ދިވެހި ޒުވާނުންގެ ކުރިމަގު އުޖާލާކޮށް، ޤައުމީ ޚިދުމަތަށް އަހުލުވެރި ބަޔަކަށް ހެދުމުގެ މަޤްޞަދުގައި ސަރުކާރުން ފެށި "ދިވެހި ވަޠަނީ ޚިދުމަތް" (ނޭޝަނަލް ސަރވިސް) ޕްރޮގްރާމަށް އަހަރެއް ފުރުމުގެ މުނާސަބަތުގައި، އެ ތަމްރީނުތައް ކާމިޔާބުކަމާއެކު ފުރިހަމަކުރި ޒުވާނުންނަށާއި އެ ފަރާތްތަކުގެ ޢާއިލާތަކަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.
މީސްމީޑިއާގައި ޙިއްޞާކުރެއްވި މެސެޖެއްގައި ރައީސުލްޖުމްހޫރިއްޔާ ވިދާޅުވީ، ދިވެހި ވަޠަނީ ޚިދުމަތުގެ ދަށުން އަހަރަކު 1،000 ޒުވާނުން ތަމްރީނުކުރުމަށް ސަރުކާރުން ކަނޑައެޅި އަމާޒު، ފުރަތަމަ އަހަރުގެ ތެރޭގައިވެސް ކާމިޔާބުކަމާއެކު ޙާޞިލުކުރެވިފައިވާ ކަމަށެވެ. އެގޮތުން، ނޭޝަނަލް ސަރވިސް އިނީޝަލް ޓްރެއިނިންގގެ ތެރެއިން 1,028 ޒުވާނުން އަދި ނޭޝަނަލް ސަރވިސް ސްކިލް ޓްރެއިނިންގ ޕްރޮގްރާމުން 136 ޒުވާނުން ތަމްރީނު ފުރިހަމަކޮށްފައިވާކަން އެމަނިކުފާނު ފާހަގަކުރެއްވިއެވެ. އަދި ފާއިތުވި އަހަރަކީ ޒުވާނުންގެ ކުރިއެރުމަށްޓަކައި ނުހަނު އުފެއްދުންތެރި އަދި ކާމިޔާބު މަސައްކަތްތަކެއް ކުރެވުނު އަހަރެއް ކަމަށްވެސް ވިދާޅުވިއެވެ.
މީގެއިތުރުން، މި ޚިދުމަތުގެ މުސްތަޤުބަލު އުޖާލާކަން ފާހަގަކުރައްވައި ރައީސް ވިދާޅުވީ، ކުރިއަށް އޮތް ތަނުގައި ފަންނީ އިތުރު ދާއިރާތަކާއި އިންޓަރންޝިޕްގެ ފުރުޞަތުތައް މި ޕްރޮގްރާމްގެ ތެރެއިން ތަޢާރަފުކުރެވިގެންދާނެ ކަމަށެވެ. ހަމައެއާއެކު، ތަމްރީނު ހާސިލުކުރާ ޒުވާނުންނަށް ވަޒީފާގެ ބާޒާރުން ފުރުޞަތުތައް ހޯދައިދިނުމުގައި "ނޭޝަނަލް ކެރިއަރ ސަރވިސް" ގެ ދައުރު އިތުރަށް ފުޅާކުރުމަކީ ސަރުކާރުގެ މުހިންމު ލަނޑުދަނޑިއެއް ކަމުގައިވެސް އެމަނިކުފާނު ބަޔާންކުރެއްވިއެވެ.
ރައީސުލްޖުމްހޫރިއްޔާގެ މެސެޖު ނިންމަވާލައްވަމުން، ދިވެހި ވަޠަނީ ޚިދުމަތުގެ ޕްރޮގްރާމްތައް ކާމިޔާބުކަމާއެކު ހިންގުމުގައި އެކި ގޮތްގޮތުން އެއްބާރުލުން ދެއްވި ހުރިހާ މުއައްސަސާތަކަށާއި ފަރާތްތަކަށް އިޚްލާޞްތެރިކަމާއެކު ޝުކުރު އަދާކުރެއްވިއެވެ.
ހަމައެއާއެކު، ޤައުމުގެ ތަރައްޤީއާއި ކުރިއެރުމުގެ އެންމެ މުހިންމު ބާރަކީ ހުނަރުވެރި، ޤާބިލު އަދި ޤައުމުދެކެ ލޯބިވާ ޒުވާން ޖީލެއް ކަމުގައި ފާހަގަކުރައްވައި، ކޮންމެ ދިވެހި ޒުވާނަކީވެސް ފަޚުރުވެރިކަމާއެކު ޤައުމީ ޚިދުމަތުގައި ދެމިހުންނާނެ، ޒިންމާދާރު ރައްޔިތަކަށް ހެދުމަށް ސަރުކާރުން ކުރަމުންދާ މަސައްކަތްތައް ހުއްޓުމެއްނެތި ކުރިއަށްދާނެ ކަމުގެ ޔަޤީންކަން އެމަނިކުފާނު ދެއްވިއެވެ.
މީގެއިތުރުން، މި ޚިދުމަތުގެ މުސްތަޤުބަލު އުޖާލާކަން ފާހަގަކުރައްވައި ރައީސް ވިދާޅުވީ، ކުރިއަށް އޮތް ތަނުގައި ފަންނީ އިތުރު ދާއިރާތަކާއި އިންޓަރންޝިޕްގެ ފުރުޞަތުތައް މި ޕްރޮގްރާމްގެ ތެރެއިން ތަޢާރަފުކުރެވިގެންދާނެ ކަމަށެވެ. ހަމައެއާއެކު، ތަމްރީނު ހާސިލުކުރާ ޒުވާނުންނަށް ވަޒީފާގެ ބާޒާރުން ފުރުޞަތުތައް ހޯދައިދިނުމުގައި "ނޭޝަނަލް ކެރިއަރ ސަރވިސް" ގެ ދައުރު އިތުރަށް ފުޅާކުރުމަކީ ސަރުކާރުގެ މުހިންމު ލަނޑުދަނޑިއެއް ކަމުގައިވެސް އެމަނިކުފާނު ބަޔާންކުރެއްވިއެވެ.
ހަމައެއާއެކު، ޤައުމުގެ ތަރައްޤީއާއި ކުރިއެރުމުގެ އެންމެ މުހިންމު ބާރަކީ ހުނަރުވެރި، ޤާބިލު އަދި ޤައުމުދެކެ ލޯބިވާ ޒުވާން ޖީލެއް ކަމުގައި ފާހަގަކުރައްވައި، ކޮންމެ ދިވެހި ޒުވާނަކީވެސް ފަޚުރުވެރިކަމާއެކު ޤައުމީ ޚިދުމަތުގައި ދެމިހުންނާނެ، ޒިންމާދާރު ރައްޔިތަކަށް ހެދުމަށް ސަރުކާރުން ކުރަމުންދާ މަސައްކަތްތައް ހުއްޓުމެއްނެތި ކުރިއަށްދާނެ ކަމުގެ ޔަޤީންކަން އެމަނިކުފާނު ދެއްވިއެވެ.
ކިޔުންތެރިންގެ ހިޔާލު