ސައްޙަނޫން ހޮޓެލް ބުކިން ހައްދައިގެން ރާއްޖެ އެތެރެވާން އުޅުނު 248 މީހުން ހިފަހައްޓައިފި ކަމަށް ކޮންޓްރޯލަރ އޮފް އިމިގްރޭޝަން މުޙައްމަދު ޙަނަފީ ވިދާޅުވެއްޖެއެވެ.

ހަނަފީ މިއަދު ވިދާޅުވީ ސައްޙަނޫން ވަގު ހޮޓެލް ބުކިންގ ތަކެއްގައި އެ މީހުން ރާއްޖެއަށް އެތެރެވާން އުޅުނީ އިއްޔެގެ ވަގުތެއްގައި ކަމަށެވެ. އެހެންނަމަވެސް އެ މީހުން ރާއްޖެ އެތެރެވުމުގެ ކުރިން އިމިގްރޭޝަންގެ އޮފިސަރުންނަށް އެކަން ފާހަގަކުރެވިގެން އެމީހުން ހިފަހައްޓާފައިވާ ކަމަށް އޭނާ ވިދާޅުވިއެވެ.

ޙަނަފީ އިތުރަށް ވިދާޅުވީ، "ދިވެހިރާއްޖޭގެ ބޯޑަރު ހިމާޔަތް ކުރުމުގައި އިމިގްރޭޝަން ހުޝިޔާރު ކަމާއެކު ދެމި ތިބޭނެ ކަމުގެ ޔަޤީންކަން އަރުވާ" ކަމަށެވެ.

Maldives Immigration denied the entry of 248 passengers yesterday, as they held false hotel bookings & attempted to enter. Thanks to vigilant officers for identifying the fraud.
I take this opportunity to assure that we will remain firm to safeguard the borders of the Maldives.

— Mohamed (Hanafy) 🇲🇻 (@hanafymv) July 16, 2021

މަޢުލޫމާތު ލިބިފައިވާ ގޮތުގައި ވަގު ބުކިންގ ހައްދައިގެން ރާއްޖެ އެތެރެވާން މަސައްކަތް ކުރި ހުރިހާ އެންމެން ރޭގެ ވަގުތެއްގައި ވަނީ އަނބުރާ ފޮނުވާލައިފައެވެ.

މީގެތެރެއިން 165 މީހުންނަކީ އިންޑިއާގެ ރައްޔިތުން ކަމަށާއި، އެ ހުރިހާ އެންމެން ވެސް ރާއްޖެއަށް އައިސްފައިވަނީ، ފޭކް ރިޓާން ޓިކެޓު ނަގައިގެން ކަމަށްވެސް މަޢޫލޫމާތު ލިބިފައިވެއެވެ.