މާލެ ވޯޓަރ އެންޑް ސެވަރޭޖް ކޮމްޕެނީ (އެމްޑަބްލިޔުއެސްސީ) ގެ ޝޯރޫމަށް 10 އަހަރު ފުރުމުގެ މުނާސަބަތާ ގުޅުވައިގެން، ކަސްޓަމަރުންނަށް އަގުހުރި ޑިސްކައުންޓުތަކެއް ލިބިގެންދާ ޚާއްސަ އަހަރީ ޕްރޮމޯޝަނެއް ފަށައިފިއެވެ.

އެ ކުންފުނިން ހާމަކުރި ގޮތުގައި މި ޕްރޮމޯޝަން ކުރިއަށްދާނީ އަންނަ ނޮވެމްބަރު މަހުގެ 29 ވަނަ ދުވަހުގެ ނިޔަލަށެވެ. މި މުއްދަތުގެ ތެރޭގައި އެމްޑަބްލިޔުއެސްސީގެ ޝޯރޫމުން ވިޔަފާރިކުރާ ހުރިހާ ފަރާތްތަކަށް ވެސް ވަރަށް ޚާއްސަ އަގުތަކެއްގައި ތަކެއްޗާއި ޚިދުމަތްތައް ލިބިގެންދާނެ ކަމަށް އެ ކުންފުނިން މައުލޫމާތު ދެއެވެ.

މި ޕްރޮމޯޝަންގެ ދަށުން ބޮޑެތި ޑިސްކައުންޓުތަކެއް ލިބިގެންދާ ތަކެތީގެ ތެރޭގައި، ފެނުގެ ޚިދުމަތްތަކަށް ބޭނުންކުރާ އެކި ވައްތަރުގެ ފެން މީޓަރާއި، ތަފާތު ބޭނުންތަކަށް ޚާއްސަ ފެން ޕަންޕުތަކުގެ އިތުރުން ފެން ތަހުލީލުކުރުމަށް ބޭނުންކުރާ އެކި ޒާތުގެ ޒަމާނީ އާލާތްތައް ހިމެނެއެވެ.

އެމްޑަބްލިޔުއެސްސީގެ ޝޯރޫމަކީ ފެނާއި ނަރުދަމާގެ ނިޒާމުތަކަށް ބޭނުންވާ ފެންވަރު ރަނގަޅު ތަފާތު ޕްރޮޑަކްޓުތަކާއި، ސްޕެއަރ ޕާޓްސްގެ އިތުރުން ފެން ޓެސްޓުކުރުން ފަދަ މުހިންމު ޚިދުމަތްތައް އެއް ފުރާޅެއްގެ ދަށުން ފޯރުކޮށްދިނުމުގެ މަގުސަދުގައި 2016 ވަނަ އަހަރު ހުޅުވި ޚާއްސަ ޓްރޭޑް ސެންޓަރެކެވެ. ވޭތުވެދިޔަ 10 އަހަރު ދުވަހުގެ ތެރޭގައި އެ ޝޯރޫމުން ވަނީ އާންމު ރައްޔިތުންނަށާއި ވިޔަފާރިތަކަށް ބޭނުންވާ ފެނާއި ނަރުދަމާގެ އިތުބާރު ހުރި ސާމާނު ފޯރުކޮށްދިނުމުގައި ބޮޑު މަޤްބޫލުކަމެއް ހޯދާފައެވެ.

މި ޕްރޮމޯޝަނާ ގުޅޭގޮތުން އިތުރު މައުލޫމާތު ސާފުކުރައްވަން ބޭނުންފުޅުވާ ފަރާތްތަކުން އެމްޑަބްލިޔުއެސްސީގެ ސޭލްސް ހޮޓްލައިން ނަންބަރު 7960022 އަށް ގުޅުއްވައިގެން ނުވަތަ ޝޯރޫމަށް ޒިޔާރަތްކުރައްވައިގެން މައުލޫމާތު ހޯއްދެވޭނެއެވެ.

އަދި މީގެ އިތުރުން އީމެއިލް އަށް އީމެއިލް ކުރައްވައިގެން ވެސް ޕްރޮމޯޝަންގެ ތަފްސީލު ހޯދުމުގެ ފުރުސަތު ވަނީ ހުޅުވާލާފައެވެ.