ދިވެހިރާއްޖޭގެ އެކި ކަންކޮޅުތަކުގައި ދިރިއުޅޭ ރައްޔިތުންގެ ލާބައާއި މަންފާއަށްޓަކައި، ފަސް ރަށެއްގެ އުމްރާނީ ތަރައްޤީގެ މުހިންމު މަސައްކަތްތަކެއް ސަރުކާރުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ މިއަދު ރަސްމީކޮށް ޙަވާލުކޮށްފިއެވެ.
މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އާބަން ޑިވެލޮޕްމަންޓްގައި ބޭއްވި ޚާއްޞަ ރަސްމިއްޔާތެއްގައި މި މަޝްރޫޢުތަކުގެ އެއްބަސްވުންތަކުގައި ވުޒާރާގެ ފަރާތުން ސޮއިކުރެއްވީ ސްޓޭޓް މިނިސްޓަރ އިސްމާޢީލް ޙަމީދެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ މުޙައްމަދު ޖަމްޝީދެވެ.
މި އެއްބަސްވުންތަކުގެ ދަށުން އުމްރާނީ ބޮޑެތި ބަދަލުތަކެއް ގެނައުމަށް ހަމަޖެހިފައިވާ ރަށްތަކަކީ ށ. ފުނަދޫ، ގދ. މަޑަވެލި، ފ. ދަރަނބޫދޫ، ކ. ގާފަރު އަދި ކ. މާފުއްޓެވެ.
ރަށްތަކުގައި ކުރިއަށްދާނެ މައިގަނޑު މަސައްކަތްތައް:
ށ. ފުނަދޫ: ފުނަދޫގެ ބިން އިތުރުކުރުމުގެ ދެވަނަ ފިޔަވަހީގެ ތެރެއިން 26.55 ހެކްޓަރުގެ ބިން ހިއްކައި، ގޮނޑުދޮށް ހިމާޔަތްކުރުމަށް 3،284 މީޓަރުގެ ޖިއޯ ބޭގް ރިވެޓްމަންޓާއި 50 މީޓަރުގެ ގްރޮއިން ޖެހުމަށް ވަނީ ހަމަޖެހިފައެވެ.
ގދ. މަޑަވެލި: މި ރަށުގެ ބަނދަރު ޒަމާނީ ފެންވަރަށް ތަރައްޤީކުރުމަށްޓަކައި ފުންކުރުމުގެ މަސައްކަތުގެ އިތުރުން، ބޭރުތޮށްޓާއި ރިވެޓްމަންޓް ޖެހުމާއި، އައު އެއްގަމުތޮށި ލުމާއި، ޖެޓީއަކާއި ކޮންކްރީޓް ބްރިޖެއް އެޅުން ހިމެނެއެވެ. މީގެއިތުރުން އޮޑިދޯނިފަހަރު އެހެލާ ސަރަޙައްދަކާއި ޕޭވްމަންޓް އަދި ބައްތި ހަރުކުރުންވެސް ކުރިއަށްދާނެއެވެ.
ފ. ދަރަނބޫދޫ: އެއް އަހަރު ދުވަހުގެ ތެރޭގައި ނިންމާ ގޮތަށް ހަމަޖެހިފައިވާ މި މަޝްރޫޢަކީ ރަށް ގިރުމުގެ މައްސަލައަށް ހައްލު ހޯދައިދިނުމަށް ބޮޑުހިލައިގެ އެކި ވައްތަރުގެ ބްރޭކްވޯޓާތަކާއި ގްރޮއިން ޖެހުމުގެ މަސައްކަތެވެ.
ކ. ގާފަރު: ބަނދަރުގެ ޖާގަ ތަނަވަސްކޮށް ބޭނުންކުރުމަށް ފަސޭހަކުރުމުގެ ގޮތުން ފުންކުރުމާއި، ބޮޑުހިލައިގެ ބޭރުތޮށި ލުމާއި، އެއްގަމުތޮށި މަރާމާތުކުރުމުގެ އިތުރުން 220 މީޓަރުގެ ބޮޑު ކޮންކްރީޓް ޖެޓީއެއް އެޅުމަށް ވަނީ ހަމަޖެހިފައެވެ.
ކ. މާފުށި: ޓޫރިޒަމްގެ މުހިންމު މަންޒިލެއް ކަމަށްވާ މާފުށީގެ ދެވަނަ ފިޔަވަހީގެ ބިން ހިއްކުމުގެ ދަށުން 25 ހެކްޓަރުގެ ބިން އިތުރުކޮށް، ގޮނޑުދޮށް ރައްކާތެރިކުރުމަށް ބޮޑުހިލައިގެ ރިވެޓްމަންޓާއި ބްރޭކްވޯޓާ އަދި ގްރޮއިން ޖެހުން ހިމެނެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގެ ސިޔާސަތާ އެއްގޮތަށް ކުރިއަށްގެންދާ މި މަޝްރޫޢުތަކުގެ ސަބަބުން، އެ ރަށްރަށުގެ ރައްޔިތުންނަށް ދިމާވެފައިވާ ބޯހިޔާވަހިކަމާއި، ލަފާފުރުމުގެ ދަތިތަކަށް ބޮޑު ލުޔެއް ލިބިގެންދާނެއެވެ.
މި އެއްބަސްވުންތަކުގެ ދަށުން އުމްރާނީ ބޮޑެތި ބަދަލުތަކެއް ގެނައުމަށް ހަމަޖެހިފައިވާ ރަށްތަކަކީ ށ. ފުނަދޫ، ގދ. މަޑަވެލި، ފ. ދަރަނބޫދޫ، ކ. ގާފަރު އަދި ކ. މާފުއްޓެވެ.
ރަށްތަކުގައި ކުރިއަށްދާނެ މައިގަނޑު މަސައްކަތްތައް:
ށ. ފުނަދޫ: ފުނަދޫގެ ބިން އިތުރުކުރުމުގެ ދެވަނަ ފިޔަވަހީގެ ތެރެއިން 26.55 ހެކްޓަރުގެ ބިން ހިއްކައި، ގޮނޑުދޮށް ހިމާޔަތްކުރުމަށް 3،284 މީޓަރުގެ ޖިއޯ ބޭގް ރިވެޓްމަންޓާއި 50 މީޓަރުގެ ގްރޮއިން ޖެހުމަށް ވަނީ ހަމަޖެހިފައެވެ.
ގދ. މަޑަވެލި: މި ރަށުގެ ބަނދަރު ޒަމާނީ ފެންވަރަށް ތަރައްޤީކުރުމަށްޓަކައި ފުންކުރުމުގެ މަސައްކަތުގެ އިތުރުން، ބޭރުތޮށްޓާއި ރިވެޓްމަންޓް ޖެހުމާއި، އައު އެއްގަމުތޮށި ލުމާއި، ޖެޓީއަކާއި ކޮންކްރީޓް ބްރިޖެއް އެޅުން ހިމެނެއެވެ. މީގެއިތުރުން އޮޑިދޯނިފަހަރު އެހެލާ ސަރަޙައްދަކާއި ޕޭވްމަންޓް އަދި ބައްތި ހަރުކުރުންވެސް ކުރިއަށްދާނެއެވެ.
ފ. ދަރަނބޫދޫ: އެއް އަހަރު ދުވަހުގެ ތެރޭގައި ނިންމާ ގޮތަށް ހަމަޖެހިފައިވާ މި މަޝްރޫޢަކީ ރަށް ގިރުމުގެ މައްސަލައަށް ހައްލު ހޯދައިދިނުމަށް ބޮޑުހިލައިގެ އެކި ވައްތަރުގެ ބްރޭކްވޯޓާތަކާއި ގްރޮއިން ޖެހުމުގެ މަސައްކަތެވެ.
ކ. ގާފަރު: ބަނދަރުގެ ޖާގަ ތަނަވަސްކޮށް ބޭނުންކުރުމަށް ފަސޭހަކުރުމުގެ ގޮތުން ފުންކުރުމާއި، ބޮޑުހިލައިގެ ބޭރުތޮށި ލުމާއި، އެއްގަމުތޮށި މަރާމާތުކުރުމުގެ އިތުރުން 220 މީޓަރުގެ ބޮޑު ކޮންކްރީޓް ޖެޓީއެއް އެޅުމަށް ވަނީ ހަމަޖެހިފައެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގެ ސިޔާސަތާ އެއްގޮތަށް ކުރިއަށްގެންދާ މި މަޝްރޫޢުތަކުގެ ސަބަބުން، އެ ރަށްރަށުގެ ރައްޔިތުންނަށް ދިމާވެފައިވާ ބޯހިޔާވަހިކަމާއި، ލަފާފުރުމުގެ ދަތިތަކަށް ބޮޑު ލުޔެއް ލިބިގެންދާނެއެވެ.
ކިޔުންތެރިންގެ ހިޔާލު