ޗައިނާއިން ރާއްޖެއަށް ކަނޑައެޅި އާ ސަފީރު ވާން ލިޖިން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދާއި އިއްޔެ ބައްދަލު ކުރައްވައިފި އެވެ.
ބޭސްފަރުވާއަށް މިވަގުތު އިނގިރޭސި ވިލާތުގައި ހުންނެވި ރައީސް ނަޝީދު އާއި، ޗައިނާ ސަފީރުގެ ބައްދަލުވުން ކުރިއަށް ގެންގޮސްފައިވަނީ އޮންލައިން ކޮށެވެ. އެ ބައްދަލްވުމާއި ގުޅޭ ތަފްސީލެއް އެއްވެސް ފަރާތަކުް ހާމަކޮށްފައެއް ނުވެއެވެ. ނަމަވެސް ރައްޔިތުންގެ މަޖިލީހުގެ އިދާރާއިން ވަނީ ބައްދަލްވުމުގެ ބައެއް ފޮޓޯތައް ޢާއްމުކޮށްފައެވެ.
ޗައިނާއިން ރާއްޖެއަށް ދޫކޮށްފައިވާ ލޯނުތަކުގެ މައްސަލާގައި ރައީސް ނަޝީދާއި ޗައިނާ ސަރުކާރާ ދެމެދު ބޮޑެތި ހިތްހަމަ ނުޖެހުންތަކެއް މީގެ ކުރިން ވަނީ ހިނގާފައެވެ. ނަމަވެސް ޗައިނާއިން ބުނަމުން ގެންދަނީ އެޤައުމުން ރާއްޖެއަށް އެހީތެރިވަމުން ގެންދަނީ ގާތް ރަޙުމަތްތެރިއެއްގެ ޙައިސިއްޔަތުން ކަމަށެވެ.
ރައީސް ނަޝީދު އަވަހާރަކޮށްލުމަށް މެއި ހައެއްގައި ދިން ބޮމުގެ ހަމަލާގެ ފަރުވާއަށް ރާއްޖެއިން ބޭރަށް ވަޑައިގެންނެވި ފަހުން ރައީސް ނަޝީދު އެނބުރި ޤައުމަށް ވަޑައިގެންފައެއް ނުވެއެވެ.
Hon. President Mohamed Nasheed, MP, Speaker of the People’s Majlis received a virtual call from the Ambassador of China to the Maldives, Her Excellency Ms. Wang Lixin today. pic.twitter.com/5Rk14kwcLy
— People's Majlis (@mvpeoplesmajlis) September 20, 2021
ރައީސް ނަޝީދު އަވަހާރަކޮށްލުމަށް މެއި ހައެއްގައި ދިން ބޮމުގެ ހަމަލާގެ ފަރުވާއަށް ރާއްޖެއިން ބޭރަށް ވަޑައިގެންނެވި ފަހުން ރައީސް ނަޝީދު އެނބުރި ޤައުމަށް ވަޑައިގެންފައެއް ނުވެއެވެ.
ކިޔުންތެރިންގެ ހިޔާލު