މިމަހުގެ މިހާތަނަށް 126 ޕްރައިވެޓު ޖެޓު ވެލާނާ އިންޓަރނޭޝަނަލް އެއަރޕޯޓަށް ޖައްސާފައިވާކަމަށް އެމްއޭސީއެލުން ބުނެފިއެވެ.

މިއަދަދަކީ މިދިޔަ މަހާ އަޅާ ބަލާއިރު 52 އިންސައްތަ އިތުރު އަދަދެކެވެ. މިދިޔަ މަހު ވީއައިއޭ ގައި ޖައްސާފައި ވަނީ 60 ޕްރައިވެޓް ޖެޓެވެ.

އެމްއޭސީލުން މިއަދު ކޮށްފައިވާ ޓްވީޓެއްގައި ވަނީ، ރާއްޖޭގެ ބޯޑަރ ހުޅުވުނު ފަހުން ރާއްޖެއަށް ޒިޔާރަތްކުރާ ޕްރައިވެޓް ޖެޓްތައް އެއްމަހުން އަނެއް މަހަށް އިތުރު ވަމުން އަންނަ ކަމަށެވެ. އެގޮތުން ރާއްޖޭގެ ބޯޑަރ ހުޅުވާލި ޖުލައި މަހު ރާއްޖެއަށް އައިސްފައިވަނީ، 28 ޖެޓެވެ. އަދި އޮގަސްޓުމަހު 59 ޖެޓު ރާއްޖެއަށް އައިސްފައިވެއެވެ.

Since border reopened on 15 july 2020, Adhoc flights including private jets @VelanaAirport are increasing.#Maldives is safe @visitmaldives#HappyToSeeYouAgain#VisitMaldivesNow #ReDiscoverMaldives pic.twitter.com/Ly1EspYmsP

— Maldives Airports Company Ltd - MACL (@MACLmedia) October 26, 2020

ބޯޑަރު ހުޅުވިފަހުން 270 އަށްވުރެ ގިނަ ޖެޓް ރާއްޖެ އައި އިރު، މާފަރު އިންޓަނޭޝަނަލް އެއާޕޯޓަށް މިދިޔަ ހޮނިހިރު ދުވަހު އެކަނިވެސް އަށް ޕްރައިވެޓް ޖެޓް ވަނީ ޖައްސައިފައެވެ.

ޖުލައި 15 ގައި ރާއްޖޭގެ ބޯޑަރ ހުޅުވާލި ފަހުން މިމަހުގެ 21 ގެ ނިޔަލަށް 31801 ފަތުރުވެރިން ރާއްޖެއަށް ޒިޔާރަތްކޮށްފައިވާ ކަމަށް އިމިގްރޭޝަންގެ ތަފާސްހިސާބުތަކުން ދައްކައެވެ.