ބަނޑުގައި ރިއްސުމާއި، މެޔަށް ދިލަ ނެގުމަކީ މިއަދު އަހަރެމެންގެ ތެރޭގައި ވަރަށް އާންމުވެފައިވާ ސިއްހީ މައްސަލައެކެވެ. ގިނަ ފަހަރަށް މިކަމުން ސަލާމަތްވުމަށް އަހަރެމެން ބޭސް ބޭނުންކުރި ނަމަވެސް، މި މައްސަލަ ދާއިމީކޮށް ކުރިމަތިވާ ސަބަބަކީ ކޮބައިތޯ ބަލައެއް ނުލެވެއެވެ. ސިއްހީ މާހިރުން ހާމަކުރާ ގޮތުގައި، ގަވާއިދުން އެސިޑްވާނަމަ، އޭގެ އެންމެ ބޮޑު ސަބަބަކީ ހެނދުނު ކުރާ ނާސްތާގެ ނުރަނގަޅު އާދަތަކެވެ.
އެސިޑްވުމަށް މެދުވެރިވާ އެންމެ ބޮޑު އެއް ސަބަބަކީ ހެނދުނުގެ ނާސްތާ ނުކޮށް ދޫކޮށްލުމެވެ. ރޭގަނޑުގެ ނިދިން ހޭލާއިރު ބަނޑު އޮންނަނީ ހުސްކޮށެވެ. މި ހާލަތުގައި ބަނޑުގެ އެސިޑް ލެވެލް ހުންނަނީ މަތީގައެވެ. ނާސްތާ ނުކޮށް ގިނަ ވަގުތު ހުރުމުން، ބަނޑުގައި ހުންނަ އެސިޑްތައް ގޮހޮރުގެ ފާރުތަކަށް ގެއްލުންދީ، މެޔަށް ދިލަ ނެގުމާއި ބަނޑުގައި ރިއްސުން ފަދަ ކަންކަން މެދުވެރި ކުރުވައެވެ. މީގެ އިތުރުން، މާ ލަހުން ނާސްތާ ކުރުމަކީވެސް ހަޖަމުކުރުމުގެ ނިޒާމަށް ބުރަވެ، އެސިޑިޓީއަށް މަގުފަހިވާ ކަމެކެވެ.
ހެނދުނުގެ ނާސްތާގައި ބޭނުންކުރާ ތަކެއްޗަކީވެސް މިކަމުގައި މުހިންމު ދައުރެއް އަދާކުރާ އެއްޗެކެވެ. ގިނަ މީހުންނަށް ހެނދުނު ހޭލައިގެން ހުސްބަނޑާ ހުރެ ސައި ނުވަތަ ކޮފީ ބުއިމަކީ އާދައެކެވެ. ނަމަވެސް، ކެފެއިން އެކުލެވޭ ބުއިންތަކަކީ ބަނޑުގެ އެސިޑް އުފެއްދުން އިތުރުކޮށްދޭ އެއްޗެކެވެ. ހަމައެއާއެކު، ހެނދުނު ނާސްތާއަށް ތެޔޮ ގިނަ ތަކެތި (މިސާލަކަށް ހެދިކާ ނުވަތަ ތެލުލާފައި ހުންނަ ތަކެތި) ކެއުމަކީ ހަޖަމުކުރަން އުނދަގޫވެ، އެސިޑް ރިފްލަކްސް ނުވަތަ މެޔަށް ދިލަ ނެގުން ކުރިމަތިވާ ކަމެކެވެ.
މީގެ އިތުރުން، ހެނދުނު ހުސްބަނޑާ ހުރެ ހުތް މޭވާ ނުވަތަ މޭވާގެ ޖޫސް ބުއިމަކީވެސް ބައެއް މީހުންނަށް އެސިޑިޓީ ކުރިމަތިވާ ކަމެކެވެ. އޮރެންޖް، ލުނބޯ ފަދަ ސިޓްރަސް މޭވާތަކުގައި ހުންނަ އެސިޑްގެ ސަބަބުން ބަނޑަށް އުނދަގޫވެ، އެސިޑްވުމުގެ ފުރުސަތު ބޮޑުވެއެވެ. ހަމައެހެންމެ، އަވަސްއަވަހަށް ކެއުމާއި، ރަނގަޅަށް ނުހަފާ ދިރުވާލުމަކީވެސް ހަޖަމުކުރުމުގެ ނިޒާމަށް ބާރުބޮޑުވެ، އެސިޑް އުފެދޭ މިންވަރު އިތުރުވާ ކަމެކެވެ.
މި މައްސަލައިން ސަލާމަތްވުމަށްޓަކައި ހެނދުނުގެ ނާސްތާގެ އާދަތަކަށް ބަދަލު ގެންނަން ޖެހެއެވެ. އެންމެ ފުރަތަމަ ކަމަކަށް، ހެނދުނު ހޭލައިގެން ތާފަނާ ފެން ތަށްޓެއް ބުއިމަކީ ބަނޑުގެ އެސިޑްތައް ނިއުޓްރަލައިޒް ކުރުމަށް އެހީތެރިވެދޭނެ ކަމެކެވެ. ނާސްތާގައި ފައިބަރު ގިނަ ތަކެތި، މިސާލަކަށް އޯޓްސް ނުވަތަ މޭވާ ހިމެނުމަކީ ރަނގަޅު ކަމެކެވެ. އަދި ކެއުމުގައި އަވަސް ނުވެ، މަޑުމަޑުން ހަފަމުން ކެއުމަކީ ހަޖަމުކުރުމަށް ފަސޭހަވެ، އެސިޑްވުމުން ދުރުކޮށްދޭނެ ކަމެކެވެ.
އެސިޑިޓީއަކީ ހަމައެކަނި ބޭހަކުން ރަނގަޅު ކުރެވޭނެ ކަމެއް ނޫނެވެ. އޭގެ ބަދަލުގައި، އަހަރެމެންގެ ދިރިއުޅުމުގެ އާދަކާދަތަކާއި، ހާއްސަކޮށް ހެނދުނުގެ ނާސްތާއަށް ދޭ ސަމާލުކަން އިތުރުކޮށްގެން މި އުނދަގުލުން ދާއިމީކޮށް ސަލާމަތްވެވިދާނެއެވެ. ސިއްހަތަށް ފައިދާހުރި ކާނާ ގަޑިން ގަޑިއަށް ކެއުމަކީ ދުޅަހެޔޮ ދިރިއުޅުމެއްގެ ބިންގަލެވެ.
ހެނދުނުގެ ނާސްތާގައި ބޭނުންކުރާ ތަކެއްޗަކީވެސް މިކަމުގައި މުހިންމު ދައުރެއް އަދާކުރާ އެއްޗެކެވެ. ގިނަ މީހުންނަށް ހެނދުނު ހޭލައިގެން ހުސްބަނޑާ ހުރެ ސައި ނުވަތަ ކޮފީ ބުއިމަކީ އާދައެކެވެ. ނަމަވެސް، ކެފެއިން އެކުލެވޭ ބުއިންތަކަކީ ބަނޑުގެ އެސިޑް އުފެއްދުން އިތުރުކޮށްދޭ އެއްޗެކެވެ. ހަމައެއާއެކު، ހެނދުނު ނާސްތާއަށް ތެޔޮ ގިނަ ތަކެތި (މިސާލަކަށް ހެދިކާ ނުވަތަ ތެލުލާފައި ހުންނަ ތަކެތި) ކެއުމަކީ ހަޖަމުކުރަން އުނދަގޫވެ، އެސިޑް ރިފްލަކްސް ނުވަތަ މެޔަށް ދިލަ ނެގުން ކުރިމަތިވާ ކަމެކެވެ.
މީގެ އިތުރުން، ހެނދުނު ހުސްބަނޑާ ހުރެ ހުތް މޭވާ ނުވަތަ މޭވާގެ ޖޫސް ބުއިމަކީވެސް ބައެއް މީހުންނަށް އެސިޑިޓީ ކުރިމަތިވާ ކަމެކެވެ. އޮރެންޖް، ލުނބޯ ފަދަ ސިޓްރަސް މޭވާތަކުގައި ހުންނަ އެސިޑްގެ ސަބަބުން ބަނޑަށް އުނދަގޫވެ، އެސިޑްވުމުގެ ފުރުސަތު ބޮޑުވެއެވެ. ހަމައެހެންމެ، އަވަސްއަވަހަށް ކެއުމާއި، ރަނގަޅަށް ނުހަފާ ދިރުވާލުމަކީވެސް ހަޖަމުކުރުމުގެ ނިޒާމަށް ބާރުބޮޑުވެ، އެސިޑް އުފެދޭ މިންވަރު އިތުރުވާ ކަމެކެވެ.
އެސިޑިޓީއަކީ ހަމައެކަނި ބޭހަކުން ރަނގަޅު ކުރެވޭނެ ކަމެއް ނޫނެވެ. އޭގެ ބަދަލުގައި، އަހަރެމެންގެ ދިރިއުޅުމުގެ އާދަކާދަތަކާއި، ހާއްސަކޮށް ހެނދުނުގެ ނާސްތާއަށް ދޭ ސަމާލުކަން އިތުރުކޮށްގެން މި އުނދަގުލުން ދާއިމީކޮށް ސަލާމަތްވެވިދާނެއެވެ. ސިއްހަތަށް ފައިދާހުރި ކާނާ ގަޑިން ގަޑިއަށް ކެއުމަކީ ދުޅަހެޔޮ ދިރިއުޅުމެއްގެ ބިންގަލެވެ.
ކިޔުންތެރިންގެ ހިޔާލު