މިހާރު ކުރިއަށްދާ ސިލްސިލާ މުޒާހަރާތަކާ ގުޅޭގޮތުން އިދިކޮޅު އެމްޑީޕީން ސަރުކާރަށް ބޮޑެތި ތުހުމަތުތަކެއް އަމާޒުކޮށްފިއެވެ.
އެ ޕާޓީން ބުނާ ގޮތުގައި، މުޒާހަރާގެ ބައިވެރިން ފަހަތަށް ޖައްސައި އިހުތިޖާޖުތައް ހުއްޓުވުމަށްޓަކައި ސަރުކާރުން ދަނީ އެކި މީހުންނަށް ރިޝްވަތު ދީގެން، މުޒާހަރާގެ ބައިވެރިންނަށް އަނިޔާކުރަމުންނެވެ.
އާދީއްތަ ދުވަހުގެ ރޭ ބޭއްވި މުޒާހަރާގައި ވާހަކަދައްކަވަމުން އެމްޑީޕީގެ ގައުމީ މަޖިލީހުގެ މެންބަރު އަހުމަދު ސަލީމް (މާޒް ސަލީމް) ވިދާޅުވީ، ދައުލަތުގެ ބަޖެޓުން ވައްކަންކުރާ ވެރިއަކު ބަހައްޓަން ދިވެހި ރައްޔިތުން ބޭނުންނުވާ ކަމަށެވެ.
އަދި ރައީސް ޑރ. މުހައްމަދު މުއިއްޒަށް ގައުމު ހިންގުމުގައި ނާކާމިޔާބުވެފައިވާ ކަމަށް އާންމުން ބުނަމުންދާ ކަމަށާއި، ރައްޔިތުންގެ އެދުމަކީ ރައީސް މުއިއްޒު މަގާމުން އިސްތިއުފާ ދެއްވައި ގެއަށް ވަޑައިގަތުން ކަމަށްވެސް އޭނާ ފާހަގަކުރެއްވިއެވެ.
ސަލީމް އިތުރަށް ވިދާޅުވި ގޮތުގައި، އެމްޑީޕީން މަގުމައްޗަށް ނުކުމެ ތިބީ ފަހުގެ އިންތިޚާބުތަކުގައި ރައްޔިތުން ދެއްކި ނަތީޖާއާ އެއްގޮތަށް އަޑުއުފުލުމަށެވެ.
ނަމަވެސް މުޒާހަރާ ރޫޅާލުމަށް ފުލުހުން އާދަޔާ ހިލާފަށް ބާރުގެ ބޭނުންކުރަމުންދާ ކަމަށާއި، ބިރުދެއްކުމުގެ އަމަލުތައް ހިންގަމުންދާ ކަމަށް އޭނާ ތުހުމަތު ކުރެއްވިއެވެ.
އެތައް ސަތޭކަ ފުލުހުންނެއް ބޭނުންކޮށްގެންނާއި، އެކި މީހުންނަށް އެއްޗެހި ދީގެން ފޮނުވައިގެން ބައިވެރިންނަށް އަނިޔާކުރި ނަމަވެސް، އެމްޑީޕީން ފަހަތަށް ނުޖެހޭނެ ކަމުގެ ޔަގީންކަން އޭނާ ދެއްވިއެވެ.
މިދިޔަ އޭޕްރިލް މަހުގެ 4 ވަނަ ދުވަހުން ފެށިގެން އެމްޑީޕީން ކުރަމުންދާ މުޒާހަރާތަކުގައި ޖުމްލަ 12 ކަމަކަށް ދަނީ ޑިމާންޑް ކުރަމުންނެވެ.
އޭގެ ތެރޭގައި ކޮރަޕްޝަން ހުއްޓުވުމާއި، ދައުލަތުގެ މިނިވަން މުއައްސަސާތަކާއި ރައްޔިތުންގެ މަޖިލީހުގެ މިނިވަންކަން ކަށަވަރުކުރުން ފަދަ މުހިންމު ކަންތައްތައް ހިމެނެއެވެ.
އާދީއްތަ ދުވަހުގެ ރޭ ބޭއްވި މުޒާހަރާގައި ވާހަކަދައްކަވަމުން އެމްޑީޕީގެ ގައުމީ މަޖިލީހުގެ މެންބަރު އަހުމަދު ސަލީމް (މާޒް ސަލީމް) ވިދާޅުވީ، ދައުލަތުގެ ބަޖެޓުން ވައްކަންކުރާ ވެރިއަކު ބަހައްޓަން ދިވެހި ރައްޔިތުން ބޭނުންނުވާ ކަމަށެވެ.
އަދި ރައީސް ޑރ. މުހައްމަދު މުއިއްޒަށް ގައުމު ހިންގުމުގައި ނާކާމިޔާބުވެފައިވާ ކަމަށް އާންމުން ބުނަމުންދާ ކަމަށާއި، ރައްޔިތުންގެ އެދުމަކީ ރައީސް މުއިއްޒު މަގާމުން އިސްތިއުފާ ދެއްވައި ގެއަށް ވަޑައިގަތުން ކަމަށްވެސް އޭނާ ފާހަގަކުރެއްވިއެވެ.
ސަލީމް އިތުރަށް ވިދާޅުވި ގޮތުގައި، އެމްޑީޕީން މަގުމައްޗަށް ނުކުމެ ތިބީ ފަހުގެ އިންތިޚާބުތަކުގައި ރައްޔިތުން ދެއްކި ނަތީޖާއާ އެއްގޮތަށް އަޑުއުފުލުމަށެވެ.
ނަމަވެސް މުޒާހަރާ ރޫޅާލުމަށް ފުލުހުން އާދަޔާ ހިލާފަށް ބާރުގެ ބޭނުންކުރަމުންދާ ކަމަށާއި، ބިރުދެއްކުމުގެ އަމަލުތައް ހިންގަމުންދާ ކަމަށް އޭނާ ތުހުމަތު ކުރެއްވިއެވެ.
އެތައް ސަތޭކަ ފުލުހުންނެއް ބޭނުންކޮށްގެންނާއި، އެކި މީހުންނަށް އެއްޗެހި ދީގެން ފޮނުވައިގެން ބައިވެރިންނަށް އަނިޔާކުރި ނަމަވެސް، އެމްޑީޕީން ފަހަތަށް ނުޖެހޭނެ ކަމުގެ ޔަގީންކަން އޭނާ ދެއްވިއެވެ.
އޭގެ ތެރޭގައި ކޮރަޕްޝަން ހުއްޓުވުމާއި، ދައުލަތުގެ މިނިވަން މުއައްސަސާތަކާއި ރައްޔިތުންގެ މަޖިލީހުގެ މިނިވަންކަން ކަށަވަރުކުރުން ފަދަ މުހިންމު ކަންތައްތައް ހިމެނެއެވެ.
ކިޔުންތެރިންގެ ހިޔާލު