމަށާއި، ރައްޔިތުންގެ ބޭނުންތައް ފުއްދުމުގައި އެހީތެރިވަމުންދަނީ މަޖިލިސް މެމްބަރުން ކަމަށެވެ.

"އާސަންދަ ލިބުނެއް ކަމަކު ރާއްޖެއިން ބޭރަށްގޮސް ތިބުމާ، ކެެއުމާ، ޓެކްސީ ހަރަދުތައް ކުރުމަށް އެތައްހާސް ރުފިޔާއެއް ހަރަދު ކުރަން ޖެހުމާ އެކު ނިކަމެތި ރައްޔިތުމީހާއަށް ކަންކަން މަގުފަހިކޮށް ދެނީ ހަމައެކަނި ރައްޔިތުން މަޖުލީހުގެ މެންބަރުން." އައްބާސް ވިދާޅުވިއެވެ.

އައްބާސް ވިދާޅުވީ ނިކަމެތި ރައްޔިތުންނާ އަޅާލަން ތިބި މެމްބަރުންގެ މުސާރަ ކުޑަކުރަން ބަޔަކު މަސައްކަތް ކުރަނީ ރައްޔިތުންނަށް ހަމައެކަނި އެހީތެރިކަމެއް ދޭން ތިބީ މަޖިލީސް މެންބަރުން ކަމައްވާތީކަމަށެވެ. އަދި މިއީ ރައްޔިތުން އިތުރައް ނިކަމެތިކޮށްލުމުގެ މަކަރުވެރި ނިޔަތުގައި ކުރާ ކަމެއް ކަމަށް އޭނާ ވިދާޅުވިއެވެ.

މީގެ އިތުރުން އޭނާ ވަނީ ސިފައިންނާއި ފުލުހުންގެ މައިންބަފައިންނާ އާއިލާތަކަށް މުޅިން ހިލޭ ބޭސްފަރުވާ ކުރެވޭ އިރު، މަޖިލީސް މެންބަރުންގެ މައިންބަފައިންނަށް އެ ޕެކޭޖުގެ ތެރެއިން ބޭސްފަރުވާ ނުކުރެވޭ ކަމަށް ފާހަގަ ކުރައްވާފައެވެ.

އަދި ރައްޔިތުންގެ މެދުގައި ފިތުނަ އުފައްދަން ހަޤީގަތާ ހިލާފު ދޮގު ވާހަކަތައް ނުފެތުރުމަށް އައްބާސް ވަނީ ނަސޭހަތްތެރިވެފައެވެ.



މަޖިލީހުގެ މެންބަރުންގެ މުސާރައާއި އިނާޔަތްތައް އަދި ބޭސްފަރުވާގެ އިނާޔަތްތައް ކަނޑާލުމަށް ގޮވާލާ ބަޔަކު ދަނީ ޕެޓިޝަނެއްގައި ސޮއި ކުރަމުންނެވެ. އޮންލައިންކޮށް ސޮއި ކުރުން ކުރިއަށް ގެންދާ އެ ޕެޓިޝަންގައި ގިނަ ބަޔަކު މިހާރުވެސް ސޮއި ކޮށްފައިވެއެވެ.



ކިޔުންތެރިންގެ ހިޔާލު



ޓްރެންޑިން