ޝަރުއީ ދާއިރާގެ މާލީ ކަންކަން ހިންގުމުގައި މިނިވަން ނިޒާމެއް ގާއިމުކުރުމަށްޓަކައި، އެ ދާއިރާގެ މާލީ މުއާމަލާތްތަކުގައި އަމަލުކުރާނެ ހާއްސަ އުސޫލެއް މިނިސްޓްރީ އޮފް ފިނޭންސް އިން އެކުލަވާލައި އާންމުކޮށްފިއެވެ.
ފިނޭންސް މިނިސްޓްރީން މި އުސޫލު އެކުލަވާލާފައިވަނީ އަދުލު އިންސާފުގެ ދާއިރާއަށް ދައުލަތުގެ ބަޖެޓުން ކަނޑައަޅާ ފައިސާ ރޭވުމާއި، ދޫކުރުމާއި، ބެލެހެއްޓުމުގެ އިތުރުން ރިޕޯޓްކުރުމަށްޓަކައި ހާއްސަ އޮނިގަނޑެއް އެކަށައެޅުމަށްޓަކައެވެ.
އާ އުސޫލުގެ ދަށުން ޝަރުޢީ ދާއިރާއަށް ބަޖެޓް ކަނޑައެޅުމާއި ތަންފީޒުކުރުމުގައި ވަކި މިންގަނޑުތަކެއް ގެންގުޅޭނެއެވެ. އެގޮތުން ކޮންމެ އަހަރަކު ވެސް ރައްޔިތުންގެ މަޖިލީހުން ފާސްކުރާ ދައުލަތުގެ ބަޖެޓުގައި ޝަރުއީ ދާއިރާއަށް ބޭނުންވާ ފައިސާ ހިމަނަންޖެހެއެވެ. މި އަހަރުގެ ބަޖެޓުގައި ވެސް ޝަރުއީ ދާއިރާއަށް "ސެކްޓޯރަލް ގްރާންޓް" ހަމަޖައްސާފައިވާއިރު، ކޮންމެ އަހަރަކު ވެސް ދައުލަތަށް ލިބޭނެ ކަމަށް އަންދާޒާކުރާ އާމްދަނީގެ މަދުވެގެން 2 ޕަސެންޓް ޝަރުއީ ދާއިރާއަށް ކަނޑައަޅަންވާނެ ކަމަށް އުސޫލުގައި ބަޔާންކޮށްފައިވެއެވެ.
ޝަރުއީ ދާއިރާގެ މާލީ މުއާމަލާތްތައް ހިންގަންޖެހެނީ މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި ހުޅުވާފައިވާ ހާއްސަ އެކައުންޓެއް މެދުވެރިކޮށެވެ. އަދި މި ހުރިހާ މުއާމަލާތްތަކެއް ހިންގަންވާނީ ދައުލަތުގެ މާލިއްޔަތުގެ ގަވާއިދާ އެއްގޮތަށް، ޕަބްލިކް އެކައުންޓިން ސިސްޓަމް މެދުވެރިކޮށް ކަމަށް ވެސް ފިނޭންސް މިނިސްޓްރީން ބުނެއެވެ.
އުސޫލުގައިވާ ގޮތުން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ކޮންމެ އަހަރެއްގެ ސެޕްޓެމްބަރު 30 ގެ ކުރިން ބަޖެޓު ތައްޔާރުކޮށް މާލީ ވުޒާރާއަށް ހުށަހަޅަންޖެހެއެވެ. މި ބަޖެޓުގައި އާމްދަނީގެ ތަފުސީލާއި، ބަޖެޓު ޑެފިސިޓްވާނަމަ ފައިސާ ހޯދާނެ ޕްލޭނެއް ހިމަނަންޖެހެއެވެ. ބަޖެޓު ހިންގުމުގެ އިސް ޒިންމާ ޗީފް ޖުޑީޝަލް އެޑްމިނިސްޓްރޭޓަރު އުފުއްލަވަން ޖެހޭއިރު، ކަނޑައެޅިފައިވާ ބަޖެޓުން ބޭރުން ހަރަދެއް ކުރަން ޖެހިއްޖެ ނަމަ ސަޕްލިމެންޓްރީ ބަޖެޓެއް ފާސްކުރަންޖެހެއެވެ.
މީގެ އިތުރުން، ޝަރުއީ ދާއިރާގެ ތަރައްގީގެ މަޝްރޫއުތަކަށް (ޕީއެސްއައިޕީ) ހަރަދުކުރާނީ ސެކްޓޯރަލް ގްރާންޓުގެ ތެރެއިންނެވެ. މުވައްޒަފުންގެ މުސާރަ އާއި އިނާޔަތްތައް ދިނުމުގައި ޕޭ ކޮމިޝަންގެ މިންގަނޑުތަކަށާއި ވަޒީފާއާބެހޭ ގާނޫނަށް އަމަލުކުރަންޖެހޭއިރު، ކޮންމެ މަހެއްގެ މުހިންމު ހަރަދުތަކަށް ފައިސާ ހުރިކަން ކަށަވަރުނުކޮށް އިތުރު ހަރަދުތަކެއް ނުކުރުމަށް އުސޫލުގައި ބާރުއަޅާފައިވެއެވެ.
ހަމައެެއާއެކު ކަންކަން ދެފުށް ފެންނަ ގޮތަށް ކުރިއަށް ގެންދިއުމަށްޓަކައި، ކޮންމެ މަހަކު ކުރާ ހަރަދުތަކުގެ ތަފުސީލު އެމަހެއް ނިމުމުގެ ކުރިން އާންމުކުރަންޖެހޭނެ ކަމަށް ވެސް މި އުސޫލުގައި ބަޔާންކޮށްފައިވެއެވެ.
އާ އުސޫލުގެ ދަށުން ޝަރުޢީ ދާއިރާއަށް ބަޖެޓް ކަނޑައެޅުމާއި ތަންފީޒުކުރުމުގައި ވަކި މިންގަނޑުތަކެއް ގެންގުޅޭނެއެވެ. އެގޮތުން ކޮންމެ އަހަރަކު ވެސް ރައްޔިތުންގެ މަޖިލީހުން ފާސްކުރާ ދައުލަތުގެ ބަޖެޓުގައި ޝަރުއީ ދާއިރާއަށް ބޭނުންވާ ފައިސާ ހިމަނަންޖެހެއެވެ. މި އަހަރުގެ ބަޖެޓުގައި ވެސް ޝަރުއީ ދާއިރާއަށް "ސެކްޓޯރަލް ގްރާންޓް" ހަމަޖައްސާފައިވާއިރު، ކޮންމެ އަހަރަކު ވެސް ދައުލަތަށް ލިބޭނެ ކަމަށް އަންދާޒާކުރާ އާމްދަނީގެ މަދުވެގެން 2 ޕަސެންޓް ޝަރުއީ ދާއިރާއަށް ކަނޑައަޅަންވާނެ ކަމަށް އުސޫލުގައި ބަޔާންކޮށްފައިވެއެވެ.
ޝަރުއީ ދާއިރާގެ މާލީ މުއާމަލާތްތައް ހިންގަންޖެހެނީ މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި ހުޅުވާފައިވާ ހާއްސަ އެކައުންޓެއް މެދުވެރިކޮށެވެ. އަދި މި ހުރިހާ މުއާމަލާތްތަކެއް ހިންގަންވާނީ ދައުލަތުގެ މާލިއްޔަތުގެ ގަވާއިދާ އެއްގޮތަށް، ޕަބްލިކް އެކައުންޓިން ސިސްޓަމް މެދުވެރިކޮށް ކަމަށް ވެސް ފިނޭންސް މިނިސްޓްރީން ބުނެއެވެ.
އުސޫލުގައިވާ ގޮތުން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ކޮންމެ އަހަރެއްގެ ސެޕްޓެމްބަރު 30 ގެ ކުރިން ބަޖެޓު ތައްޔާރުކޮށް މާލީ ވުޒާރާއަށް ހުށަހަޅަންޖެހެއެވެ. މި ބަޖެޓުގައި އާމްދަނީގެ ތަފުސީލާއި، ބަޖެޓު ޑެފިސިޓްވާނަމަ ފައިސާ ހޯދާނެ ޕްލޭނެއް ހިމަނަންޖެހެއެވެ. ބަޖެޓު ހިންގުމުގެ އިސް ޒިންމާ ޗީފް ޖުޑީޝަލް އެޑްމިނިސްޓްރޭޓަރު އުފުއްލަވަން ޖެހޭއިރު، ކަނޑައެޅިފައިވާ ބަޖެޓުން ބޭރުން ހަރަދެއް ކުރަން ޖެހިއްޖެ ނަމަ ސަޕްލިމެންޓްރީ ބަޖެޓެއް ފާސްކުރަންޖެހެއެވެ.
ހަމައެެއާއެކު ކަންކަން ދެފުށް ފެންނަ ގޮތަށް ކުރިއަށް ގެންދިއުމަށްޓަކައި، ކޮންމެ މަހަކު ކުރާ ހަރަދުތަކުގެ ތަފުސީލު އެމަހެއް ނިމުމުގެ ކުރިން އާންމުކުރަންޖެހޭނެ ކަމަށް ވެސް މި އުސޫލުގައި ބަޔާންކޮށްފައިވެއެވެ.
ކިޔުންތެރިންގެ ހިޔާލު