އީރާނުގެ އިސްލާމިކް ރިވަލޫޝަނަރީ ގާޑް ކޯޕްސް (އައި.އާރު.ޖީ.ސީ) ގެ ޖެނެރަލް އިބްރާހީމް ޖައްބާރީ، އެމެރިކާގެ ރައީސް ޑޮނަލްޑް ޓްރަމްޕަށް ވަރުގަދަ އިންޒާރެއް ދެއްވައިފިއެވެ.

ޖެނެރަލް ޖައްބާރީ ވިދާޅުވީ، ދާދި ފަހުން އީރާނުން ފޮނުވާލި މިސައިލްތަކަކީ އެ ގައުމުގެ އަސްކަރީ ކާނާގެ ތެރެއިން އެންމެ ފަހަތުގައި ހުރި، ނުވަތަ އާދައިގެ ހަތިޔާރުތައް ކަމަށެވެ. އަދި އީރާނުގެ އަސްކަރީ ގާބިލިއްޔަތު މިއަށްވުރެ މާ ވަރުގަދަވާނެކަން އޭނާ ފާހަގަކުރެއްވިއެވެ.

މީގެ އިތުރުން ޖެނެރަލް ޖައްބާރީ ވިދާޅުވީ، ކުރިއަށް އޮތް ތަނުގައި އީރާނުން ދުނިޔެއަށް ދައްކާލާނެ ހަތިޔާރުތަކަކީ މީގެ ކުރިން ދުވަހަކުވެސް ފެނިފައިނުވާ ފަދަ ޒަމާނީ އަދި ނުރައްކާތެރި ހަތިޔާރުތަކަކަށް ވާނެ ކަމަށެވެ. މި ހަތިޔާރުތަކާ ބެހޭ ގޮތުން ޓްރަމްޕަށް އެނގިވަޑައިގަންނަވަން ޖެހޭނެ ކަމަށާއި، އީރާނުން އޮތީ ކޮންމެ ފަދަ ހަމަލާއަކަށްވެސް ފުރިހަމައަށް ތައްޔާރުވެގެން ކަމަށް އޭނާ ވިދާޅުވިއެވެ.

މި އިންޒާރަކީ މެދުއިރުމަތީގެ މަސްރަހު ނުތަނަވަސްވެފައިވާ ދަނޑިވަޅެއްގައި، އީރާނުގެ އަސްކަރީ ބާރު ދައްކާލުމުގެ ގޮތުން ދީފައިވާ އިންޒާރެއް ކަމަށް މަސްރަހު ދިރާސާކުރާ ފަރާތްތަކުން ދެކެއެވެ. ޖެނެރަލް ޖައްބާރީގެ ވާހަކަތަކުން ދޭހަވަނީ، އީރާނުގެ ހަގީގީ އަސްކަރީ ބާރު އަދިވެސް ވަނީ ސިއްރު ކުރެވިފައި ކަމާއި، ބޭނުން ޖެހިއްޖެ ހިނދެއްގައި އެ ބާރުގެ ބޭނުން ހިފާނެ ކަމެވެ.