މިއަދު ކުވައިތުގައި އެމެރިކާގެ އަސްކަރީ ބައެއް މަތިންދާބޯޓުތައް ވެއްޓިފައިވާ ކަމަށާއި، ނަމަވެސް އެ ބޯޓުތަކުގެ ފަޅުވެރިން ސަލާމަތްވެފައިވާ ކަމަށް ކުވައިތުގެ ޑިފެންސް މިނިސްޓްރީން ހާމަކޮށްފިއެވެ.
ކުވައިތުގެ މިނިސްޓްރީ އޮފް ޑިފެންސްގެ ތަރުޖަމާނު ކާނަލް ސައުދު އަލް-އަޠުވާން ނެރުއްވި ބަޔާނެއްގައި ވިދާޅުވީ، ހޯމަ ދުވަހުގެ ހެނދުނުގެ ވަގުތެއްގައި އެމެރިކާގެ "ބައެއް" ހަނގުރާމަމަތީ ބޯޓުތައް ވެއްޓުނު ނަމަވެސް، އޭގައި ތިބި ހުރިހާ ފަޅުވެރިން ސަލާމަތުން ތިބިކަން ކަށަވަރު ކުރެވިފައިވާ ކަމަށެވެ.
މި ހާދިސާއާ ގުޅިގެން ވަގުތުން ސާޗް އެންޑް ރެސްކިއު އޮޕަރޭޝަނެއް ފަށައި، ފަޅުވެރިން ހޮސްޕިޓަލަށް ގެންގޮސް ފަރުވާ ދީފައިވާ ކަމަށާއި، އެމީހުންގެ ހާލު މިހާރު ރަނގަޅު ކަމަށްވެސް އެ މިނިސްޓްރީން މައުލޫމާތުދެއެވެ.
މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ކުވައިތުގެ ކަމާބެހޭ ފަރާތްތަކުން އެމެރިކާގެ އަސްކަރިއްޔާއާ ގުޅިގެން މިހާރު އަންނަނީ ތަހުގީގު ކުރަމުންނެވެ.
ސޯޝަލް މީޑިއާގައި ދައުރުވަމުންދާ ބައެއް ވީޑިއޯތަކުން އެމެރިކާގެ އެފް-15 މަރުކާގެ ބޯޓެއް ވެއްޓޭ މަންޒަރު ފެންނައިރު، މި ހާދިސާ ހިނގާފައިވަނީ މެދުއިރުމަތީގެ މަޝްރަހު ނުތަނަވަސްވެފައިވާ ދަނޑިވަޅެއްގައެވެ. ނަމަވެސް، ބޯޓުތައް ވެއްޓުނު ސީދާ އަދަދާއި ހިނގި ސަރަހައްދު ކުވައިތު ސަރުކާރުން އަދި ރަސްމީކޮށް ހާމައެއް ނުކުރެއެވެ.
މި ހާދިސާއާ ގުޅިގެން ވަގުތުން ސާޗް އެންޑް ރެސްކިއު އޮޕަރޭޝަނެއް ފަށައި، ފަޅުވެރިން ހޮސްޕިޓަލަށް ގެންގޮސް ފަރުވާ ދީފައިވާ ކަމަށާއި، އެމީހުންގެ ހާލު މިހާރު ރަނގަޅު ކަމަށްވެސް އެ މިނިސްޓްރީން މައުލޫމާތުދެއެވެ.
ސޯޝަލް މީޑިއާގައި ދައުރުވަމުންދާ ބައެއް ވީޑިއޯތަކުން އެމެރިކާގެ އެފް-15 މަރުކާގެ ބޯޓެއް ވެއްޓޭ މަންޒަރު ފެންނައިރު، މި ހާދިސާ ހިނގާފައިވަނީ މެދުއިރުމަތީގެ މަޝްރަހު ނުތަނަވަސްވެފައިވާ ދަނޑިވަޅެއްގައެވެ. ނަމަވެސް، ބޯޓުތައް ވެއްޓުނު ސީދާ އަދަދާއި ހިނގި ސަރަހައްދު ކުވައިތު ސަރުކާރުން އަދި ރަސްމީކޮށް ހާމައެއް ނުކުރެއެވެ.
ކިޔުންތެރިންގެ ހިޔާލު