ދަރުމަވަންތަ ހޮސްޕިޓަލްގެ ޑީއެޗް11 ގައި މިހާރު 3 މީހަކު އެޑްމިޓް ކޮށްފައި ވާކަމަށް އެޗްޕީއޭ އިން ހާމަކޮށްފިއެވެ.

ނޭޝަނަލް އިމަރޖެންސީ އޮޕަރޭޝަން ސެންޓަރގައި މިރޭ ބޭއްވި ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ މިހާރު ދަރުމަވަންތަ ހޮސްޕިޓަލްގެ ޑީއެޗް11 ގައި 3 މީހަކު އެޑްމިޓްކޮށްފައިވާ ކަމަށެވެ.

އެ ތިން މީހުންގެ ތެރޭގައި ހިމެނެނީ، ކުރިންވެސް ޑީއެޗް11 ގައި ފަރުވާދެމުން އައި 81 އަހަރުގެ މީހާއާއި، 68 އަހަރުގެ ދިވެހި އަންހެނަކާއި ޕާކިއްސާތަނަށް ނިސްބަތްވާ 48 އަހަރުގެ ފިރިހެނަކު ކަމަށް ޑރ. ވިދާޅުވިއެވެ. އެގޮތުން ދިވެހި ދެމީހުންގެ ހާލު ރަނގަޅުކަމަށާއި ޕާކިސްތާނު މީހާ އެޑްމިޓްކުރެވުނީ، އޮކްސިޖަން ބޭނުންވާތީ ކަމަށް ޑރ ވަނީ ވިދާޅުވިއެވެ.

މީގެ އިތުރުން ޑރ ވިދާޅުވީ ޑީއެޗް11 ގައި އޮތް ބިދޭސީ މީހާ ޓްރީޓޮޕް ހޮސްޕިޓަލަށް ގޮސްފައިވާ ކަމަށާއި، އެމީހާއާއި ގުޅޭ 8 ކޮންޓެކްޓެއް ފާހަގަކުރެވިފައިވާކަމަށެވެ.