ފެނަކައިން ޅ. އޮޅުވެލިފުށީގައި ޤާއިމް ކުރަމުންދާ ސޯލާ ޕީވީ ޕްރޮޖެކްޓްގެ ސަބަބުން ޖައްވައް ބޭރުވާ ވިހަ ގޭހުގެ މިންވަރު މަދު ކުރެވޭނެ ކަމަށް އެ ކުންފުނިން ބުނެފިއެވެ.

ފެނަކައިން ބުނީ އެކުންފުނިން ޤާއިމްކުރާ 12 މެގަވޮޓްގެ ސޯލާ ޕީވީ ޕްރޮޖެކްޓަކީ ތެލަށް ބަރޯސާވާ މިންވަރު ކުޑަކޮށް އިޔާދަކުރަނިވި ހަކަތައިގެ އަމާޒަށް ވާސިލުވުމަށް އެ ކޯޕަރޭޝަންއިން ފަށާފައިވާ މަޝްރޫއެއް ކަމަށެވެ. އަދި މި މަޝްރޫޢާއެކު އަހަރަކު 47.5 މިލިއަން ރުފިޔާ ސަލާމަތް ކުރެވޭނެ ކަމަށް ފެނަކައިން މަޢުލޫމާތު ދެއެވެ.

ފެނަކައިގެ މެނޭޖިން ޑިރެކްޓަރ އަހުމަދު ސައީދު މުހައްމަދު ވިދާޅުވީ އެ ޕްރޮޖެކްޓު ނިމުމުން ޖައްވަށް ބޭރުކުރާ ވިހަ ގޭހެއް ކަމަށްވާ، ކާބޮންޑައި އޮކްސައިޑްގެ މިންވަރު އަހަރަކު 16.5 ޓަނު މަދުވެގެންދާނެ ކަމަށެވެ.

Iraadha kureviyya Fenaka in18 mass dhuvahu therey Iyaadha kuranivi hakatha in 12mw ge SPV install koh theluge kharadhun aharaku MVR 47.5m salaamaiy kon adhi jawah beyru kura viha gas Co2 16.5 tone aharaku madhu kurevigen dhaane.!

— Ahmed Saeed Mohamed (@myfoona) October 10, 2020

ފެނަކައިން ބުނީ މި ޕްރޮޖަކްޓަކީ ތެލަށް ބަރޯސާވާ މިންވަރު ކުޑަކޮށް އިޔާދަކުރަނިވި ހަކަތައިގެ އަމާޒަށް ވާސިލުވުމަށް ފަށާފައިވާ ޕްރޮޖެކްޓެއްކަމަށެެވެ.

ފެނަކަ ކޯޕަރޭޝަން އިން ދަނީ ރާއްޖޭގެ އެކި ކަންކޮޅުތަކުގައި ޢުމްރާނީ ގިނަ މަޝްރޫއުތަކެއް ހިންގަމުންނެވެ.

އެގޮތުން ހދ. އަތޮޅުން ފެށިގެން ގދ އަތޮޅަށް ޖުމްލަ 51 މަޝްރޫއެއް މިހާރު އެކުންފުނިން ކުރިއަށް ގެންދެ އެވެ. އެ މަޝްރޫއުތަކުގެ ތެރެއިން 19 އަށްވުރެ ގިނަ މަޝްރޫއެއްގެ މަސައްކަތުގެ ބޮޑުބައެއް ނިމިފައިވާއިރު އެ މަޝްރޫއު ތަކުގެ ތެރޭގައި ހިމެނެނީ އިންޖީނުގެތައް ހުރިތަން ބަދަލު ކުރުމާއި، އޮފީސް އިމާރާތްތައް އެޅުމާއި އޮފީސް އިމާރާތްތަކުގެ ވަށާފާރު ލުމުގެ މަސައްކަތްތަކެވެ.