ކުއްލި ހާލަތްތަކުގައި ބޭނުންކުރެވޭނެ ކްރެޑިޓް ފެސިލިޓީއެއް ދިވެހިރާއްޖޭގައި ގާއިމުކުރުމާ ގުޅޭގޮތުން، އޯޕެކް ފަންޑް ފޯ އިންޓަނޭޝަނަލް ޑިވެލޮޕްމަންޓް (އޯޕެކް ފަންޑު) އާއެކު ދިވެހި ސަރުކާރުން މަޝްވަރާކޮށްފިއެވެ.
ގަތަރުގެ ދޯހާގައި ކުރިއަށްދިޔަ މި ބައްދަލުވުމުގައި ރާއްޖޭގެ ފަރާތުން ބައިވެރިވެވަޑައިގެންނެވީ މިނިސްޓަރ އޮފް ފިނޭންސް އެންޑް ޕަބްލިކް އެންޓަޕްރައިސަސް ހަސަން ޒަރީރު އެވެ. އަދި އޯޕެކް ފަންޑުގެ ފަރާތުން ބައިވެރިވެވަޑައިގެންނެވީ އެ ފަންޑުގެ ރައީސް ޑރ. އަބްދުލްހަމީދު އަލްޚަލީފާއެވެ.
މި މަޝްވަރާތަކުގައި މައިގަނޑު ގޮތެއްގައި އަލިއަޅުވާލާފައިވަނީ މިއަހަރުގެ ޖެނުއަރީ މަހު ރާއްޖެއާއި އޯޕެކް ފަންޑާ ދެމެދު ސޮއިކުރެވުނު 'ކަންޓްރީ ޕާޓްނާޝިޕް ފްރޭމްވޯކް' ގެ ދަށުން ދެފަރާތުގެ އެއްބާރުލުން އިތުރަށް ވަރުގަދަކުރުމުގެ މައްޗަށެވެ.
އެގޮތުން، ފެނާއި ނަރުދަމާގެ ނިޒާމުތަކާއި ބަނދަރު ތަރައްގީކުރުން ފަދަ އަސާސީ ދާއިރާތަކަށް އެހީތެރިކަން ހޯދުމުގެ އިތުރުން، ކުއްލި ހާލަތްތަކުގައި ބޭނުންކުރެވޭނެ ކްރެޑިޓް ލައިނެއް ގާއިމުކުރުމުގެ މުހިންމުކަން ސަރުކާރުން ވަނީ ފާހަގަކޮށްފައެވެ.
ފާހަގަކޮށްލެވޭ ގޮތުގައި، 1977 ވަނަ އަހަރުން ފެށިގެން އޯޕެކް ފަންޑުން ވަނީ ރާއްޖޭގެ ތަރައްގީގެ މަޝްރޫއުތަކަށް 440 މިލިއަން އެމެރިކާ ޑޮލަރަށްވުރެ ގިނަ އެހީ ފޯރުކޮށްދީފައެވެ.
މި ދަތުރުފުޅުގެ ތެރެއިން މިނިސްޓަރު ޒަރީރު ވަނީ މާލީ އެއްބާރުލުން ބަދަހިކުރުމަށާއި އިންވެސްޓްމަންޓްތަކާ ގުޅޭގޮތުން ގަތަރު ނޭޝަނަލް ބޭންކުގެ އިސް ވެރިންނާވެސް ބައްދަލުކުރައްވާފައެވެ.
މީގެއިތުރުން، ކުވައިތުގެ ފިނޭންސް މިނިސްޓަރު ޑރ. ޔައުގޫބް އަލް-ސައްޔިދު އަލް-ރިފާއީއާއެކު ބޭއްވެވި ބައްދަލުވުމުގައި، ކުވައިތު ފަންޑު މެދުވެރިކޮށް ސިއްހީ އަދި މޫސުމީ ބަދަލުތަކާ ގުޅުންހުރި މަޝްރޫއުތަކަށް އެހީ ހޯދުމާ ގުޅޭގޮތުން މަޝްވަރާކުރެވުނެވެ.
އަދި އޭޝިއަން އިންފްރާސްޓްރަކްޗަރ އިންވެސްޓްމަންޓް ބޭންކް (އޭއައިއައިބީ) ގެ އަހަރީ ބައްދަލުވުމުގައި ބައިވެރިވެވަޑައިގެން، އިންފްރާސްޓްރަކްޗަރ ތަރައްގީކުރުމުގައި އީޖާދީ އަދި ދެމެހެއްޓެނިވި ގޮތްތައް ބޭނުންކުރުމުގެ މުހިންމުކަމާ ބެހޭގޮތުންވެސް މިނިސްޓަރު ވަނީ ވާހަކަފުޅު ދައްކަވާފައެވެ.
މި މަޝްވަރާތަކުގައި މައިގަނޑު ގޮތެއްގައި އަލިއަޅުވާލާފައިވަނީ މިއަހަރުގެ ޖެނުއަރީ މަހު ރާއްޖެއާއި އޯޕެކް ފަންޑާ ދެމެދު ސޮއިކުރެވުނު 'ކަންޓްރީ ޕާޓްނާޝިޕް ފްރޭމްވޯކް' ގެ ދަށުން ދެފަރާތުގެ އެއްބާރުލުން އިތުރަށް ވަރުގަދަކުރުމުގެ މައްޗަށެވެ.
އެގޮތުން، ފެނާއި ނަރުދަމާގެ ނިޒާމުތަކާއި ބަނދަރު ތަރައްގީކުރުން ފަދަ އަސާސީ ދާއިރާތަކަށް އެހީތެރިކަން ހޯދުމުގެ އިތުރުން، ކުއްލި ހާލަތްތަކުގައި ބޭނުންކުރެވޭނެ ކްރެޑިޓް ލައިނެއް ގާއިމުކުރުމުގެ މުހިންމުކަން ސަރުކާރުން ވަނީ ފާހަގަކޮށްފައެވެ.
ފާހަގަކޮށްލެވޭ ގޮތުގައި، 1977 ވަނަ އަހަރުން ފެށިގެން އޯޕެކް ފަންޑުން ވަނީ ރާއްޖޭގެ ތަރައްގީގެ މަޝްރޫއުތަކަށް 440 މިލިއަން އެމެރިކާ ޑޮލަރަށްވުރެ ގިނަ އެހީ ފޯރުކޮށްދީފައެވެ.
މި ދަތުރުފުޅުގެ ތެރެއިން މިނިސްޓަރު ޒަރީރު ވަނީ މާލީ އެއްބާރުލުން ބަދަހިކުރުމަށާއި އިންވެސްޓްމަންޓްތަކާ ގުޅޭގޮތުން ގަތަރު ނޭޝަނަލް ބޭންކުގެ އިސް ވެރިންނާވެސް ބައްދަލުކުރައްވާފައެވެ.
އަދި އޭޝިއަން އިންފްރާސްޓްރަކްޗަރ އިންވެސްޓްމަންޓް ބޭންކް (އޭއައިއައިބީ) ގެ އަހަރީ ބައްދަލުވުމުގައި ބައިވެރިވެވަޑައިގެން، އިންފްރާސްޓްރަކްޗަރ ތަރައްގީކުރުމުގައި އީޖާދީ އަދި ދެމެހެއްޓެނިވި ގޮތްތައް ބޭނުންކުރުމުގެ މުހިންމުކަމާ ބެހޭގޮތުންވެސް މިނިސްޓަރު ވަނީ ވާހަކަފުޅު ދައްކަވާފައެވެ.
ކިޔުންތެރިންގެ ހިޔާލު