މާލޭގެ ޓޭކްއަވޭ ހިދުމަތްދޭ ތަނެއްގައި ރޭ ހިނގި ނުރައްކާތެރި އަލިފާނުގެ ހާދިސާއާ ގުޅިގެން، އެ އިމާރާތުގައި ދިރިއުޅެމުންދިޔަ އާއިލާއަށް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން ވަގުތީ ބޯހިޔާވެހިކަން ހަމަޖައްސައިދީފިއެވެ.

މއ. ރިމްލާސްގައި ހިނގި މި ހާދިސާ މި ހާދިސާ ހިނގާފައިވަނީ ރޭ މެންދަމު 3:00 ހާއިރުއެވެ. އަލިފާން ރޯވި ޓޭކްއަވޭ ހިދުމަތްދޭ ތަން އެއްކޮށް އަނދައި ހުލިވެފައިވާއިރު، އެމްއެންޑީއެފްގެ ފަޔާ އެންޑް ރެސްކިއު ސާވިސްއިން ކުރި މަސައްކަތުން އަލިފާންގަނޑު އެއްކޮށް ކޮންޓްރޯލްކޮށް ނިއްވާލެވުނީ މިއަދު ފަތިހުގެ ވަގުތެއްގައެވެ. މި ހާދިސާގައި އެ ގޭގެ ބައެއް ބައިތަކަށް ބޮޑެތި ގެއްލުންތަކެއް ލިބި، މީހުން ދިރިނޫޅެވޭ ވަރަށް އިމާރާތް ވަނީ ހަލާކުވެފައެވެ.

މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައި ނުވި ނަމަވެސް، އާއިލާ ދިރިއުޅެމުންދިޔަ ތަނަށް ލިބުނު ގެއްލުންތަކުގެ ސަބަބުން އެމީހުންނަށް ކުއްލި ބޯހިޔާވަހިކަން ބޭނުންވެފައިވާކަމަށް އެމްއެމްޑީއެފްއިން ހާމަކުރިއެވެ.

އެމްއެންޑީއެފް އިން ބުނީ ހާލުގައި ޖެހުނު އާއިލާއަށް ބޭނުންވާ ކެއިންބުއިމާއި އެހެނިހެން ޒަރޫރީ އެހީތެރިކަން މިހާރު ފޯރުކޮށްދީފައި ވާކަމަށެވެ.

ކަމާބެހޭ އިދާރާތަކުން މިހާރު ދަނީ މި ހާދިސާ ހިނގަން މެދުވެރިވި ސަބަބު ތަހުގީގު ކުރަމުންނެވެ. އަލިފާނުގެ ސަބަބުން ލިބުނު މާލީ ގެއްލުންތަކުގެ ތަފްސީލު ހޯދުމުގެ މަސައްކަތް ކުރިއަށްދާއިރު، އެންޑީއެމްއޭ އިން ދަނީ ހާލުގައި ޖެހުނު އާއިލާގެ ހާލަތު ގާތުން ބަލަމުންނެވެ.