ބ. ގޮއިދޫގައި ކެންސަރު ބަލި ޖެހޭ މިންވަރު އާދަޔާ ހިލާފަށް އިތުރުވަމުންދާ މައްސަލައިގެ ސަބަބު ދެނެގަތުމަށްޓަކައި، މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އާ ގުޅިގެން އެގްރިކަލްޗަރ މިނިސްޓްރީން ޚާއްޞަ މަސައްކަތްތަކެއް ފަށައިފިއެވެ.
މިކަމާ ގުޅޭގޮތުން މިނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއަރ އިން މިއަދު ބޭއްވި ނޫސްވެރިންގެ ބައްދަލުވުމެއްގައި، ނޫސްވެރިއަކު ކުރި ސުވާލަކަށް ޖަވާބު ދެއްވަމުން މިނިސްޓަރު ޑރ. މަރިޔަމް މާރިޔާ ވިދާޅުވީ، ގޮއިދޫގައި ކެންސަރު ގިނަވާން ދިމާވާ ސަބަބުތައް ބެލުމަށްޓަކައި އެމްއެފްޑީއޭއިން ޓެސްޓުތައް ހަދަމުން އަންނަ ކަމަށެވެ.
ފުޅާދާއިރާއެއްގައި ދަނޑުވެރިކަން ކުރަމުންދާ ގޮއިދޫގެ މި ކަންބޮޑުވުން ފުރަތަމަ ފާހަގަކޮށްފައިވަނީ މިދިޔަ އަހަރުގެ ޑިސެމްބަރު މަހުގެ ތެރޭގައި މީސްމީޑިއާ މެދުވެރިކޮށް އެރަށަށް ނިސްބަތްވާ ފަރާތަކުންނެވެ. އެގޮތުން ފޭސްބުކްގައި އާންމުކުރި ސިޓީއެއްގައި ބުނެފައިވަނީ، ގާތްގަނޑަކަށް 500 އެއްހާ މީހުންގެ އާބާދީއެއް އޮތް ގޮއިދޫގައި ގައިން ގަޔަށް ނާރާ ބަލިތައް، ޚާއްޞަކޮށް ކެންސަރު ޖެހޭ މިންވަރު ވަރަށް ބޮޑަށް އިތުރުވެފައިވާ ކަމަށެވެ.
އެސިޓީގައި ބުނެފައިވަނީ، ވޭތުވެދިޔަ ފަސް އަހަރުގެ ތެރޭގައި އެ ރަށުން ނުވަ މީހަކަށް ކެންސަރު ޖެހިފައިވާއިރު، އޭގެ ތެރެއިން ތިން މީހަކު މި ބަލީގައި ނިޔާވެފައިވާ ކަމަށެވެ. އޭނާ ތުހުމަތުކުރި ގޮތުގައި، ރަށުގެ ދަނޑުތަކުގެ 95 އިންސައްތަ ބިދޭސީން ބަލަހައްޓަމުންދާއިރު، އެ ދަނޑުތަކުގައި ހައްދާ ތަކެއްޗަށް އިންސާނުންގެ ފުރާނައަށް ނުރައްކާވާ މިންވަރަށް "ޕެސްޓިސައިޑްސް" އާއި ނުރައްކާތެރި ކެމިކަލް އަޅައި ތަޣައްޔަރު ކުރަމުންދެއެވެ.
މި މައްސަލައާ ގުޅިގެން މިނިސްޓަރު މާރިޔާ ވިދާޅުވީ، ޕެސްޓިސައިޑު ބޭނުންކުރުމާ ގުޅޭ ގާނޫނެއް ވުޖޫދުގައި އޮތް ނަމަވެސް، އެ ގާނޫނުގެ ދަށުން އެކުލަވައިލަންޖެހޭ ޕޮލިސީތައް (ސިޔާސަތުތައް) ހެދިފައި ނެތުމުގެ ސަބަބުން ތަންފީޒުކުރުމުގައި ހުރަސްތަކެއް ހުރި ކަމަށެވެ. ނަމަވެސް، މިދިޔަ މަހުން ފެށިގެން އެ ސިޔާސަތުތައް އެކުލަވައިލުމުގެ މަސައްކަތް މިހާރު ފަށާފައިވާ ކަމަށް މިނިސްޓަރު ފާހަގަކުރެއްވިއެވެ.
"އިރާދަކުރެއްވިއްޔާ ވަރަށް އަވަހަށް މި ޕޮލިސީތައް ތަންފީޒުވެގެންދާނެ ކަމަށް އަޅުގަނޑުމެން މި އުއްމީދު ކުރަނީ،" މިނިސްޓަރު ވިދާޅުވިއެވެ.
މި ސިޔާސަތުތައް ތަންފީޒުވާން ފެށުމުން، ދަނޑުވެރިކަމުގައި ބޭނުންކުރާ ކެމިކަލްތަކާއި ޕެސްޓިސައިޑުތައް ރަނގަޅަށް މޮނިޓަރ ކުރެވި، އާންމު ސިއްހަތަށް ހުރި ނުރައްކާތައް ކުޑަވެގެންދާނެ ކަމަށް ސަރުކާރުން ގަބޫލުކުރެއެވެ.
ފުޅާދާއިރާއެއްގައި ދަނޑުވެރިކަން ކުރަމުންދާ ގޮއިދޫގެ މި ކަންބޮޑުވުން ފުރަތަމަ ފާހަގަކޮށްފައިވަނީ މިދިޔަ އަހަރުގެ ޑިސެމްބަރު މަހުގެ ތެރޭގައި މީސްމީޑިއާ މެދުވެރިކޮށް އެރަށަށް ނިސްބަތްވާ ފަރާތަކުންނެވެ. އެގޮތުން ފޭސްބުކްގައި އާންމުކުރި ސިޓީއެއްގައި ބުނެފައިވަނީ، ގާތްގަނޑަކަށް 500 އެއްހާ މީހުންގެ އާބާދީއެއް އޮތް ގޮއިދޫގައި ގައިން ގަޔަށް ނާރާ ބަލިތައް، ޚާއްޞަކޮށް ކެންސަރު ޖެހޭ މިންވަރު ވަރަށް ބޮޑަށް އިތުރުވެފައިވާ ކަމަށެވެ.
އެސިޓީގައި ބުނެފައިވަނީ، ވޭތުވެދިޔަ ފަސް އަހަރުގެ ތެރޭގައި އެ ރަށުން ނުވަ މީހަކަށް ކެންސަރު ޖެހިފައިވާއިރު، އޭގެ ތެރެއިން ތިން މީހަކު މި ބަލީގައި ނިޔާވެފައިވާ ކަމަށެވެ. އޭނާ ތުހުމަތުކުރި ގޮތުގައި، ރަށުގެ ދަނޑުތަކުގެ 95 އިންސައްތަ ބިދޭސީން ބަލަހައްޓަމުންދާއިރު، އެ ދަނޑުތަކުގައި ހައްދާ ތަކެއްޗަށް އިންސާނުންގެ ފުރާނައަށް ނުރައްކާވާ މިންވަރަށް "ޕެސްޓިސައިޑްސް" އާއި ނުރައްކާތެރި ކެމިކަލް އަޅައި ތަޣައްޔަރު ކުރަމުންދެއެވެ.
މި މައްސަލައާ ގުޅިގެން މިނިސްޓަރު މާރިޔާ ވިދާޅުވީ، ޕެސްޓިސައިޑު ބޭނުންކުރުމާ ގުޅޭ ގާނޫނެއް ވުޖޫދުގައި އޮތް ނަމަވެސް، އެ ގާނޫނުގެ ދަށުން އެކުލަވައިލަންޖެހޭ ޕޮލިސީތައް (ސިޔާސަތުތައް) ހެދިފައި ނެތުމުގެ ސަބަބުން ތަންފީޒުކުރުމުގައި ހުރަސްތަކެއް ހުރި ކަމަށެވެ. ނަމަވެސް، މިދިޔަ މަހުން ފެށިގެން އެ ސިޔާސަތުތައް އެކުލަވައިލުމުގެ މަސައްކަތް މިހާރު ފަށާފައިވާ ކަމަށް މިނިސްޓަރު ފާހަގަކުރެއްވިއެވެ.
މި ސިޔާސަތުތައް ތަންފީޒުވާން ފެށުމުން، ދަނޑުވެރިކަމުގައި ބޭނުންކުރާ ކެމިކަލްތަކާއި ޕެސްޓިސައިޑުތައް ރަނގަޅަށް މޮނިޓަރ ކުރެވި، އާންމު ސިއްހަތަށް ހުރި ނުރައްކާތައް ކުޑަވެގެންދާނެ ކަމަށް ސަރުކާރުން ގަބޫލުކުރެއެވެ.
ކިޔުންތެރިންގެ ހިޔާލު