މިހާރުގެ ސިޔާސީ މަސްރަޙަށް ބަލާއިރު، އިދިކޮޅު ފަރާތްތަކުގެ އަޑު ގަދަވެ، ސަރުކާރަށް އޮތް ތާއީދު ކުޑަވަމުންދާ ކަމަށް ބުނެ، ރާއްޖޭގައި އަނެއްކާވެސް އިދިކޮޅު ވެރިކަމެއް ގާއިމުވާނެ ކަމުގެ އާއްމު ބައެއް ފަރާތަކުން ދަނީ ބުނަމުންނެވެ. މިހެން ދިމާންވާންޖެހޭ ސަބަބުތަކެއްވެސް ބައެއް މީހުން ދަނީ ސޯޝަލް މީޑިއާގެ ތަފާތު މަންސަތަކުގައި ފާހަގަކުރަމުންނެވެ.

ބައެއް މީހުން މިސަރުކަރާމެދު ނުރުހުންވެފައި ތިބީ، ކޮރަޕްޝަނާއި ފަސާދައަށް ދެކޮޅަށް ނުކުތް ސަރުކާރުން އެކަންތައް ހުއްޓުވުމަށް ފިޔަވަލޫތައް އެޅުމުގެ ބަދަލުގައި ސަރުކާރުގެ ކުންފުނިތަކުން ކުރަމުންދާ ކޮރަޕްޝަންގެ ޢަމަލުތައް އިންތިހާއަށް އިތުރުވެފައިވުމުގެ ސަބަބުންނެވެ. އިދިކޮޅު ޕަޓީތަކުންވެސް ތަކުރާރުކޮށް ސަރުކާރުން ހިންގާ މިފަދަ ޖަރީމާތަކަށް ދަނީ ފާޑުވިދާޅުވަމުންނެވެ. މީގެ އިތުރުން ސަރުކާރުގެ ސިޔާސަތުތަކަށް ދެކޮޅު ގިނަ ރައްޔިތުން ތަކެއް ތިބިކަންމިދަނީ ދުވަހުން ދުވަހަށް އިތުރުވަމުންނެވެ.

އެގޮތުން، އެމްޑީޕީގެ ސިޔާސަތުތަކަށް ތާއީދުކުރާ ފަރާތްކުން ބުނަމުންދަނީ ކުރިއަށް އޮތް ތަނުގައި ފެނިގެންދާނީ އިދިކޮޅު އެމްޑީޕީގެ ފުރިހަމަ ވެރިކަމެއް ކަމަށެވެ. މި ފޯރިގަދަ ޝުޢޫރުތަކާއެކު، ސަރުކާރުގެ ހިންގުން ބަލިކަށިވެ، ރައްޔިތުންގެ މެދުގައި އޮތް މަގުބޫލުކަން ކުޑަވަމުންދާ މަންޒަރު ފެންނަމުންދާ ކަމަށް ސިޔާސީ މުރާސިލުން ފާހަގަކުރެއެވެ.

އަނެއްކޮޅުން، ރާއްޖޭގެ އިދިކޮޅު ސިޔާސީ ޕާޓީތައް އެއްގަލަކަށް އަރައި، ސަރުކާރާ ދެކޮޅަށް ވަރުގަދަ އިއްތިހާދެއް އުފެއްދުމުގެ މަސައްކަތް ދަނީ ކުރެވެމުން ކަމަށް ދިރާސާ ކުރާ ފަރާތްތަކުން ދަނީ ބުނަމުންނެވެ.

ސަރުކާރުގެ ނިންމުންތަކަށް ފާޑުކިޔުން އިތުރުވެ، އިދިކޮޅު ޕާޓީތަކުން ދައްކާ ވާހަކަތަކަށް އާންމުންގެ ސަމާލުކަން ލިބެމުންދާއިރު، ވަރަށް އަވަސް މުސްތަގުބަލެއްގައި އިދިކޮޅު ހުރިހާ ބާރުތަކެއް އެކަތިގަނޑަކަށް ވެގެންދާނެ ކަމަށް ބެލެވެއެވެ. މި ބަދަލާއެކު ރާއްޖޭގެ ސިޔާސީ ޗާޓަށް ބޮޑެތި ލޮޅުންތަކެއް އަރާނެ ކަމަށް ސިޔާސީ މަސްރަޙު ދިރާސާކުރާ ފަރާތްތަކުން ލަފާކުރެއެވެ.