ކުރިއަށް އޮތް ލޯކަލް ކައުންސިލް އިންތިޚާބަކީ މި ސަރުކާރަށް ރައްޔިތުންގެ ގަޔަށް "ތިންވަނަ ކައްޓެއް" ޖަހަން ލިބޭ ފުރުސަތަކަށް ވިޔަނުދޭން އެމްޑީޕީގެ ގައުމީ މަޖިލީހުގެ މެންބަރު އަދި އެމްޑީޕީ ކުރީގެ ޕީޖީ ލީޑަރު މުޙައްމަދު ރަޝީދު ޙުސައިން (ބިގޭ) ގޮވާލައްވައިފިއެވެ.
އެމްޑީޕީން ރޭ ބޭއްވި ކެމްޕެއިން ހަފުލާއެއްގައި ވާހަކަދައްކަވަމުން މަޖިލީހުގެ އަލިފުށީ ދާއިރާގެ ކުރީގެ މެމްބަރު މުޙައްމަދު ރަޝީދު ( ބިގޭ) ވިދާޅުވީ، ރައީސް ޑރ. މުޙައްމަދު މުއިއްޒުގެ ސަރުކާރު ވެރިކަމަށް އައީ ރައްޔިތުން ގާތަށް ގޮސް އެތައް ވައުދުތަކެއް ވެގެން ކަމަށެވެ. އަދި ވެރިކަން ލިބުމަށްފަހު، މަޖިލިސް ނުލިބިގެން ގައުމު ނުހިންގޭނެ ކަމަށް ބުނެ ރައްޔިތުންގެ މަޖިލީހުގެ މެޖޯރިޓީވެސް ހޯދި ނަމަވެސް، މިދިޔަ ދުވަސްތަކުގައި ފެނިގެންދިޔައީ ގައުމު ބަންގުރޫޓުވަމުންދާ މަންޒަރު ކަމަށް އޭނާ ވިދާޅުވިއެވެ.
"އަޅުގަނޑު ދަންނަވާލަން ބޭނުންވަނީ މިފަހަރު ތިންވަނަ ކައްޓެއް ޖަހަން މިސަރުކާރަށް ފުރުސަތެއް ނުދޭހެށޭ. ރައްޔިތުން މަޖިލިސްވެސް ދީފި. ދީނީމަ ވީ ކިހިނެއްތޯ؟ ތިން އަހަރާ ގާތަށް އަންނައިރު ފެންނަނީ ރާއްޖެ ބަންގުރޫޓުވަމުންދާތަން،" ބިގޭ ވިދާޅުވިއެވެ.
އިގްތިސާދީ ހާލަތާ ގުޅޭގޮތުން އިތުރަށް ވާހަކަދައްކަވަމުން ބިގޭ ވިދާޅުވީ، ވަޒީފާތަކުގައި އުޅޭ މުވައްޒަފުންގެ މުސާރައިން ޕެންޝަން ފަންޑަށް އުނިކުރާ ފައިސާ، ފަންޑަށް ނުލާ ހުންނަކަމުގެ ޝަކުވާތައް ލިބެމުންދާ ކަމަށެވެ. އަދި ގައުމު ދުވަހެއް ދުވަހަކަށް އަޑިއަށް ދާއިރު، މިކަން ހުއްޓުވުމުގެ އެންމެ ބޮޑު ޒިންމާއެއް އޮތީ ޒުވާނުންގެ އަތްމަތީގައި ކަމަށް އޭނާ ވިދާޅުވިއެވެ.
"ޒުވާނުންނަށް އަޅުގަނޑު ދަންނަވާލަން ބޭނުންވަނީ ވިސްނާ ފިކުރު ކުރައްވާށޭ. ތިޔަބޭފުޅުންގެ މުސްތަގުބަލަށްޓަކައި، ދަރިންގެ އަންނަން އޮތް ޖީލުތަކަށްޓަކައި މި ރާއްޖެ ސަލާމަތްކޮށްދިނުމުގައި އެންމެ ބޮޑު ޒިންމާއެއް އުފުލަން ޖެހޭނީ ޒުވާނުން،" އޭނާ ވިދާޅުވިއެވެ.
މީގެ އިތުރުން، އަންހެނުންގެ ބާރުވެރިކަން ކުޑަކުރުމަށް ސަރުކާރުން މަސައްކަތް ކުރަމުންދާ ކަމަށް ބިގޭ ތުހުމަތު ކުރެއްވިއެވެ. އެމްޑީޕީން ކައުންސިލްތަކާއި ޑަބްލިޔުޑީސީ މެދުވެރިކޮށް އަންހެނުންނަށް ހޯދައިދިން ފުރުސަތުތައް މި ސަރުކާރުން ހަނިކުރަމުންދާ ކަމަށް ވިދާޅުވެ، ހުރިހާ ކަނބަލުން މި ސަރުކާރާ ދެކޮޅަށް ތެދުވުމަށް އޭނާ ގޮވާލެއްވިއެވެ.
ބިގޭ ވަނީ ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީއަށް ކާމިޔާބު ހޯދައިދިނުމަށްޓަކައި ޒުވާނުންނާއި އަންހެނުން "އަތުކުރި އޮޅާލައިގެން" ނުކުތުމަށް ގޮވާލައްވާފައެވެ.
"އަޅުގަނޑު ދަންނަވާލަން ބޭނުންވަނީ މިފަހަރު ތިންވަނަ ކައްޓެއް ޖަހަން މިސަރުކާރަށް ފުރުސަތެއް ނުދޭހެށޭ. ރައްޔިތުން މަޖިލިސްވެސް ދީފި. ދީނީމަ ވީ ކިހިނެއްތޯ؟ ތިން އަހަރާ ގާތަށް އަންނައިރު ފެންނަނީ ރާއްޖެ ބަންގުރޫޓުވަމުންދާތަން،" ބިގޭ ވިދާޅުވިއެވެ.
އިގްތިސާދީ ހާލަތާ ގުޅޭގޮތުން އިތުރަށް ވާހަކަދައްކަވަމުން ބިގޭ ވިދާޅުވީ، ވަޒީފާތަކުގައި އުޅޭ މުވައްޒަފުންގެ މުސާރައިން ޕެންޝަން ފަންޑަށް އުނިކުރާ ފައިސާ، ފަންޑަށް ނުލާ ހުންނަކަމުގެ ޝަކުވާތައް ލިބެމުންދާ ކަމަށެވެ. އަދި ގައުމު ދުވަހެއް ދުވަހަކަށް އަޑިއަށް ދާއިރު، މިކަން ހުއްޓުވުމުގެ އެންމެ ބޮޑު ޒިންމާއެއް އޮތީ ޒުވާނުންގެ އަތްމަތީގައި ކަމަށް އޭނާ ވިދާޅުވިއެވެ.
"ޒުވާނުންނަށް އަޅުގަނޑު ދަންނަވާލަން ބޭނުންވަނީ ވިސްނާ ފިކުރު ކުރައްވާށޭ. ތިޔަބޭފުޅުންގެ މުސްތަގުބަލަށްޓަކައި، ދަރިންގެ އަންނަން އޮތް ޖީލުތަކަށްޓަކައި މި ރާއްޖެ ސަލާމަތްކޮށްދިނުމުގައި އެންމެ ބޮޑު ޒިންމާއެއް އުފުލަން ޖެހޭނީ ޒުވާނުން،" އޭނާ ވިދާޅުވިއެވެ.
ބިގޭ ވަނީ ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީއަށް ކާމިޔާބު ހޯދައިދިނުމަށްޓަކައި ޒުވާނުންނާއި އަންހެނުން "އަތުކުރި އޮޅާލައިގެން" ނުކުތުމަށް ގޮވާލައްވާފައެވެ.
ކިޔުންތެރިންގެ ހިޔާލު