CPV
އިސްލާމީ ޞައްޙަ ޢަޤީދާގެ ބިންގަލުގެ މަތީގައި، ދީނާއި ޤައުމަށް ވަފާތެރި ޖީލެއް ބިނާކުރުމަކީ މި ސަރުކާރުގެ އެންމެ ބޮޑު ސިޔާސަތު ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ ހިޖުރީ އައު އަހަރު ފެށުމުގެ މުނާސަބަތުގައި ދިވެހި ރައްޔިތުންނަށާއި އިސްލާމީ އުންމަތަށް ފޮނުއްވި ތަހުނިޔާގެ ޚިޠާބުގައެވެ.
މި ޚިޠާބުގައި ރައީސް ވިދާޅުވީ، ދިވެހިވަންތަ ރިވެތި އަޚްލާޤުގެ މަތީގައި ބޮޑުވާ، ދީނަށް ލޯބިކުރާ ޖީލެއް ބިނާކުރުމަށް ސަރުކާރުން އިސްކަންދޭނެ ކަމަށެވެ. އަދި ދިވެހީންގެ މެދުގައި އޮތް ސައްތައިންސައްތަ އިސްލާމީ ވަޙްދަތަކީ ޤައުމުގެ އެންމެ ބޮޑު ބާރުކަން ފާހަގަކުރައްވައި، އިސްލާމީ މަތިވެރި އުސޫލުތައް ހިމާޔަތްކޮށް، ޤައުމުގެ މިނިވަންކަމާއި ސިޔާދަތު ނަގަހައްޓައި، ހުރިހާ ރައްޔިތުންނަށް ޢަދުލުވެރިކަން ކަށަވަރުކޮށްދެއްވާނެ ކަމުގެ ޔަޤީންކަން އެމަނިކުފާނު އެރުވިއެވެ.
ހިޖުރީ އައު އަހަރުގެ މުނާސަބަތާ ގުޅޭގޮތުން ވާހަކަފުޅު ދައްކަވަމުން، މީގެ ސާދަސަތޭކައަށްވުރެ ގިނަ އަހަރު ކުރިން މާތް ނަބިއްޔާ صَلَّى اللهُ عَلَيْهِ وَسَلَّمَ އާއި އެކަލޭގެފާނުގެ އަޞްޙާބުން ކުރެއްވި މަތިވެރި ހިޖުރައިގެ ހާދިސާއިން ޢިބުރަތް ލިބިގަތުމަށް ރައީސް އިލްތިމާސްކުރެއްވިއެވެ. އެ ހާދިސާއަކީ ބައިބައިވުމުން އެއްބައިވަންތަކަމަށް އުންމަތް ހުޅުވައިލަދިން އިންޤިލާބީ ބަދަލެއް ކަމަށާއި، ކިތަންމެ ބޮޑު ގޮންޖެހުމެއް އައި ނަމަވެސް ކެތްތެރިކަމާއެކު އިލާހީ މަގުގައި ސާބިތުވުމުގެ މުހިންމުކަން އެ ހާދިސާއިން ދަސްކޮށްދޭ ކަމަށް ރައީސް ވިދާޅުވިއެވެ.
"ޤައުމީ މަޞްލަޙަތު ހުރިހާ ކަމަކަށްވުރެ ކުރިއަށް ނެރުމަކީ، މިއަދު މި ބަރަކާތްތެރި މުނާސަބަތުން އަޅުގަނޑުމެން ހާސިލުކުރަންވީ އެންމެ މުހިންމު ފިލާވަޅު،" ރައީސްގެ ޚިޠާބުގައި ވިދާޅުވިއެވެ. އެމަނިކުފާނު އިތުރަށް ވިދާޅުވީ، ސިޔާސީ ގޮތުންނާއި އިޖުތިމާޢީ ގޮތުން އުފެދޭ ޚިޔާލުތަފާތުވުންތައް އެއްކިބާކޮށް، އެންމެން އަތުގުޅާލައިގެން މަސައްކަތް ކުރުމަކީ ޤައުމު ބިނާކުރުމުގެ އަސާސް ކަމަށެވެ.
މީގެ އިތުރުން، ނޭދެވޭ ކަންކަމުން ދުރުވެ، ހެޔޮކަމުގެ މަގަށް ހިތާއި ނަފްސުން ހިޖުރަކުރުމަށް ރައީސް ގޮވާލެއްވިއެވެ. އަދި ފެށުނު އާ އަހަރަކީ އިޤްތިޞާދު އާރާސްތުކޮށް، އިޖުތިމާޢީ ފޭރާން ވަރުގަދަކުރުމަށް ލިބުނު ފުރުޞަތެއްގެ ގޮތުގައި ބަލައި، ހީވާގިކަމާއެކު މަސައްކަތް ކުރުމަށް ރައްޔިތުންނަށް އިލްތިމާސްކުރެއްވިއެވެ.
ރައީސްގެ ޚިޠާބު ނިންމަވާލެއްވީ، ދުނިޔޭގެ އެކި ކަންކޮޅުތަކުގައި، ޚާއްޞަކޮށް ފަލަސްޠީނުގައި އަނިޔާ ލިބެމުންދާ މުސްލިމް އަޚުންނާއި އުޚުތުންނަށް ހެޔޮދުޢާ ކުރުމުގައި ދެމިތިބުމަށް ހަނދާންކޮށްދެއްވަމުންނެވެ.
މި ޚިޠާބުގައި ރައީސް ވިދާޅުވީ، ދިވެހިވަންތަ ރިވެތި އަޚްލާޤުގެ މަތީގައި ބޮޑުވާ، ދީނަށް ލޯބިކުރާ ޖީލެއް ބިނާކުރުމަށް ސަރުކާރުން އިސްކަންދޭނެ ކަމަށެވެ. އަދި ދިވެހީންގެ މެދުގައި އޮތް ސައްތައިންސައްތަ އިސްލާމީ ވަޙްދަތަކީ ޤައުމުގެ އެންމެ ބޮޑު ބާރުކަން ފާހަގަކުރައްވައި، އިސްލާމީ މަތިވެރި އުސޫލުތައް ހިމާޔަތްކޮށް، ޤައުމުގެ މިނިވަންކަމާއި ސިޔާދަތު ނަގަހައްޓައި، ހުރިހާ ރައްޔިތުންނަށް ޢަދުލުވެރިކަން ކަށަވަރުކޮށްދެއްވާނެ ކަމުގެ ޔަޤީންކަން އެމަނިކުފާނު އެރުވިއެވެ.
ހިޖުރީ އައު އަހަރުގެ މުނާސަބަތާ ގުޅޭގޮތުން ވާހަކަފުޅު ދައްކަވަމުން، މީގެ ސާދަސަތޭކައަށްވުރެ ގިނަ އަހަރު ކުރިން މާތް ނަބިއްޔާ صَلَّى اللهُ عَلَيْهِ وَسَلَّمَ އާއި އެކަލޭގެފާނުގެ އަޞްޙާބުން ކުރެއްވި މަތިވެރި ހިޖުރައިގެ ހާދިސާއިން ޢިބުރަތް ލިބިގަތުމަށް ރައީސް އިލްތިމާސްކުރެއްވިއެވެ. އެ ހާދިސާއަކީ ބައިބައިވުމުން އެއްބައިވަންތަކަމަށް އުންމަތް ހުޅުވައިލަދިން އިންޤިލާބީ ބަދަލެއް ކަމަށާއި، ކިތަންމެ ބޮޑު ގޮންޖެހުމެއް އައި ނަމަވެސް ކެތްތެރިކަމާއެކު އިލާހީ މަގުގައި ސާބިތުވުމުގެ މުހިންމުކަން އެ ހާދިސާއިން ދަސްކޮށްދޭ ކަމަށް ރައީސް ވިދާޅުވިއެވެ.
"ޤައުމީ މަޞްލަޙަތު ހުރިހާ ކަމަކަށްވުރެ ކުރިއަށް ނެރުމަކީ، މިއަދު މި ބަރަކާތްތެރި މުނާސަބަތުން އަޅުގަނޑުމެން ހާސިލުކުރަންވީ އެންމެ މުހިންމު ފިލާވަޅު،" ރައީސްގެ ޚިޠާބުގައި ވިދާޅުވިއެވެ. އެމަނިކުފާނު އިތުރަށް ވިދާޅުވީ، ސިޔާސީ ގޮތުންނާއި އިޖުތިމާޢީ ގޮތުން އުފެދޭ ޚިޔާލުތަފާތުވުންތައް އެއްކިބާކޮށް، އެންމެން އަތުގުޅާލައިގެން މަސައްކަތް ކުރުމަކީ ޤައުމު ބިނާކުރުމުގެ އަސާސް ކަމަށެވެ.
ރައީސްގެ ޚިޠާބު ނިންމަވާލެއްވީ، ދުނިޔޭގެ އެކި ކަންކޮޅުތަކުގައި، ޚާއްޞަކޮށް ފަލަސްޠީނުގައި އަނިޔާ ލިބެމުންދާ މުސްލިމް އަޚުންނާއި އުޚުތުންނަށް ހެޔޮދުޢާ ކުރުމުގައި ދެމިތިބުމަށް ހަނދާންކޮށްދެއްވަމުންނެވެ.
ކިޔުންތެރިންގެ ހިޔާލު