ސ. ހިތަދޫ، ވަރުދީގޭ، އަހުސަން ބަޝީރު މަރާލި މައްސަލައިގައި ކުށް ސާބިތުވި ގ. ކޯޒީ، އިބްރާހިމް ޝަހުމް އާދަމް މެރުމަށް ދިވެހިރާއްޖޭގެ ހައިކޯޓުން ކުރި ޙުކުމުގެ ސައްޙަކަން ކަށަވަރުކުރުމަށް ދަޢުލަތުން ސުޕްރީމްކޯޓަށް ހުށައަޅާފައިވާ މައްސަލައިގެ އަޑުއެހުންތައް ނިންމާލައި، ހުކުމް އިއްވުމުގެ މަރުހަލާއަށް ގޮސްފިއެވެ.
އަހުސަން ބަޝީރު މަރުވެފައިވަނީ 2011 ވަނަ އަހަރު މަޖީދީމަގާއި އަލިކިލެގެފާނު މަގާ ގުޅުނު ހިސާބުގައި ތޫނު އެއްޗަކުން ހަމަލާދިނުމުން ލިބުނު ޒަހަމްތަކަށް ހޮސްޕިޓަލުގައި ފަރުވާދެމުންދަނިކޮށެވެ. ޝަހުމް މެރުމަށް ހައި ކޯޓުން ހުކުމްކުރީ އެ ހަމަލާއަށްފަހު އަހުސަން މަރުމަތީގައި އޮވެގެން ބުނި ބަހަށް ނުވަތަ "ޑައިން ޑެކްލަރޭޝަނަށް" ބުރަދަން ދީގެންނެވެ.
ޝަހުމްގެ މައްޗަށް ހައިކޯޓުން މަރުގެ ހުކުމް އިއްވާފައިވީ ނަމަވެސް މަރުގެ އަދަބު ތަންފީޒު ކުރެވޭނީ އިސްތިއުނާފްގެ ހުރިހާ މަރުހަލާއެއް ނިމުމުންނެވެ. އެގޮތުން ޝަހުމްގެ ފަރާތުން އެ ހުކުމް ސުޕްރީމް ކޯޓުގައި އިސްތިއުނާފް ނުކުރުމުން، ނިހާއީ ހުކުމެއް ހޯދުމަށް ދައުލަތުންވަނީ މައްސަލަ ސުޕްރީމް ކޯޓަށް ހުށަހަޅާފައެވެ.
މައްސަލާގައި ސުޕްރީމް ކޯޓުގައި މިއަދު ބޭއްވި އަޑުއެހުމުގައި މައްސަލަ ބައްލަވާ ފަނޑިޔާރުންގެ ބެންޗުން ކުރި ސުވާލުތަކަށް ދައުލަތުގެ ފަރާތުންނާއި ޝަހުމްގެ ފަރާތުން ވަނީ ޖަވާބުދާރީވެފައެވެ. އަދި އޭގެ ފަހުން، މައްސަލައާ ގުޅިގެން ފަހު ބަސް ބުނުމުގެ ފުރުސަތު ދެފަރާތަށް ވެސް ފަނޑިޔާރުން އެރުވިއެވެ.
އެއަށްފަހު ފަނޑިޔާރުންގެ ބެންޗުން އިޢުލާނު ކޮށްފައިވަނީ، މި މައްސަލައިގެ އަޑުއެހުންތައް ނިމުނީ ކަމަށާއި، ދެން އޮންނާނީ ހުކުމް އިއްވުމަށް ބާއްވާ ޝަރީއަތުގެ މަޖިލީސް ކަމަށެވެ.
އަހުސަން ބަޝީރުގެ މަރުގެ މައްސަލައިގައި ދައުލަތުން ދައުވާކުރީ ގ. ކޯޒީ އިބްރާހިމް ޝަހުމް އާދަމާއި މއ. ވީނަސްތަރި ހަސަން ޝިމާޒް މުހައްމަދުގެ މައްޗަށެވެ. ނަމަވެސް 2014 ވަނަ އަހަރު ކްރިމިނަލް ކޯޓުން ހުކުމްކޮށްފައިވަނީ އެ ދެ މީހުންގެ މައްޗަށް ކުށް ސާބިތުނުވާ ކަމަށެވެ.
މިމައްސަލަ ދައުލަތުން އިސްތިއުނާފް ކުރުމުން ހައި ކޯޓުން ނިންމީ އެ ދެ މީހުންގެ މައްޗަށް ކުށް ސާބިތުވާ ކަމަށެވެ. އެގޮތުން ޝަހުމްގެ މައްޗަށް ގަސްދުގައި މީހަކު މެރުމުގެ ދައުވާ ސާބިތުވިއިރު، ޝިމާޒްގެ މައްޗަށް ސާބިތުވީ ގަސްދުގައި މީހަކު މެރުމުގައި ބައިވެރިިވުމުގެ ދައުވާއެވެ.
މިމައްސަލައިގައި އަދަބު ކަނޑައެޅުމަށް ބޭއްވި ޝަރީއަތުގެ މަޖިލީހުގައި ވަނީ ގަސްދުގައި މީހަކު މެރުމުގެ ދައުވާ ސާބިތުވި ޝަހުމްގެ މައްޗަށް މަރުގެ ހުކުމް އިއްވާފައެވެ. ގަސްދުގައި މީހަކު މެރުމުގައި ބައިވެރިިވުމުގެ ދައުވާ ސާބިތުވި ޝިމާޒްގެ މައްޗަށް ވަނީ 15 އަހަރުގެ ޖަލު ހުކުމެއް އިއްވާފައެވެ.
އަހުސަންގެ މަރުގެ ހާދިސާ ހިނގުމުގެ ކުރިން، 2010 ވަނަ އަހަރުގެ މެއި މަހު މާޒިޔާ ދަނޑު ކައިރީގައި ހިންގި ނުރައްކާތެރި މާރާމާރީއެއްގައި މ. ބިއުޓީފްލާވާ މުހައްމަދު ހުސައިން މަރާލި މައްސަލައިގައި ޝަހުންގެ މައްޗަށް ވަނީ އުމުރު ދުވަހުގެ ޖަލު ހުކުމެއް އިއްވާފައެވެ.
ޝަހުމްގެ މައްޗަށް ހައިކޯޓުން މަރުގެ ހުކުމް އިއްވާފައިވީ ނަމަވެސް މަރުގެ އަދަބު ތަންފީޒު ކުރެވޭނީ އިސްތިއުނާފްގެ ހުރިހާ މަރުހަލާއެއް ނިމުމުންނެވެ. އެގޮތުން ޝަހުމްގެ ފަރާތުން އެ ހުކުމް ސުޕްރީމް ކޯޓުގައި އިސްތިއުނާފް ނުކުރުމުން، ނިހާއީ ހުކުމެއް ހޯދުމަށް ދައުލަތުންވަނީ މައްސަލަ ސުޕްރީމް ކޯޓަށް ހުށަހަޅާފައެވެ.
މައްސަލާގައި ސުޕްރީމް ކޯޓުގައި މިއަދު ބޭއްވި އަޑުއެހުމުގައި މައްސަލަ ބައްލަވާ ފަނޑިޔާރުންގެ ބެންޗުން ކުރި ސުވާލުތަކަށް ދައުލަތުގެ ފަރާތުންނާއި ޝަހުމްގެ ފަރާތުން ވަނީ ޖަވާބުދާރީވެފައެވެ. އަދި އޭގެ ފަހުން، މައްސަލައާ ގުޅިގެން ފަހު ބަސް ބުނުމުގެ ފުރުސަތު ދެފަރާތަށް ވެސް ފަނޑިޔާރުން އެރުވިއެވެ.
އެއަށްފަހު ފަނޑިޔާރުންގެ ބެންޗުން އިޢުލާނު ކޮށްފައިވަނީ، މި މައްސަލައިގެ އަޑުއެހުންތައް ނިމުނީ ކަމަށާއި، ދެން އޮންނާނީ ހުކުމް އިއްވުމަށް ބާއްވާ ޝަރީއަތުގެ މަޖިލީސް ކަމަށެވެ.
އަހުސަން ބަޝީރުގެ މަރުގެ މައްސަލައިގައި ދައުލަތުން ދައުވާކުރީ ގ. ކޯޒީ އިބްރާހިމް ޝަހުމް އާދަމާއި މއ. ވީނަސްތަރި ހަސަން ޝިމާޒް މުހައްމަދުގެ މައްޗަށެވެ. ނަމަވެސް 2014 ވަނަ އަހަރު ކްރިމިނަލް ކޯޓުން ހުކުމްކޮށްފައިވަނީ އެ ދެ މީހުންގެ މައްޗަށް ކުށް ސާބިތުނުވާ ކަމަށެވެ.
މިމައްސަލަ ދައުލަތުން އިސްތިއުނާފް ކުރުމުން ހައި ކޯޓުން ނިންމީ އެ ދެ މީހުންގެ މައްޗަށް ކުށް ސާބިތުވާ ކަމަށެވެ. އެގޮތުން ޝަހުމްގެ މައްޗަށް ގަސްދުގައި މީހަކު މެރުމުގެ ދައުވާ ސާބިތުވިއިރު، ޝިމާޒްގެ މައްޗަށް ސާބިތުވީ ގަސްދުގައި މީހަކު މެރުމުގައި ބައިވެރިިވުމުގެ ދައުވާއެވެ.
އަހުސަންގެ މަރުގެ ހާދިސާ ހިނގުމުގެ ކުރިން، 2010 ވަނަ އަހަރުގެ މެއި މަހު މާޒިޔާ ދަނޑު ކައިރީގައި ހިންގި ނުރައްކާތެރި މާރާމާރީއެއްގައި މ. ބިއުޓީފްލާވާ މުހައްމަދު ހުސައިން މަރާލި މައްސަލައިގައި ޝަހުންގެ މައްޗަށް ވަނީ އުމުރު ދުވަހުގެ ޖަލު ހުކުމެއް އިއްވާފައެވެ.
ކިޔުންތެރިންގެ ހިޔާލު