ސިއްހީ ގޮތުން ކުރިމަތިވާ ތަފާތު ގޮންޖެހުންތަކުގެ ތެރެއިން، ލޭގައި ކޮލެސްޓްރޮލް މަތިވުމަކީ މިއަދު ދުނިޔޭގެ ގިނަ ބަޔަކަށް ދިމާވެފައިވާ ސީރިއަސް މައްސަލައެކެވެ. ޚާއްޞަކޮށް "ގެއްލުންހުރި ކޮލެސްޓްރޮލް" ނުވަތަ އެލް.ޑީ.އެލް މަތިވުމަކީ ހިތުގެ ބަލިތަކާއި ސްޓްރޯކް ޖެހުމަށް މަގުފަހިވާ ކަމެކެވެ. ނަމަވެސް، އަޅުގަނޑުމެން ކާބޯތަކެތީގެ އާދަތަކަށް ގެންނަ ކުޑަކުޑަ ބަދަލަކުން މި މައްސަލައަށް ހައްލެއް ހޯދިދާނެ ކަމަށް މާހިރުން ވިދާޅުވެއެވެ. މިގޮތުން ކޮލެސްޓްރޮލް ދަށްކުރުމަށް އެހީތެރިވެދޭ މުހިންމު ހަތަރު ބާވަތެއް ފާހަގަކޮށްލެވެއެވެ.
ފުރަތަމަ ބާބަތަކަށް އޯޓްސް އަކީ ކޮލެސްޓްރޮލް ދަށްކުރުމަށް ވަރަށް ބޮޑު އެހީތެރިކަމެއް ފޯރުކޮށްދޭ ކާނާއެކެވެ. އޯޓްސްގައި "ބީޓާ-ގްލޫކަން" ނަމަކަށް ކިޔާ ފައިބަރެއް އެކުލެވިގެންވެއެވެ. މި މާއްދާގެ ސަބަބުން ގޮހޮރުގެ ތެރޭގައި ޖެލް ކަހަލަ ފަށަލައެއް އުފެދި، ކޮލެސްޓްރޮލް ލޭގެ ތެރެއަށް ދައުރުވުން ހުއްޓުވައިދެއެވެ. އެހެންކަމުން، ހެނދުނުގެ ނާސްތާގައި އޯޓްސް ބޭނުންކުރުމަކީ ހަށިގަނޑަށް ބޭނުންނުވާ ކޮލެސްޓްރޮލް ބޭރުކޮށްލުމަށް ލިބޭ ވަރަށް ބޮޑު ބާރެކެވެ.
ދެވަނަ ބާވަތަކީ ބަދަނުގެ ބާވަތްތަކެވެ. ޚާއްޞަކޮށް ނަޓްސްގެ ތެރޭގައި ހިމެނޭ "އާމަންޑް" އާއި "ވޯލްނަޓް" އަކީ ހިތުގެ ދުޝްމަނެއް ކަމަށްވާ އެލް.ޑީ.އެލް ކޮލެސްޓްރޮލް ދަށްކުރުމަށް އެހީތެރިވެދޭ އެއްޗެހީގެ ގޮތުގައި ފާހަގަކުރެވެއެވެ. މި ތަކެތީގައި ހިމެނޭ ސިއްހަތަށް ފައިދާހުރި ފެޓްސް އާއި، ވިޓަމިން އީ އަދި ފައިބަރުގެ ސަބަބުން ލޭގެ ހޮޅިތަކުގެ ދުޅަހެޔޮކަން ދަމަހައްޓައިދީ، ކޮލެސްޓްރޮލްގެ މިންވަރު ކޮންޓްރޯލް ކުރުމަށް އެހީވެދެއެވެ. ނަމަވެސް، މިއީ ގިނަ އަދަދަކަށް ކެލޮރީ އެކުލެވޭ އެއްޗަކަށް ވާތީ، މިންގަނޑަކަށް ބަލައިގެން ބޭނުންކުރުން މުހިންމެވެ.
ތިންވަނައަށް ފާހަގްކުރެވެނީ ތަރުކާރީގެ ބާވަތްތަކެވެ. ޚާއްޞަކޮށް ފަތްޕިލާވެލީގެ ބާވަތްތަކާއި، ބްރޮކޮލީ ފަދަ ތަރުކާރީގައި ގިނަ އަދަދަކަށް ފައިބަރާއި އެންޓިއޮކްސިޑެންޓްސް އެކުލެވިގެންވެއެވެ. މި މާއްދާތަކަކީ ލޭގެ ތެރޭގައި ހުންނަ ސަރުބީގެ މިންވަރު ދަށްކޮށްދީ، ހަށިގަނޑުގެ މެޓަބޮލިޒަމް ރަނގަޅުކޮށްދޭ އެއްޗެހީގެ ގޮތުގައި ބެލެވެއެވެ. ކޮންމެ ދުވަހެއްގެ ކެއުމުގައި ތަރުކާރީގެ ބާވަތްތައް ހިމެނުމަކީ ކޮލެސްޓްރޮލްގެ މައްސަލަތަކުން ދުރުވުމަށް އެޅޭ މުހިންމު ފިޔަވަޅެކެވެ.
އެންމެ ފަހު ކަމަކަށް، ތެޔޮ މަހުގެ ބާވަތްތަކަކީ ކޮލެސްޓްރޮލް ދަށްކުރުމަށް ވަރަށް މުހިންމު ދައުރެއް އަދާކުރާ އެއްޗެކެވެ. މަހުގެ ބާވަތްތަކުގައި އެކުލެވޭ "އޮމެގާ-3 ފެޓީ އެސިޑް" އަކީ ލޭގައި ހުންނަ ޓްރައިގްލިސަރައިޑްސް ދަށްކޮށްދީ، ހިތުގެ ހިނގުން އާދައިގެ މިންގަނޑެއްގައި ބެހެއްޓުމަށް އެހީތެރިވެދޭ މާއްދާއެކެވެ. މިކަމުގެ ސަބަބުން ލޭ ހޮޅިތަކުގައި ކޮލެސްޓްރޮލް ހަރުލުން ހުއްޓުވައިދެއެވެ.
ލޭގައި ކޮލެސްޓްރޮލް މަތިވުމަކީ ހަމައެކަނި ބޭހުން ހައްލުކުރަންޖެހޭ ކަމެއް ނޫނެވެ. ދުޅަހެޔޮ ކާނާގެ އާދަތަކަށް އިސްކަންދީ، އޯޓްސް، ބަދަން، ތަރުކާރީ އަދި މަހުގެ ބާވަތްތައް ބޭނުންކުރުން އިތުރުކުރުމަކީ މި ނުރައްކަލުން ސަލާމަތްވުމަށް އޮތް އެންމެ ރަނގަޅު މަގެވެ. ސިއްހަތަށް ފައިދާހުރި ކާނާއާއެކު ދިރިއުޅުމުގެ ވައްޓަފާޅި ބަދަލުކުރުމަކީ ދުޅަހެޔޮ ހަށިގަނޑެއްގެ ބިންގަލެވެ.
ދެވަނަ ބާވަތަކީ ބަދަނުގެ ބާވަތްތަކެވެ. ޚާއްޞަކޮށް ނަޓްސްގެ ތެރޭގައި ހިމެނޭ "އާމަންޑް" އާއި "ވޯލްނަޓް" އަކީ ހިތުގެ ދުޝްމަނެއް ކަމަށްވާ އެލް.ޑީ.އެލް ކޮލެސްޓްރޮލް ދަށްކުރުމަށް އެހީތެރިވެދޭ އެއްޗެހީގެ ގޮތުގައި ފާހަގަކުރެވެއެވެ. މި ތަކެތީގައި ހިމެނޭ ސިއްހަތަށް ފައިދާހުރި ފެޓްސް އާއި، ވިޓަމިން އީ އަދި ފައިބަރުގެ ސަބަބުން ލޭގެ ހޮޅިތަކުގެ ދުޅަހެޔޮކަން ދަމަހައްޓައިދީ، ކޮލެސްޓްރޮލްގެ މިންވަރު ކޮންޓްރޯލް ކުރުމަށް އެހީވެދެއެވެ. ނަމަވެސް، މިއީ ގިނަ އަދަދަކަށް ކެލޮރީ އެކުލެވޭ އެއްޗަކަށް ވާތީ، މިންގަނޑަކަށް ބަލައިގެން ބޭނުންކުރުން މުހިންމެވެ.
ތިންވަނައަށް ފާހަގްކުރެވެނީ ތަރުކާރީގެ ބާވަތްތަކެވެ. ޚާއްޞަކޮށް ފަތްޕިލާވެލީގެ ބާވަތްތަކާއި، ބްރޮކޮލީ ފަދަ ތަރުކާރީގައި ގިނަ އަދަދަކަށް ފައިބަރާއި އެންޓިއޮކްސިޑެންޓްސް އެކުލެވިގެންވެއެވެ. މި މާއްދާތަކަކީ ލޭގެ ތެރޭގައި ހުންނަ ސަރުބީގެ މިންވަރު ދަށްކޮށްދީ، ހަށިގަނޑުގެ މެޓަބޮލިޒަމް ރަނގަޅުކޮށްދޭ އެއްޗެހީގެ ގޮތުގައި ބެލެވެއެވެ. ކޮންމެ ދުވަހެއްގެ ކެއުމުގައި ތަރުކާރީގެ ބާވަތްތައް ހިމެނުމަކީ ކޮލެސްޓްރޮލްގެ މައްސަލަތަކުން ދުރުވުމަށް އެޅޭ މުހިންމު ފިޔަވަޅެކެވެ.
ލޭގައި ކޮލެސްޓްރޮލް މަތިވުމަކީ ހަމައެކަނި ބޭހުން ހައްލުކުރަންޖެހޭ ކަމެއް ނޫނެވެ. ދުޅަހެޔޮ ކާނާގެ އާދަތަކަށް އިސްކަންދީ، އޯޓްސް، ބަދަން، ތަރުކާރީ އަދި މަހުގެ ބާވަތްތައް ބޭނުންކުރުން އިތުރުކުރުމަކީ މި ނުރައްކަލުން ސަލާމަތްވުމަށް އޮތް އެންމެ ރަނގަޅު މަގެވެ. ސިއްހަތަށް ފައިދާހުރި ކާނާއާއެކު ދިރިއުޅުމުގެ ވައްޓަފާޅި ބަދަލުކުރުމަކީ ދުޅަހެޔޮ ހަށިގަނޑެއްގެ ބިންގަލެވެ.
ކިޔުންތެރިންގެ ހިޔާލު