ކިލޯއެއްހާ ޑްރަގް އެތެރެކޮށްގެން ދުވަސްވީ މީހަކު ހައްޔަރުކޮށްފި އެވެ.

ކްރިމިނަލް ކޯޓުން ރޭ ނެރުނު ބަންދު އަމުރުގައިވާ ގޮތުން އެ މައްސަަަލައިގައި ހައްޔަރުކުރީ މ. ލައިޓްސިގްނަލް، އަހުމަދު ޝަފީއު (52އ.) އެވެ.

ޝަފީއުގެ މައްޗަށް މަސްތުވާތަކެތި ޓްރެފިކް ކުރުމުގެ ތުހުމަތު ފުލުހުން ކުރާއިރު ބަންދު އަމުރުގައި ބުނީ އޭނާ ބަލައިދިޔަ ފޮށިގަނޑަކުން ގިނަ އަދަދެއްގެ މަސްތުވާތަކެތި ފެނުނު ކަމަށާއި އެ ތަކެތީގެ ބަރުދަނުގައި 800 ގްރާމް ހުރި ކަމަށެވެ.

ނަމަވެސް އަތުލައިގަތީ ކޮން ބާވަތެއްގެ މަސްތުވާތަކެއްޗެއް ކަމެއް ހާމައެއް ނުކުރެ އެވެ.

"މީނާ ބަލައިދިޔަ ފޮށިގަނޑުގައި ޤާނޫނާއި ހިލާފު އެއްޗެއް ހުރިކަން މީނާއަށް އެނގޭކަނ،ް ބާރުދޭ ކޮންމެވެސް މިންވަރެއްގެ ހެކި ހުށަހަޅާފައިވޭ، އެގޮތުން މެސެޖްތަކެއްގެ ސްކްރީންޝޮޓް ހުށަހެޅިފައިވޭ." ބަންދު އަމުރުގައި އިތުރަށް ބުނެފައި ވެއެވެ.

އެ މައްސަލައިގައި ޝަފީއު 20 ދުވަހު ކަސްޓޯޑިއަލް ޖަލެއްގައި ބަންދުކުރަން ވެސް ކްރިމިނަލް ކޯޓުން ވަނީ އަމުރުނެރެފަ އެވެ.