އައްޑޫ ފްލައިން ސްކޫލަށް ފިޔަވަޅު އެޅުމާ ގުޅޭގޮތުން އެޓާނީ ޖެނެރަލް (އޭޖީ) އޮފީހުގެ ލަފައަކަށް އެދިފައިވާ ކަމަށް ޓްރާންސްޕޯޓު މިނިސްޓްރީން ބުނެފިއެވެ.
ރައްޔިތުންގެ މަޖިލީހުގެ ގައުމީ ތަރައްގީއާއި ތަރިކައިގެ ކޮމިޓީގައި، ވާހަކަ ދައްކަވަމުން ޓްރާންސްޕޯޓް މިނިސްޓަރުގެ ނައިބު ހަމަދު އަބްދުލްއަނީ މިއަދު ވިދާޅުވީ، އޭޝިއަން އެކަޑަމީ އޮފް އެއޮރޮނޯޓިކްސް (އޭއޭއޭ) އިން ދަރިވަރުންނަށް އިހުމާލުވެފައިވާ މައްސަލާގައި އެޅޭނެ ފިޔަވަޅުތަކާއި އެ ކަމުގައި ކުރިއަށް ދާނެ ގޮތަކާ ގުޅޭގޮތުން އެޓާނީ ޖެނެރަލް އޮފީހުގެ ލަފައަކަށް މިހާރު އެދިފައިވާ ކަމަށެވެ. އަދި ސަރުކާރުގެ ވިސްނުމަކީ ފްލައިންގ ސްކޫލްގައި މިހާރު ތިބި ދަރިވަރުންގެ ކޯސް ފުރިހަމަކުރެވޭނެ އިތުރު ގޮތްތަކެއް ހޯދައި ދިނުން ކަމަށްވެސް ހަމަދު ވިދާޅުވި އެވެ.
އޭގެ އިތުރުން އެ ތަނުގައި މިހާރު ކިޔަވާ ދަރިވަރުންގެ ޕައިލެޓް ތަމްރީނުތައް އަލުން ފެށުމުގެ ހަރަދު ބަލަން ފިނޭންސް މިނިސްޓްރީގައި އެދުމުން ދަރިވަރުންނަށް 320 މިލިއަން ރުފިޔާ ހަރަދުވާނެ ކަމަށް އެ މިނިސްޓްރީން ބުނެފައިވާ ކަމަށްވެސް ޓްރާންސްޕޯޓްގެ އިސް ބޭފުޅުން މިއަދު ކޮމިޓީގައި ވިދާޅުވިއެވެ.
އައްޑޫ ފްލައިންގ ސްކޫލް ހިންގާ އޭޝިއަން އެކަޑަމީ އޮފް އެއޮރޮނޯޓިކްސުން އިއްޔެ ބުނީ ފްލައިންގ ސްކޫލް ހިންގުމަށް ރާއްޖޭގެ ބައެއް ކޮލެޖަތަކާއެކު މަޝްވަރާކޮށްފައިވާކަމަށެވެ. އަދި މިހަފްތާތެރޭގައި ފްލައިންގ ސްކޫލް ހަވާލުކުރާނެ ކޮލެޖެއް ކަނޑައެޅިގެންދާނެކަމަށް އޭއޭއޭއިން ބުނެއެވެ. ނަމަވެސް އެ ފަރާތުން ވާހަކަ ދައްކަމުންދަނީ ރާއްޖޭގެ ކޮން ކޮލެޖުތަކަކާއެކު ކަމެއް ހާމަކޮށްފައެއް ނުވެއެވެ. މިއަދު ކޮމިޓީގައި މިނިސްޓަރ ވިދާޅުވީ މިވަގުތު އިޤްތިޞާދީ ޙާލަތު ހުރި ގޮތުން ދަރިވަރުންނަށް މިވަގުތު އޮތް ހަމައެކަނި އޮޕްޝަނަކީ އޭއޭއޭ ކަމަށާއި، އާ ސްކޫލެއް ގެނައުމަށް ވަގުތު ނަގާނެ ކަމަށެވެ.
ޓްރާންސްޕޯޓް މިނިސްޓްރީން ވަނީ، އޭޝިއަން އެކެޑެމީ އޮފް އެރޮނޮޓިކްސްގެ ފަރާތުން ސ. ގަމުގައި ހިންގަމުން އަންނަ ފްލައިން ސްކޫލްގައި ތައުލިމް ހާސިލްކުރަމުން ގެންދާ ދަރިވަރުންގެ ތައުލީމް ކުރިޔަށް ނުގެންދެވި ސްކޫލްގެ މެނޭޖްމެންޓުން އިހުމާލުވެފައިވާތީ ފްލައިން ސްކޫލްގެ ހެޑް އޮފް ޓްރެއިނިންގެ މަގާމުގައި ހުރި ސުރަންޖަން ޑީ-ސިލްވާ މަގާމުގައި ހުރުމަށް ސިވިލް އޭވިއޭޝަން އޮތޯރިޓީއިން ދޫކޮށްފައިވާ ހުއްދަ 23 މެއިން ފެށިގެން އަތުލުމަށް ނިންމާފައެވެ.
އޭގެއިތުރުން ސްކޫލުގައި ކިޔަވަމުން އަންނަ ދަރިވަރުންނަށް ދިމާވެފައިވާ މައްސަލަތައް އެކަށީގެންވާ އަވަސް މިނެއްގައި ހައްލު ކުރެވެމުން ނާންނަނަމަ އެކަމަށް ޒިންމާ އުފުލަން ޖެހޭނީ މެނޭޖަރ އަލީ އަކުބަރު ޖީވަންޖީ ކަމަށާއި، އިތުރު ހެޔޮ ބަދަލެއް ނާންނަނަމަ އޭނާގެ ހުއްދަ ވެސް އަތުލާނެކަމުގެ އިންޒާރު ސިވިލް އޭވިއޭޝަނުން ވަނީ ދީފައެވެ.
އައްޑޫ ސިޓީގައި ގާއިމުކޮށްފައިވާ އޭޝިއަން އެކެޑަމީ އޮފް އެރޯނޯޓިކްސް (އޭއޭއޭ) ނުވަތަ އައްޑޫ ފްލައިން ސްކޫލުގައި ކިޔަވަމުންދާ ދަރިވަރުންނަށް ދިމާވެފައިވާ މައްސަލައަށް އަވަސް ހައްލެއް ހޯއްދަވައި ދެއްވަން ނައިބް ރައީސް ފައިސަލް ނަސީމް ވެސް ވަނީ ދާދިފަހުން ގޮވާލައްވައިފައެވެ. އަދި އައްޑޫ ފްލައިން ސްކޫލްގައި ޑޮލަރުން ފީ ނަގާ މައްސަލަ އެމްއެމްއޭއާއި ފުލުހުންނަށް ޑިސެމްބަރު މަހުގެ ކުރީކޮޅު ވަނީ ހުށަހަޅާފައެެވެ. އައްޑޫ ފްލައިންގ ސްކޫލް ކުދިން އަތުން ޑޮލަރުން ފީ ނަގާ މައްސަލަ އެމްއެމްއޭއާއި ފުލުހުންނަށް ހުށަހަޅާފައި ވަނީ ހަޔަރ އެޑިއުކޭޝަން މިނިސްޓްރީންނެވެ.
ފްލައިންގ ސްކޫލްގެ ދަރިވަރުންގެ ޝަކުވާތަކުގެ ތެރޭގައި ދަރިވަރުންތަކެއް ކަނޑާލުމާއި، ދަރިވަރުން ފްލައިން އަވާސް ހަމަކުރަން އެކަށީގެންވާ ފުރުސަތު ނުލިބޭ މައްސަލަތައް ސިވިލް އޭވިއޭޝަން އޮތޯރިޓީއާއި އެހެން މުއައްސަސާތަކުގެ ސަމާލުކަމަށް ވަނީ ގެނެސްފައެވެ. އައްޑޫ ފްލައިން ސްކޫލްގެ ގިނަ މައްސަލަތަކެއް ދަރިވަރުން ފެންމަތިކުރަމުން އަންނަތާ މިހާރު އެތައް ދުވަހެއް ވެފައި ވީ ނަމަވެސް އެކަމަށް އެކަށީގެންވާ ހައްލެއް ލިބޭގޮތްވަނީ ނުވެފައެވެ.
ހަޔަރ އެޑިއުކޭޝަން މިނިސްޓްރީންވަނީ ފްލައިން ސްކޫލްގައި ހުރި މައްސަލަތައް ހައްލުނުކޮށް އިތުރު ދަރިވަރުން ނެގުން މަޑުޖައްސާލަން ފްލައިން ސްކޫލަށް އަންގާފައެވެ. އަދި ސިވިލް އޭވިއޭޝަން އޮތޯރިޓީގެ ބެލެނިވެރި ވުޒާރާ ކަމުގައިވާ ޓްރާންސްޕޯޓް މިނިސްޓްރީންވެސް ވަނީ މައްސަލަތައް ހައްލުނުކޮށްފިނަމަ ފިޔަވަޅު އަޅާނެކަމުގެ އިންޒާރުދީފައެވެ. އައްޑޫ ފްލައިންގް ސްކޫލްގައި މިވަގުތުވެސް 170 އަށްވުރެ ގިނަ ދަރިވަރުން ކިޔަވަމުންދެއެވެ. ނަމަވެސް އެކުދިން ތަމްރީންކުރުމުގައި މި ވަގުތު ހަރަކާތްތެރިވަނީ އެންމެ 12 އިންސްޓްރަކްޓަރުންނެވެ.
އޭގެ އިތުރުން އެ ތަނުގައި މިހާރު ކިޔަވާ ދަރިވަރުންގެ ޕައިލެޓް ތަމްރީނުތައް އަލުން ފެށުމުގެ ހަރަދު ބަލަން ފިނޭންސް މިނިސްޓްރީގައި އެދުމުން ދަރިވަރުންނަށް 320 މިލިއަން ރުފިޔާ ހަރަދުވާނެ ކަމަށް އެ މިނިސްޓްރީން ބުނެފައިވާ ކަމަށްވެސް ޓްރާންސްޕޯޓްގެ އިސް ބޭފުޅުން މިއަދު ކޮމިޓީގައި ވިދާޅުވިއެވެ.
އައްޑޫ ފްލައިންގ ސްކޫލް ހިންގާ އޭޝިއަން އެކަޑަމީ އޮފް އެއޮރޮނޯޓިކްސުން އިއްޔެ ބުނީ ފްލައިންގ ސްކޫލް ހިންގުމަށް ރާއްޖޭގެ ބައެއް ކޮލެޖަތަކާއެކު މަޝްވަރާކޮށްފައިވާކަމަށެވެ. އަދި މިހަފްތާތެރޭގައި ފްލައިންގ ސްކޫލް ހަވާލުކުރާނެ ކޮލެޖެއް ކަނޑައެޅިގެންދާނެކަމަށް އޭއޭއޭއިން ބުނެއެވެ. ނަމަވެސް އެ ފަރާތުން ވާހަކަ ދައްކަމުންދަނީ ރާއްޖޭގެ ކޮން ކޮލެޖުތަކަކާއެކު ކަމެއް ހާމަކޮށްފައެއް ނުވެއެވެ. މިއަދު ކޮމިޓީގައި މިނިސްޓަރ ވިދާޅުވީ މިވަގުތު އިޤްތިޞާދީ ޙާލަތު ހުރި ގޮތުން ދަރިވަރުންނަށް މިވަގުތު އޮތް ހަމައެކަނި އޮޕްޝަނަކީ އޭއޭއޭ ކަމަށާއި، އާ ސްކޫލެއް ގެނައުމަށް ވަގުތު ނަގާނެ ކަމަށެވެ.
އޭގެއިތުރުން ސްކޫލުގައި ކިޔަވަމުން އަންނަ ދަރިވަރުންނަށް ދިމާވެފައިވާ މައްސަލަތައް އެކަށީގެންވާ އަވަސް މިނެއްގައި ހައްލު ކުރެވެމުން ނާންނަނަމަ އެކަމަށް ޒިންމާ އުފުލަން ޖެހޭނީ މެނޭޖަރ އަލީ އަކުބަރު ޖީވަންޖީ ކަމަށާއި، އިތުރު ހެޔޮ ބަދަލެއް ނާންނަނަމަ އޭނާގެ ހުއްދަ ވެސް އަތުލާނެކަމުގެ އިންޒާރު ސިވިލް އޭވިއޭޝަނުން ވަނީ ދީފައެވެ.
އައްޑޫ ސިޓީގައި ގާއިމުކޮށްފައިވާ އޭޝިއަން އެކެޑަމީ އޮފް އެރޯނޯޓިކްސް (އޭއޭއޭ) ނުވަތަ އައްޑޫ ފްލައިން ސްކޫލުގައި ކިޔަވަމުންދާ ދަރިވަރުންނަށް ދިމާވެފައިވާ މައްސަލައަށް އަވަސް ހައްލެއް ހޯއްދަވައި ދެއްވަން ނައިބް ރައީސް ފައިސަލް ނަސީމް ވެސް ވަނީ ދާދިފަހުން ގޮވާލައްވައިފައެވެ. އަދި އައްޑޫ ފްލައިން ސްކޫލްގައި ޑޮލަރުން ފީ ނަގާ މައްސަލަ އެމްއެމްއޭއާއި ފުލުހުންނަށް ޑިސެމްބަރު މަހުގެ ކުރީކޮޅު ވަނީ ހުށަހަޅާފައެެވެ. އައްޑޫ ފްލައިންގ ސްކޫލް ކުދިން އަތުން ޑޮލަރުން ފީ ނަގާ މައްސަލަ އެމްއެމްއޭއާއި ފުލުހުންނަށް ހުށަހަޅާފައި ވަނީ ހަޔަރ އެޑިއުކޭޝަން މިނިސްޓްރީންނެވެ.
ހަޔަރ އެޑިއުކޭޝަން މިނިސްޓްރީންވަނީ ފްލައިން ސްކޫލްގައި ހުރި މައްސަލަތައް ހައްލުނުކޮށް އިތުރު ދަރިވަރުން ނެގުން މަޑުޖައްސާލަން ފްލައިން ސްކޫލަށް އަންގާފައެވެ. އަދި ސިވިލް އޭވިއޭޝަން އޮތޯރިޓީގެ ބެލެނިވެރި ވުޒާރާ ކަމުގައިވާ ޓްރާންސްޕޯޓް މިނިސްޓްރީންވެސް ވަނީ މައްސަލަތައް ހައްލުނުކޮށްފިނަމަ ފިޔަވަޅު އަޅާނެކަމުގެ އިންޒާރުދީފައެވެ. އައްޑޫ ފްލައިންގް ސްކޫލްގައި މިވަގުތުވެސް 170 އަށްވުރެ ގިނަ ދަރިވަރުން ކިޔަވަމުންދެއެވެ. ނަމަވެސް އެކުދިން ތަމްރީންކުރުމުގައި މި ވަގުތު ހަރަކާތްތެރިވަނީ އެންމެ 12 އިންސްޓްރަކްޓަރުންނެވެ.
ކިޔުންތެރިންގެ ހިޔާލު