ކުޑަ އަންހެން ކުއްޖަކަށް ބަރަހަނާ މަންޒަރު ދެއްކި މައްސަލައެއް ބަލަން ދިވެހި ފުލުހުންގެ ހިދުމަތުން ފަށައިފިއެވެ.

ފުލުހުން ބުނީ، މަތިއުރުތު ސަރަަހައްދުގެ ފުލުހުން، ހއ، ހދ. ށ. ގައި ހިމެނޭ ރަށެއްގައި އުމުރުން 17 އަހަރުގެ އަންހެން ކުއްޖަކަށް ބަރަހަނާ މަންޒަރު ދައްކުވައިދޭ ފޮޓޯއެއް ފޯނުން ދެއްކި މައްސަލައެއް އެ އިދާރާއަށް ރިޕޯޓުކޮށްފައިވާ ކަމަށެވެ.

މި ހާދިސާގެ ރިޕޯޓު ފުލުހުންނަށް ލިބުނީ ދޭއް އޭޕްރީލް 2025 ވަނަ ދުވަހުގެ ރޭ 21:30 ހާއިރު ކަމަށް ފުލުހުން ބުންޏެވެ.

މި މައްސަލައާއި ގުޅިގެން މިހާތަނަށް މީހަކު ހައްޔަރުކޮށްފައިނުވާ ކަމަށް ފުލުހުން ބުންޏެވެ. އަދި މި މައްސަލަ އިތުރަށް ތަހުގީގު ކުރަމުންދާ ކަމަށްވެސް އެ އިދާރާއިން ވަނީ ބުނެފައެވެ.

ފުލުހުން ބުނީ، ކުޑަކުދިންނާއި ގުޅުން ހުރި މައްސަލަތަކަކީ އެ ސާވިސް އިން ސީރިއަސް މައްސަލަތަކެއްގެ ގޮތުގައި ތަހުގީގު ކުރަމުން ގެންދާ މައްސަލަތަކެއް ކަަމަށެވެ. އަދި ކުއްޖާގެ އައިޑެންޓިޓީ ރައްކާތެރި ކުރުމުގެ ގޮތުން ކުއްޖާގެ މައްސަލަ ހުށަހެޅުނު އަތޮޅާއި ރަށް ހާމަނުކުރާނެ ކަމަށް ފުލުހުން ބުނެފައިވެއެވެ.