ޚަބަރަކާ ގުޅިގެން ޕާޓީއަކުން ނޫހެއް ކުށްވެރިކުރުމަކީ ކަންބޮޑުވާ ކަމެއް ކަމަށާއި, އެމައްސަލަ ބަލަންޖެހޭނެ ކަމަށް ފޭދޫ ދާއިރާގެ ކުރީގެ މެމްބަރު އަދި އެމްޑީޕީގެ ކުރީގެ ނާއިބު ރައީސް އަލްހާން ފަހްމީ ވިދާޅުވެއްޖެއެވެ.

އަލްހާން ފަހްމީ މިހެން ވިދާޅުވެފައި މިވަނީ ރާއްޖޭގައި އަމިއްލަ ބަޔަކު ހިންގާ އޮންލައިން ނޫހެއްގައި ޝާއިޢުކުރި ޚަބަރެއްގެ މައްސަލަ ބަލާ، ފިޔަވަޅު އެޅުމަށް އެމްޑީޕީން ގޮވާލުމާއި ގުޅިގެނެވެ.

އަލްހާން ކުރެއްވި ޓްވީޓުގައި ވިދާޅުވީ ނަން ހާމަކުރަން ބޭނުންނުވާ މުޢުތަބަރު ފަރާތަކުން ކަމަށްބުނެ، ޚަބަރު ލިޔުމަކީ ނޫސްވެރިންނާ ނޫސްވެރިން ކުރާ ކަމެއްކަމަށާއި މިބާވަތުގެ ޚަބަރު ލިޔުމަކީ ރާއްޖޭގައި އާންމު އާދައިގެ ކަމެއްކަމަށެވެ.

މިބާވަތުގެ ޚަބަރު ލިޔުމަކީ ރާއްޖޭގައި އާންމު އާދައިގެ ކަމެއް!
ނަންހާމަކުރަން ބޭނުން ނުވާ މުޢުތަބަރު ފަރާތަކުން ކަމަށްބުނެ، ޚަބަރު ލިޔުމަކީ ނޫސްވެރިންނާ ނޫސްވެރިން ކުރާ ކަމެއް! މި ޚަބަރުގައި ގޮދު މަޢުލޫމާތެއް ނުވަތަ ހާމަކުރުން މަނާ މައޫލޫމާތެއް އޮތްނަމަ އެކަން ކަމާބެހޭ ..1/2 https://t.co/atQ4vCQ8KZ

— 𝗔𝗹𝗵𝗮𝗻 𝗙𝗮𝗵𝗺𝘆 - 𝗔𝗙 (@AlhanFahmy) May 29, 2021

އަލްހާން ވިދާޅުވީ ނޫހުގައި ޝާއިއުކުރި ހަބަރަކީ ދޮގު މަޢުލޫމާތެއް ނަމަ ނުވަތަ ހާމަކުރުން މަނާ މައޫލޫމާތެއް އޭގައި އޮތްނަމަ، އެކަން ކަމާބެހޭ ފަރާތަށް ހުށަހަޅައިގެން ނޫހާއި ނޫސްވެރިޔާ ޒިންމާދާރުކުރުވާ، ކަމުގެ ޙަޤީޤަތް ކިޔާ މީހުންނަށް ހާމަކޮށްދެވޭނެކަމަށެވެ. އެކަމާއި ގުޅޭ ޤާނޫނީ އޮނިގަނޑެއް ރާއްޖޭގައި އެބައޮތްކަމަށް އަލްހާން ވިދާޅުވިއެވެ.



އަލްހާން ވިދާޅުވީ ވަކި ޚަބަރަކާ ގުޅިގެން ޕާޓީއަކުން ނޫހެއް ކުށްވެރިކުރުމަކީ ކަންބޮޑުވެވަޑައިގަންނަވާ ކަމެއްކަމަށާއި، މިއީ ޒިންމާދާރު ސިޔާސީ ޕާޓީއަކުން ކޮށްގެންވާނެ ކަމެއް ނޫންކަމަށެވެ. އަދި ނޫސްވެރިކަމުގެ މިނިވަންކަން ކަށަވަރުކުރަން ގޮވާ ޕާޓީއަކުން ނޫސްވެރިކަމަށް ހަމަލާ ދިނުމަކީ ވަކި މީހެއްގެ ސިޔާސީ މަންފާއަށްޓަކައި ކޮށްގެންވާނެ ކަމެއްވެސް ނޫންކަމަށް އަލްހާން ވިދާޅުވިއެވެ.

ފަރާތަށް ހުށަހަޅައިގެން ނޫހާ، ނޫސްވެރިޔާ ޒިންމާދާރުކުރުވާ، ކަމުގެ ޙަޤީޤަތް ކިޔާމީހުންނަށް ހާމަކޮށްދެވޭނެ، ޤާނޫނީ އޮނިގަނޑެއް ރާއްޖޭގައި އެބައޮތް !
ވަކި ޚަބަރަކާ ގުޅިގެން ޕާޓީއަކުން ނޫހެއް ކުށްވެރިކުރުމަކީ ކަންބޮޑުވާ ކަމެއް! މިއީ ޒިންމާދާރު ސިޔާސީޕާޓީއަކުން ކޮށްގެންވާނެ..2/3

— 𝗔𝗹𝗵𝗮𝗻 𝗙𝗮𝗵𝗺𝘆 - 𝗔𝗙 (@AlhanFahmy) May 29, 2021

އަލްހާން ވަނީ މިމައްސަލަ ބެލުމަށް މޯލްޑިވްސް މީޑިއާ ކައުންސިލަށްވެސް ގޮވާލައްވާފައެވެ.

ކަމެއް ނޫން! #ނޫސްވެރިކަމުގެމިނިވަންކަން ކަށަވަރުކުރަން ގޮވާ ޕާޓީއަކުން ނޫސްވެރިކަމަށް ހަމަލާ ދިނުމަކީ ވަކި މީހެއްގެ ސިޔާސީ މަންފާއަށްޓަކައި ކޮށްގެންވާނެ ކަމެއްވެސް ނޫން!
މިމައްސަލަ ބެއްލެވުމަށް @mmc_mv އަށް ގޮވާލަން ! @sahubaan @ShareefRangondi @ibusolih

— 𝗔𝗹𝗵𝗮𝗻 𝗙𝗮𝗵𝗺𝘆 - 𝗔𝗙 (@AlhanFahmy) May 29, 2021

އެމްޑީޕީން އިއްޔެ ނެރުނު ނޫސް ބަޔާނުގައި ބުނީ ސިކިޔުރިޓީ ކަންކަމާ ގުޅޭ ފަރާތެއްގެ ޙައިޞިއްޔަތުން ފޮރުވިގެންހުރެ ރައީސް ނަޝީދުގެ ސެކިއުރިޓީއާ ބެހޭ މަޢުލޫމާތު ނޫހަށް ފޯރުކޮށްދިނުމަކީ ނުހަނު ސީރިއަސް މައްސަލައެއްކަމަށެވެ. އެހެންކަމުން، ފޮރުވިގެންހުރެ ސިކިޔުރިޓީއާ ބެހޭ މަޢުލޫމާތު ނޫހަށްދީ، ރައީސް މުޙައްމަދު ނަޝީދާ ދެކޮޅަށް މިދަނޑިވަޅުގައި ވެސް ޕްރޮޕަގެންޑާ ފެތުރުމަށް މަސައްކަތްކުރާ ފަރާތަކީ ސަލާމަތީ ޚިދުމަތްތަކަށް ނިސްބަތްވާ ފަރާތެއްތޯ، ނުވަތަ ރަސްމީ ޙައިޞިއްޔަތަކުން އެފަދަ މަޢުލޫމާތު ލިބިފައިވާ ފަރާތެއްތޯ ބެލުމުގެ އަވަސް އަދި ފުރިހަމަ ތަޙްޤީޤެއް ކުރުމަށް ސަލާމަތީ ޚިދުމަތްތަކަށް އެމްޑީޕީން ވަނީ ގޮވާލާފައެވެ.