ދިވެހިރާއްޖޭގެ އެންމެ ދެކުނުން އޮތް އައްޑޫ ސިޓީ މައި ހަބަކަށް ބޭނުންކޮށްގެން، ކެންޔާގެ މުމްބާސާ އާއި އިންޑޮނީޝިއާގެ ޖަކާޓާއާ ދެމެދު އިގްތިސާދީ ވިޔަފާރި މަގަކުން ގުޅުވާލުމުގެ މަސައްކަތް ކުރީގެ ރައީސް މުޙައްމަދު ނަޝީދު ފައްޓަވައިފިއެވެ.
މި މަޝްރޫއުގެ މައިގަނޑު ތަސައްވުރަކީ ތިމާވެއްޓާ ރައްޓެހި ނުވަތަ "ގްރީން އިކޮނޮމިކް ކޮރިޑޯ" އެއް ގާއިމްކޮށް، އިންޑިއާ ކަނޑުގެ މެދުގައި އޮތް އައްޑޫގެ ގުދުރަތީ މަގާމުގެ ފައިދާ އެންމެ ފުރިހަމައަށް ހޯދުމެވެ. މި ރޫޓު ފެށޭނީ އެފްރިކާ ބައްރުގެ ކެންޔާއިން ކަމަށްވާއިރު، އައްޑޫގައި މަޑުކުރުމަށްފަހު ދަތުރު ނިންމާލާނީ އިންޑޮނީޝިއާގެ ޖަކާޓާއަށެވެ.
ކްލައިމެޓް ވަލްނަރަބަލް ފޯރަމް (ސީވީއެފް) ގެ ސެކްރެޓަރީ ޖެނެރަލްގެ މަގާމުގައި މިހާރު ހުންނެވި ރައީސް ނަޝީދު އެކްސްގައި ހިއްސާކުރެއްވި ވީޑިއޯ މެސެޖެއްގައި ވިދާޅުވީ، ކެންޔާގެ ރައީސް ވިލިއަމް ރޫޓޯއާ މިކަމާ ގުޅޭގޮތުން މަޝްވަރާ ކުރައްވާފައިވާ ކަމަށެވެ.
ކެންޔާގެ ރައީސް މި ހުށަހެޅުމަށް ވަރަށް ބޮޑަށް ޝައުގުވެރިކަން ފާޅުކުރައްވައި، އެކަމުގެ ފީސިބިލިޓީ ބެއްލެވުމަށް މިނިސްޓަރުންނަށް މިހާރު އިރުޝާދު ދެއްވާފައިވާ ކަމަށް ނަޝީދު ވިދާޅުވިއެވެ. މި މަސައްކަތް ހަގީގަތަކަށް ހެދުމަށްޓަކައި ދެން އެންމެ މުހިންމީ ދިވެހި ސަރުކާރާއި އިންޑޮނީޝިއާގެ އެއްބާރުލުން ލިބުން ކަމަށް އެމަނިކުފާނު ފާހަގަކުރެއްވިއެވެ.
މި ކޮރިޑޯ "ގްރީން" ކޮރިޑޯއެއްގެ ގޮތުގައި ސިފަކުރައްވަމުން ނަޝީދު ވިދާޅުވީ، މި މަޝްރޫއުގެ ދަށުން ހިނގާ ހުރިހާ ކަމެއްވެސް އިއާދަކުރަނިވި ހަކަތަ ބޭނުންކޮށްގެން ހިންގުމަކީ އެމަނިކުފާނުގެ އުންމީދެއް ކަމަށެވެ. އަދި ތިމާވެއްޓަށް ގެއްލުންވާނެ ފަދަ އެއްވެސް ކަމެއް މި މަޝްރޫއުގެ ތެރޭގައި ނުހިމެނޭނެ ކަމަށާއި، އައްޑޫއަކީ މުޅި ދުނިޔެއަށް ނަމޫނާ ދައްކާނެ ތިމާވެށީގެ ހަބަކަށް ވެގެންދާނެ ކަމަށްވެސް ވިދާޅުވިއެވެ.
އިންޑިއާ ކަނޑަކީ ދުނިޔޭގެ މުދާ އުފުލާ މައިގަނޑު އެއް މަގަށްވާއިރު، އޭގެ ސީދާ މެދުގައި އޮތް އައްޑޫއިން އެ ފުރުސަތުގެ ބޭނުން ހިފުމަކީ އިގްތިސާދީ ގޮތުން ލިބޭނެ ބޮޑު ކުރިއެރުމެއްކަން އެމަނިކުފާނު ފާހަގަކުރެއްވިއެވެ.
ނަޝީދުގެ ޕްލޭނަކީ އައްޑޫ ސިޓީއަކީ ޓްރާންސްޝިޕްމަންޓް ބަނދަރަކަށް ހަދައި، އެފްރިކާއިންނާއި އިންޑޮނީޝިއާއިން އަންނަ މުދާ އައްޑޫގައި ބަދަލުކުރެވޭނެ އިންތިޒާމް ހަމަޖެއްސުމެވެ.
މިގޮތުން، އެފްރިކާއިން އަންނަ ބޯޓުތަކުން ގެންނަ މުދާ އައްޑޫގައި ބެހެއްޓުމަށްފަހު، އެނބުރި ދާއިރު އިންޑޮނީޝިއާއިން އައްޑޫއަށް ގެނެސްފައި ހުރި މުދާ ހިފައިގެން ދެވޭނެއެވެ. މިކަމަށްޓަކައި ބޮޑެތި ބޯޓުފަހަރުގެ ބަދަލުގައި ކުދި ބޯޓުތައް ބޭނުންކޮށްގެން މުދާ އުފުލުމަކީ އެންމެ ފައިދާހުރި ގޮތް ކަމަށް ދެކެވަޑައިގަންނަވާ ކަމަށްވެސް ރައީސް ނަޝީދު ވިދާޅުވިއެވެ.
ކްލައިމެޓް ވަލްނަރަބަލް ފޯރަމް (ސީވީއެފް) ގެ ސެކްރެޓަރީ ޖެނެރަލްގެ މަގާމުގައި މިހާރު ހުންނެވި ރައީސް ނަޝީދު އެކްސްގައި ހިއްސާކުރެއްވި ވީޑިއޯ މެސެޖެއްގައި ވިދާޅުވީ، ކެންޔާގެ ރައީސް ވިލިއަމް ރޫޓޯއާ މިކަމާ ގުޅޭގޮތުން މަޝްވަރާ ކުރައްވާފައިވާ ކަމަށެވެ.
ކެންޔާގެ ރައީސް މި ހުށަހެޅުމަށް ވަރަށް ބޮޑަށް ޝައުގުވެރިކަން ފާޅުކުރައްވައި، އެކަމުގެ ފީސިބިލިޓީ ބެއްލެވުމަށް މިނިސްޓަރުންނަށް މިހާރު އިރުޝާދު ދެއްވާފައިވާ ކަމަށް ނަޝީދު ވިދާޅުވިއެވެ. މި މަސައްކަތް ހަގީގަތަކަށް ހެދުމަށްޓަކައި ދެން އެންމެ މުހިންމީ ދިވެހި ސަރުކާރާއި އިންޑޮނީޝިއާގެ އެއްބާރުލުން ލިބުން ކަމަށް އެމަނިކުފާނު ފާހަގަކުރެއްވިއެވެ.
މި ކޮރިޑޯ "ގްރީން" ކޮރިޑޯއެއްގެ ގޮތުގައި ސިފަކުރައްވަމުން ނަޝީދު ވިދާޅުވީ، މި މަޝްރޫއުގެ ދަށުން ހިނގާ ހުރިހާ ކަމެއްވެސް އިއާދަކުރަނިވި ހަކަތަ ބޭނުންކޮށްގެން ހިންގުމަކީ އެމަނިކުފާނުގެ އުންމީދެއް ކަމަށެވެ. އަދި ތިމާވެއްޓަށް ގެއްލުންވާނެ ފަދަ އެއްވެސް ކަމެއް މި މަޝްރޫއުގެ ތެރޭގައި ނުހިމެނޭނެ ކަމަށާއި، އައްޑޫއަކީ މުޅި ދުނިޔެއަށް ނަމޫނާ ދައްކާނެ ތިމާވެށީގެ ހަބަކަށް ވެގެންދާނެ ކަމަށްވެސް ވިދާޅުވިއެވެ.
އިންޑިއާ ކަނޑަކީ ދުނިޔޭގެ މުދާ އުފުލާ މައިގަނޑު އެއް މަގަށްވާއިރު، އޭގެ ސީދާ މެދުގައި އޮތް އައްޑޫއިން އެ ފުރުސަތުގެ ބޭނުން ހިފުމަކީ އިގްތިސާދީ ގޮތުން ލިބޭނެ ބޮޑު ކުރިއެރުމެއްކަން އެމަނިކުފާނު ފާހަގަކުރެއްވިއެވެ.
މިގޮތުން، އެފްރިކާއިން އަންނަ ބޯޓުތަކުން ގެންނަ މުދާ އައްޑޫގައި ބެހެއްޓުމަށްފަހު، އެނބުރި ދާއިރު އިންޑޮނީޝިއާއިން އައްޑޫއަށް ގެނެސްފައި ހުރި މުދާ ހިފައިގެން ދެވޭނެއެވެ. މިކަމަށްޓަކައި ބޮޑެތި ބޯޓުފަހަރުގެ ބަދަލުގައި ކުދި ބޯޓުތައް ބޭނުންކޮށްގެން މުދާ އުފުލުމަކީ އެންމެ ފައިދާހުރި ގޮތް ކަމަށް ދެކެވަޑައިގަންނަވާ ކަމަށްވެސް ރައީސް ނަޝީދު ވިދާޅުވިއެވެ.
ކިޔުންތެރިންގެ ހިޔާލު