ސިއްހީ މާހިރުން ހާމަކުރައްވާ ގޮތުގައި، ހަށިގަނޑުގެ ބަރުދަން ހުންނަންޖެހޭ މިންވަރަށްވުރެ އިތުރުވުމަކީ ނުވަތަ އޮބޭސިޓީއަކީ ހަމައެކަނި ހަކުރުބައްޔާއި ހިތުގެ ބަލިތަކަށް މަގުފަހިވާ ކަމެއް ނޫނެވެ. އޭގެ އިތުރުން، އޮބޭސިޓީއާއި ބޮލުގައި ރިއްސުމާ، ހާއްސަކޮށް މައިގްރޭންއާ ދެމެދު ވަރުގަދަ ގުޅުމެއް އޮންނަކަން ދިރާސާތަކުން ފެންނަމުންދާ ކަމަށް މާހިރުން ބުނެއެވެ. ބަރުދަން އިތުރުވުމަކީ ބޮލުގައި ރިއްސުމުގެ މައްސަލަ އިތުރަށް ގޯސްކޮށް، އެކަމުގެ ސަބަބުން ދިރިއުޅުމަށް ބުރޫއަރުވާ ކަމެކެވެ.
އޮބޭސިޓީގެ ސަބަބުން ސީދާ ބޮލުގައި ރިއްސުން އުފެދޭ ކަމަށް ނުބެލެވުނަސް، ބަރުދަން އިތުރުވުމަކީ ބޮލުގައި ރިއްސުމުގެ "އެޓޭކް" ތައް ގިނަވުމާއި އޭގެ ވަރުގަދަކަން އިތުރުވުމަށް މެދުވެރިވާ ސަބަބެކެވެ. ހާއްސަކޮށް، މަދު މަދުން ބޮލުގައި ރިއްސާ މީހުންނަށް އޮބޭސިޓީގެ ސަބަބުން އެ މައްސަލަ "ކްރޮނިކް" ނުވަތަ ދާއިމީ ބޮލުގައި ރިއްސުމަކަށް ބަދަލުވުމުގެ ފުރުސަތު ބޮޑެވެ. މިގޮތަށް ދިމާވާ މައިގަނޑު ސަބަބަކީ ހަށިގަނޑުގައި ހުންނަ އިތުރު ސަރުބީން ބައެއް ކަހަލަ ކެމިކަލްތަކާއި "ސައިޓޯކައިންސް" އުފައްދާތީއެވެ. މި މާއްދާތަކަކީ ހަށިގަނޑުގައި ދުޅަހެޔޮކަން ކުޑަކޮށް، އިންފްލެމޭޝަން އުފައްދާ އެއްޗެހި ކަމަށްވުމުން، ނާރުތަކަށް އޭގެ އަސަރުކޮށް ބޮލުގައި ރިއްސުން އިތުރުކޮށްދެއެވެ.
ބަރުދަން އިތުރުވުމާ ގުޅިފައިވާ އަނެއް މުހިންމު މައްސަލައަކީ "އިޑިއޯޕެތިކް އިންޓްރާކްރޭނިއަލް ހައިޕަޓެންޝަން" އެވެ. މިއީ ސިކުނޑީގެ ވަށައިގެން ހުންނަ ދިޔާ މާއްދާ ނުވަތަ ސެރެބްރޯސްޕައިނަލް ފްލުއިޑްގެ ޕްރެޝަރު މަތިވުމުގެ ސަބަބުން ދިމާވާ ކަމެކެވެ. މިއީ އާންމުކޮށް ބަރުދަން މަތި އަންހެނުންގެ މެދުގައި ފެންނަ މައްސަލައެކެވެ. މީގެ ސަބަބުން ބޮލުގައި ވަރަށް ގަދައަށް ރިއްސުމުގެ އިތުރުން، ލޮލުގެ ފެނުމަށް ބަދަލު އައުމާއި، ކަންފަތް ތެރޭގައި އަޑު ގޮވުން ފަދަ އުނދަގޫތައް ކުރިމަތިވެއެވެ.
މީގެ އިތުރުން، އޮބޭސިޓީގެ ސަބަބުން ކުރިމަތިވާ ނިދުމުގެ މައްސަލަތަކަކީވެސް ބޮލުގައި ރިއްސުމާ ގުޅުންހުރި ކަމެކެވެ. ހާއްސަކޮށް "އޮބްސްޓްރަކްޓިވް ސްލީޕް އެޕްނިއާ" ނުވަތަ ނިދީގައި ނޭވާލާން އުނދަގޫވާ މައްސަލަ ހުންނަ މީހުންނަށް ހެނދުނު ހޭލާއިރު ބޮލުގައި ރިއްސުމުގެ އިހުސާސް ކުރެވެއެވެ. މިއީ ނިދާފައި އޮންނައިރު ހަށިގަނޑަށް އެކަށީގެންވާ ވަރަށް އޮކްސިޖަން ނުލިބި، ކާބަންޑައިއޮކްސައިޑް އިތުރުވުމުގެ ސަބަބުން ދިމާވާ ކަމެކެވެ.
ހަމައެއާއެކު، އޮބޭސިޓީ ހުންނަ މީހުން ބޮލުގައި ރިއްސާތީ ބޭނުންކުރާ ތަދުކަނޑުވާ ބޭސްތައް ގިނައިން ބޭނުންކުރުމަކީވެސް "މެޑިކޭޝަން އޯވަރޔޫސް ހެޑޭކް" އަށް މަގުފަހިވާ ކަމެކެވެ. ބަރުދަން އިތުރުވުމުން ދިރިއުޅުމުގެ އާދަކާދަތަކަށް އަންނަ ބަދަލުތައް، މިސާލަކަށް ކަސްރަތު ނުކުރުމާއި، ނުބައި ކާނާ ކެއުމުގެ ސަބަބުންވެސް ބޮލުގައި ރިއްސުން އިތުރުވެއެވެ.
ބޮލުގައި ރިއްސުމުގެ މައްސަލައަށް އޮތް އެންމެ ފައިދާހުރި އެއް ހައްލަކީ ހަށިގަނޑުގެ ބަރުދަން އެކަށީގެންވާ މިންވަރެއްގައި ހިފެހެއްޓުމެވެ. ބަރުދަން ލުއިކުރުމުން ހަށިގަނޑުގެ އިންފްލެމޭޝަން ދަށްވެ، ނިދި ރަނގަޅުވެ، ބޮލުގައި ރިއްސުމުގެ ހަމަލާތައް މަދުވެގެންދާނެއެވެ. އެހެންކަމުން، ބޮލުގައި ރިއްސުމުގެ ދާއިމީ މައްސަލައެއް ހުންނަ ނަމަ، ޑޮކްޓަރެއްގެ ލަފާގެ މަތިން ބަރުދަން ލުއިކުރުމަށް މަސައްކަތް ކުރުމަކީ ދުޅަހެޔޮ ދިރިއުޅުމަކަށް އެޅޭ މުހިންމު ފިޔަވަޅެކެވެ.
ބަރުދަން އިތުރުވުމާ ގުޅިފައިވާ އަނެއް މުހިންމު މައްސަލައަކީ "އިޑިއޯޕެތިކް އިންޓްރާކްރޭނިއަލް ހައިޕަޓެންޝަން" އެވެ. މިއީ ސިކުނޑީގެ ވަށައިގެން ހުންނަ ދިޔާ މާއްދާ ނުވަތަ ސެރެބްރޯސްޕައިނަލް ފްލުއިޑްގެ ޕްރެޝަރު މަތިވުމުގެ ސަބަބުން ދިމާވާ ކަމެކެވެ. މިއީ އާންމުކޮށް ބަރުދަން މަތި އަންހެނުންގެ މެދުގައި ފެންނަ މައްސަލައެކެވެ. މީގެ ސަބަބުން ބޮލުގައި ވަރަށް ގަދައަށް ރިއްސުމުގެ އިތުރުން، ލޮލުގެ ފެނުމަށް ބަދަލު އައުމާއި، ކަންފަތް ތެރޭގައި އަޑު ގޮވުން ފަދަ އުނދަގޫތައް ކުރިމަތިވެއެވެ.
މީގެ އިތުރުން، އޮބޭސިޓީގެ ސަބަބުން ކުރިމަތިވާ ނިދުމުގެ މައްސަލަތަކަކީވެސް ބޮލުގައި ރިއްސުމާ ގުޅުންހުރި ކަމެކެވެ. ހާއްސަކޮށް "އޮބްސްޓްރަކްޓިވް ސްލީޕް އެޕްނިއާ" ނުވަތަ ނިދީގައި ނޭވާލާން އުނދަގޫވާ މައްސަލަ ހުންނަ މީހުންނަށް ހެނދުނު ހޭލާއިރު ބޮލުގައި ރިއްސުމުގެ އިހުސާސް ކުރެވެއެވެ. މިއީ ނިދާފައި އޮންނައިރު ހަށިގަނޑަށް އެކަށީގެންވާ ވަރަށް އޮކްސިޖަން ނުލިބި، ކާބަންޑައިއޮކްސައިޑް އިތުރުވުމުގެ ސަބަބުން ދިމާވާ ކަމެކެވެ.
ބޮލުގައި ރިއްސުމުގެ މައްސަލައަށް އޮތް އެންމެ ފައިދާހުރި އެއް ހައްލަކީ ހަށިގަނޑުގެ ބަރުދަން އެކަށީގެންވާ މިންވަރެއްގައި ހިފެހެއްޓުމެވެ. ބަރުދަން ލުއިކުރުމުން ހަށިގަނޑުގެ އިންފްލެމޭޝަން ދަށްވެ، ނިދި ރަނގަޅުވެ، ބޮލުގައި ރިއްސުމުގެ ހަމަލާތައް މަދުވެގެންދާނެއެވެ. އެހެންކަމުން، ބޮލުގައި ރިއްސުމުގެ ދާއިމީ މައްސަލައެއް ހުންނަ ނަމަ، ޑޮކްޓަރެއްގެ ލަފާގެ މަތިން ބަރުދަން ލުއިކުރުމަށް މަސައްކަތް ކުރުމަކީ ދުޅަހެޔޮ ދިރިއުޅުމަކަށް އެޅޭ މުހިންމު ފިޔަވަޅެކެވެ.
ކިޔުންތެރިންގެ ހިޔާލު