ނާސާގެ އާޓެމިސް މިޝަންގެ ދަށުން ހަނދަށް ކުރި ތާރީޚީ ދަތުރު ނިންމާލުމަށްފަހު، އޮރަޔަން ކެޕްސޫލް ކާމިޔާބީއާއެކު ޕެސިފިކް ކަނޑަށް ދާދި ދެންމެ ތިރިކޮށްފިއެވެ.

ހަނދުގެ ވަށައިގެންނާއި ހަނދަށްވުރެ ދުރަށް ދަތުރުކުރުމަށްފަހު އެނބުރި ބިމަށް އައި މި ދަތުރުގައި ޖުމްލަ 694,481 މޭލު (1,117,659 ކިލޯމީޓަރު) ގެ ރާސްތާއެއް ވަނީ ކަޑަތުކޮށްފައެވެ. މި ކާމިޔާބީއާއެކު، ކުރިއަށް އޮތް އަހަރުތަކުގައި އިންސާނުން އަލުން ހަނދަށް ފޮނުވުމަށް ކުރަމުންދާ މަސައްކަތަށް ބޮޑު ކުރިއެރުމެއް ލިބި، މިޝަންގެ މައިގަނޑު މަގުސަދުތައް ހާސިލްވެފައިވާކަން ނާސާއިން ވަނީ ހާމަކޮށްފައެވެ.

Welcome home Reid, Victor, Christina, and Jeremy! 🫶

The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl

— NASA (@NASA) April 11, 2026

ދުނިޔޭގެ ޖައްވަށް ވަދެގެން އައިއިރު އޮރަޔަން ކެޕްސޫލް ވަނީ ގަޑިއަކު 25,000 މޭލުގެ ބާރުމިނުގައި ދަތުރުކޮށްފައެވެ. މި ދަތުރުގައި ކެޕްސޫލްގެ ބޭރު ފަށަލައިގެ ހޫނުމިން ގާތްގަނޑަކަށް 2,800 ޑިގްރީ ސެލްސިއަސްއަށް އެރި ނަމަވެސް، އޭގައި ހަރުކޮށްފައިވާ ހީޓް ޝީލްޑްގެ ސަބަބުން ކެޕްސޫލްގެ އެތެރެއަށް އެއްވެސް ގެއްލުމެއް ނުލިބި ރައްކާތެރިކަން ކަށަވަރުކުރެވުނެވެ.

މި މިޝަންގެ ކާމިޔާބީއަކީ އިންސާނުން ހަނދަށް ފޮނުވުމުގެ ކުރިން އުޅަނދުގެ ރައްކާތެރިކަން ދެނެގަތުމަށް ކުރެވުނު އެންމެ މުހިންމު އިމްތިހާނެވެ. ކެޕްސޫލް ކަނޑަށް ތިރިކުރުމާއެކު އެމެރިކާގެ ކަނޑުގެ ސިފައިން ވަނީ އެ އުޅަނދު ނެގުމުގެ މަސައްކަތް ފަށާފައެވެ.