ގައުމީ ފެންވަރުގައި ފާހަގަކުރެވޭ ފަދަ އަގުހުރި ހިދުމަތްތަކެއް ކުރައްވާފައިވާ ފަރާތްތަކުގެ އަގުވަޒަންކުރުމުގެ ގޮތުން ސަރުކާރުންދޭ ޝަރަފުވެރިކަމުގެ ގައުމީ އިނާމު، މި އަހަރު ތިން ބޭފުޅަކަށާއި މަދަނީ ޖަމިއްޔާއަކަށް މިއަދު އަރުވައިފިއެވެ.
މި އިނާމުތައް ހަވާލުކޮށްދެއްވީ މިކަމަށްޓަކައި ބޭއްވުނު ހާއްސަ ރަސްމިއްޔާތެއްގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒެވެ. މި ރަސްމިއްޔާތުގައި ނައިބު ރައީސް ހުސައިން މުހައްމަދު ލަތީފާއި، މަޖިލީހުގެ ރައީސް އަބްދުއްރަހީމް އަބްދުﷲ ވެސް ބައިވެރިވެވަޑައިގެންނެވިއެވެ.
މި އަހަރު ޝަރަފުވެރިކަމުގެ ގައުމީ އިނާމު ލިބިވަޑައިގަތް ބޭފުޅުންނަކީ:
- އަހުމަދު އާމިރު (ފަރެސް އާމިރު) - ދިވެހި އަދަބިއްޔާތުގެ ދާއިރާ: ފަރެސް އާމިރަކީ ދިވެހި ބަހާއި އަދަބިއްޔާތުގެ ދާއިރާގައި ނުހަނު ގިނަގުނަ މަސައްކަތްތަކެއް ކުރައްވާފައިވާ ބޭފުޅެކެވެ. ހާއްސަކޮށް ޅެންވެރިކަމުގެ ރޮނގުންނާއި، ދިވެހި ބަހުގެ މަންހަޖު އެކުލަވައިލުމުގެ އިތުރުން މުގައްރަރުތަކާއި ފޮތްތައް ލިޔުއްވުމުގައި އޭނާ ވަނީ 17 އަހަރަށް ވުރެ ގިނަ ދުވަހު ހިދުމަތް ކުރައްވައިފައެވެ. އާމިރު ވަނީ ގައުމީ ޔުނިވާސިޓީގެ ޑިގްރީ ކޯސްތަކުގައި ކިޔަވައިދެއްވުމުގެ އިތުރުން، ސްކޫލް ކުދިންނަށް ހިލޭސާބަހަށް ޅެންވެރިކަމުގެ ތަމްރީނުތައް ފޯރުކޮށްދެއްވައި، މި ދާއިރާއިން އާ ޖީލެއް ބިނާކުރުމަށް ބޮޑު ހިއްސާއެއް ވެވަޑައިގެންފައެވެ.
- އިބްރާހިމް ރަޝީދު - އިމާރާތް ކުރުމާއި އިމާރާތް ޑިޒައިން ކުރުމުގެ ދާއިރާ: އާރުސީސީގެ މެނޭޖިން ޑިރެކްޓަރު އިބްރާހިމް ރަޝީދަކީ 1970 ގެ އަހަރުތަކުން ފެށިގެން ރާއްޖޭގެ އިމާރާތްކުރުމުގެ ސިނާއަތުގައި ހަރަކާތްތެރިވަމުން އަންނަ ތަޖުރިބާކާރު ބޭފުޅެކެވެ. އޭނާގެ ދުރުވިސްނޭ މޭސްތިރިކަމުގެ ދަށުން އާރުސީސީ ވަނީ ރާއްޖޭގެ އިމާރާތްކުރުމުގެ ދާއިރާގައި އެންމެ އިތުބާރުހުރި އަދި ކާމިޔާބު އެއް ކުންފުންޏަށް ހަދާފައެވެ. ގައުމުގެ އުމްރާނީ ތަރައްގީގައި އޭނާގެ ހިއްސާ ނުހަނު ބޮޑެވެ.
- ނަޖުމާ ހުސައިން - ޚަބަރާއި މައުލޫމާތު ފެތުރުމުގެ ދާއިރާ: ގ. ނޫރީފެހި، ނަޖުމާ ހުސައިނަކީ ރާއްޖޭގެ ބްރޯޑްކާސްޓިން ދާއިރާގެ އެންމެ ފުންނާބު އުސް އެއް ޝަހުސިއްޔަތެވެ. ދިވެހިރާއްޖޭގެ އަޑުގައި 30 އަހަރަށް ވުރެ ގިނަ ދުވަހު ހިދުމަތް ކުރެއްވި ނަޖުމާއަކީ ގިނަ ބައެއްގެ ލޯތްބާއި އިހުތިރާމް ހޯއްދަވާފައިވާ މަޝްހޫރު ޕްރެޒެންޓަރެކެވެ. ރާއްޖޭގެ މީޑިއާގެ ދާއިރާ ކުރިއެރުވުމަށް އޭނާ ކުރެއްވި މަސައްކަތްތައް ސަރުކާރުން ވަނީ ފާހަގަކޮށްފައެވެ.
މީގެ އިތުރުން، މި އަހަރު ޝަރަފުވެރިކަމުގެ ގައުމީ އިނާމު ލިބުނު ހަމައެކަނި ޖަމިއްޔާއަކީ ސޮސައިޓީ ފޯ ހެލްތު އެޑިއުކޭޝަން (ޝީ) އެވެ. 1988 ވަނަ އަހަރު އުފެދުނު މި ޖަމިއްޔާއަކީ ރާއްޖޭގެ ސިއްހީ ދާއިރާގައި، ހާއްސަކޮށް ތެލެސީމިއާއަށް އާންމުން ހޭލުންތެރިކުރުވުމާއި އާއިލީ ސިއްހަތު ކުރިއެރުވުމުގައި ނަމޫނާ މަސައްކަތްތަކެއް ކުރަމުން އަންނަ ޖަމިއްޔާއެކެވެ.
ޝަރަފުވެރިކަމުގެ ގައުމީ އިނާމަކީ ދިވެހި ދައުލަތުން ދޭ އެންމެ މަތީ ޝަރަފުގެ ތެރޭގައި ހިމެނޭ އިނާމެކެވެ. މި އިނާމު ދިނުމުގެ މަގުސަދަކީ ގައުމުގެ ތަރައްގީއާއި މުޖުތަމައުގެ ލާބައަށްޓަކައި ދިގު މުއްދަތަކަށް އިހުލާސްތެރި ހިދުމަތްތަކެއް ކުރައްވާފައިވާ ފަރާތްތަކުގެ ހިދުމަތް ބަލައިގަނެ، އެކަން ފާހަގަކުރުމެވެ.
މި އަހަރު ޝަރަފުވެރިކަމުގެ ގައުމީ އިނާމު ލިބިވަޑައިގަތް ބޭފުޅުންނަކީ:
- އަހުމަދު އާމިރު (ފަރެސް އާމިރު) - ދިވެހި އަދަބިއްޔާތުގެ ދާއިރާ: ފަރެސް އާމިރަކީ ދިވެހި ބަހާއި އަދަބިއްޔާތުގެ ދާއިރާގައި ނުހަނު ގިނަގުނަ މަސައްކަތްތަކެއް ކުރައްވާފައިވާ ބޭފުޅެކެވެ. ހާއްސަކޮށް ޅެންވެރިކަމުގެ ރޮނގުންނާއި، ދިވެހި ބަހުގެ މަންހަޖު އެކުލަވައިލުމުގެ އިތުރުން މުގައްރަރުތަކާއި ފޮތްތައް ލިޔުއްވުމުގައި އޭނާ ވަނީ 17 އަހަރަށް ވުރެ ގިނަ ދުވަހު ހިދުމަތް ކުރައްވައިފައެވެ. އާމިރު ވަނީ ގައުމީ ޔުނިވާސިޓީގެ ޑިގްރީ ކޯސްތަކުގައި ކިޔަވައިދެއްވުމުގެ އިތުރުން، ސްކޫލް ކުދިންނަށް ހިލޭސާބަހަށް ޅެންވެރިކަމުގެ ތަމްރީނުތައް ފޯރުކޮށްދެއްވައި، މި ދާއިރާއިން އާ ޖީލެއް ބިނާކުރުމަށް ބޮޑު ހިއްސާއެއް ވެވަޑައިގެންފައެވެ.
- އިބްރާހިމް ރަޝީދު - އިމާރާތް ކުރުމާއި އިމާރާތް ޑިޒައިން ކުރުމުގެ ދާއިރާ: އާރުސީސީގެ މެނޭޖިން ޑިރެކްޓަރު އިބްރާހިމް ރަޝީދަކީ 1970 ގެ އަހަރުތަކުން ފެށިގެން ރާއްޖޭގެ އިމާރާތްކުރުމުގެ ސިނާއަތުގައި ހަރަކާތްތެރިވަމުން އަންނަ ތަޖުރިބާކާރު ބޭފުޅެކެވެ. އޭނާގެ ދުރުވިސްނޭ މޭސްތިރިކަމުގެ ދަށުން އާރުސީސީ ވަނީ ރާއްޖޭގެ އިމާރާތްކުރުމުގެ ދާއިރާގައި އެންމެ އިތުބާރުހުރި އަދި ކާމިޔާބު އެއް ކުންފުންޏަށް ހަދާފައެވެ. ގައުމުގެ އުމްރާނީ ތަރައްގީގައި އޭނާގެ ހިއްސާ ނުހަނު ބޮޑެވެ.
- ނަޖުމާ ހުސައިން - ޚަބަރާއި މައުލޫމާތު ފެތުރުމުގެ ދާއިރާ: ގ. ނޫރީފެހި، ނަޖުމާ ހުސައިނަކީ ރާއްޖޭގެ ބްރޯޑްކާސްޓިން ދާއިރާގެ އެންމެ ފުންނާބު އުސް އެއް ޝަހުސިއްޔަތެވެ. ދިވެހިރާއްޖޭގެ އަޑުގައި 30 އަހަރަށް ވުރެ ގިނަ ދުވަހު ހިދުމަތް ކުރެއްވި ނަޖުމާއަކީ ގިނަ ބައެއްގެ ލޯތްބާއި އިހުތިރާމް ހޯއްދަވާފައިވާ މަޝްހޫރު ޕްރެޒެންޓަރެކެވެ. ރާއްޖޭގެ މީޑިއާގެ ދާއިރާ ކުރިއެރުވުމަށް އޭނާ ކުރެއްވި މަސައްކަތްތައް ސަރުކާރުން ވަނީ ފާހަގަކޮށްފައެވެ.
ޝަރަފުވެރިކަމުގެ ގައުމީ އިނާމަކީ ދިވެހި ދައުލަތުން ދޭ އެންމެ މަތީ ޝަރަފުގެ ތެރޭގައި ހިމެނޭ އިނާމެކެވެ. މި އިނާމު ދިނުމުގެ މަގުސަދަކީ ގައުމުގެ ތަރައްގީއާއި މުޖުތަމައުގެ ލާބައަށްޓަކައި ދިގު މުއްދަތަކަށް އިހުލާސްތެރި ހިދުމަތްތަކެއް ކުރައްވާފައިވާ ފަރާތްތަކުގެ ހިދުމަތް ބަލައިގަނެ، އެކަން ފާހަގަކުރުމެވެ.
ކިޔުންތެރިންގެ ހިޔާލު