ރާއްޖޭގެ ދެކުނުން އޮންނަ ފޯޅަވަހި އަތޮޅަކީ ދިވެހިރާއްޖޭގެ ބައެއްކަން ސާބިތުކޮށް، އެތަން އަނބުރާ ހޯދުމަށް ވަކާލާތުކުރުމަށް "ޕެން ފޯ ރައިޓްސް" ނަމަކަށް ކިޔާ ޖަމާއަތަކުން އިސްނަގައިގެން މަސައްކަތް ފަށައިފިއެވެ.

އެ ޖަމާއަތުން ހާމަކުރި ގޮތުގައި، ފޯޅަވައްސަކީ 1971 ވަނަ އަހަރު ފަރަންސޭސިން ރާއްޖޭގެ ސަރަހައްދަށް ވަދެ ގަދަކަމުން ފޭރިގަނެފައިވާ އަތޮޅެކެވެ. މި ހަރަކާތުގެ މައިގަނޑު މަގްސަދަކީ އެ އަތޮޅު އަނބުރާ ދިވެހި ދައުލަތަށް ހޯދުމުގައި ބޭނުންވާ އެހީތެރިކަމާއި އެއްބާރުލުން ފޯރުކޮށްދިނުމެވެ.

މި މަސައްކަތުގައި އިސްކޮށް އުޅުއްވާ ޑރ. ސައުދު އާއި އޭނާގެ ޓީމުން މިހާރު ގެންދަނީ އިނގިރޭސިވިލާތުގައި ތިބެގެން މި މައްސަލައާ ގުޅޭ ތާރީޚީ އަދި ގާނޫނީ ދިރާސާތައް ވަރަށް ފުޅާ ދާއިރާއެއްގައި ކުރަމުންނެވެ. "ޕެން ފޯ ރައިޓްސް" އިން ބުނާ ގޮތުގައި، ފޯޅަވައްސަކީ ރާއްޖޭގެ ބައެއްގެ ގޮތުގައި އޮއްވައި އެހެން ބައެއްގެ އިހުތިސާސްގެ ދަށަށް އެތަން ގެންދިއުމަކީ ބައިނަލްއަގުވާމީ ގާނޫނުތަކުގެ އަސާސީ އުސޫލުތަކާ ޚިލާފު ކަމެކެވެ. އަދި މި މައްސަލައިގައި އެންމެ އިސްކަންދޭންޖެހޭނީ ރާއްޖޭގެ އިސްތިގުލާލަށް ކަމަށްވެސް އެ ޖަމާއަތުން ފާހަގަކުރެއެވެ.

މީގެ އިތުރުން، އެމެރިކާއާއި އިނގިރޭސިވިލާތާ ދެމެދު 1966 ވަނަ އަހަރު ވެވުނު އެއްބަސްވުމާއި، އަދި ފަހުން އިނގިރޭސިވިލާތާއި މޮރިޝަސްއާ ދެމެދު މިދިޔަ އަހަރު ވެވުނު މުއާހަދާގެ ސަބަބުން ރާއްޖެއަށް އެ ސަރަހައްދުން ލިބިގެންވާ ހައްގުތަކަށް އެއްވެސް އުނިކަމެއް ނާންނާނެ ކަމަށް އެ ޖަމާއަތުން ދެކެއެވެ. ފޯޅަވަހީގެ މައްސަލައިގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުވެސް ވަނީ އިނގިރޭސި ސަރުކާރަށް ކަންބޮޑުވުން ހުށަހަޅުއްވައި، އެއީ ދިވެހިންގެ ތަނެއްކަން ސާބިތުކޮށްދޭނެ ތާރީޚީ ކިތާބީ ހެކިތައް އެބަހުރި ކަމަށް ވިދާޅުވެފައެވެ.