ހުޅުމާލެ ފޭސް 2 ގައި ހުންނަ އެމްޕީއެލް ޓަވަރެއްގެ ތެރޭގައި މަސްތުގެ ހާލަތުގައި ތިބެ، ނިވާކަން ކުޑަ ހެދުމެއްގައި އަޑުގަދަކޮށް ބޮޑެތި ހަމަނުޖެހުންތަކެއް ހިންގި ބަންގްލަދޭޝްގެ ދެ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފިއެވެ.

​ފުލުހުން މީޑިއާތަކަށް މައުލޫމާތު ދިން ގޮތުގައި، މި ހާދިސާ ހިނގާފައިވަނީ ހުޅުމާލެ ފޭސް 2 ގެ އެމްޕީއެލް ޓަވަރެއްގައެވެ.

އެ މީހުން މާޙައުލުގެ ހަމަޖެހުމަށް އަށް ބުރޫއަރުވާ، ނިވާކަން ކުޑަ ހެދުމެއްގައި ތިބެ މަސްތުގެ ހާލަތުގައި އަޑުގަދަކޮށް، އެ ތަނުގެ އެކި ތަކެއްޗަށް ގެއްލުން ދީފައިވާ ކަމަށް ވަނީ ރިޕޯޓުކޮށްފައެވެ.

މި މައްސަލަ ފުލުހުންނަށް ރިޕޯޓުކޮށްފައިވަނީ އިއްޔެ (9 ނޮވެންބަރު 2026 ވީ ހޯމަ ދުވަ) ގެ ރޭގެ ވަގުތެއްގައެވެ.

​ފުލުހުން ހާމަކުރި ގޮތުގައި، މި މައްސަލައާ ގުޅިގެން ތުހުމަތުކުރެވޭ ބަންގްލަދޭޝްއަށް ނިސްބަތްވާ އެ ދެ ފިރިހެނުން ވަނީ ހަލުވިކަމާއެކު ހައްޔަރުކޮށްފައެވެ.

އަދި މި ފަދަ ޢަމަލުތަކަކީ މުޖުތަމަޢުގެ ސަލާމަތާއި ރައްކާތެރިކަމަށް ހުރި ނުރައްކަލެއްކަމަށްވާތީ، މި މައްސަލަ ފުލުހުންގެ މުވައްސަސާއިން ސީރިއަސް މައްސަލައެއްގެ ގޮތުގައި ބަލައި، އިތުރަށް ތަހުގީގުކުރަމުން އަންނަ ކަމަށް ވެސް ފުލުހުން ބުނެފައިވެއެވެ.