ސިވިލް ސަރވިސްގައި މަސައްކަތް ކުރާ މުވައްޒަފުންނަށް ޕާފޯމެންސް އެލަވަންސްތައް އަލުން ދޭން ފަށާނީ 2023 ވަނަ އަހަރު ކަމަށް ފިނޭންސް މިނިސްޓަރ އިބްރާހިމް އަމީރު ވިދާޅުވެއްޖެއެވެ.
މިނިސްޓަރ އަމީރު މިހެން ވިދާޅުވެފައިވަނީ ސިވިލް ސަރވެންޓުންގެ އެލަވަންސްތައް އަލުން ދޭން ފަށާނެ ތާރީހަކާއި ގުޅޭގޮތުން ވެލިދޫ ދާއިރާގެ މެމްބަރު މުހައްމަދު އަބްދުﷲ ޝަފީގު ކުރެއްވި ސުވާލަށް ޖަވާބުދެއްވަމުންނެވެ. މެމްބަރު ސުވާލު ކުރަށްވާފައިވަނީ 2020 ވަނަ އަހަރުން ފެށިގެން ސިވިލް ސަރވަންޓުންނަށް ދިނުން ހުއްޓާލާފައިވާ ޕާފޯމަންސް އެލަވަންސް އަލުން ދޭން ފެށޭނީ ކޮން ތާރީޚެއްގައި ކަމަށާއި، އެ އެލަވަންސް ދޭން ފަށާއިރު އެލަވަންސް ނުލިބި ދިޔަ ދުވަސްތައް ގުނާނެތޯ ނުވަތަ ނޫންތޯ ސާފުކުރެއްވުމަށެވެ.
އެސުވާލަށް ޖަވާބު ދެއްވައި މިނިސްޓަރ މަޖިލީހުގެ ތަޅުމައް ފޮނުއްވާފައިވާ ސިޓީގައި ވަނީ އެންމެ ފުރަތަމަ ކުޑަކުރެވޭނެ ހަރަދެއްގެ ގޮތުގައި ބަލާފައިވާނީ ކޮމިޓްނުވާ ނުވަތަ ޑިސްކްރެޝަނަރީ ޚަރަދުތައް ކަމަށާއި، އެއަށްފަހު މުވައްޒަފުންނަށް ކުރާ ޚަރަދުވެސް ހިމެނޭހެން ގިނަ ދާއިރާތަކަކުން ޚަރަދު ކުޑަކުރުމުގެ ފިޔަވަޅުތައް ވާނީ އަޅާފައިކަމަށެވެ.
ކޮވިޑް-19 ގެ ކުރިން ހުރި މިންވަރަށް ދައުލަތުގެ އާމްދަނީ އިއާދަވާނެކަމަށް އަންދާޒާކުރެވެނީ 2023 ވަނަ އަހަރުކަމަށްވާތީ، އެހާ ހަމައަށް މިހާރު އަޅާފައިވާ ގިނަ ފިޔަވަޅުތައް ދަމަހައްޓަން ސަރުކާރުން ނިންމަވާފައިވާ ކަމަށް މި ސިޓީގައި މިނިސްޓަރ ވިދާޅުވެފައިވެއެވެ. އަދި މިގޮތަށް ނިންމެވީ މި ފިޔަވަޅުތައް ދަމަހައްޓައިގެން ނޫނީ ދައުލަތުގެ ކޭޝްފްލޯ އާއި ދަރަނިތައް ދެމެހެއްޓެނިވި މިންގަނޑެއްގައި ހިފެހެއްޓުމަށް ދަތިވާނެތީ ކަމަށްވެސް މިނިސްޓަރ ވަނީ ފާހަގަކުރައްވާފައެވެ.
މިނިސްޓަރ އަމީރު ވިދާޅުވީ ޕާފޯމަންސް އެލަވަންސް ދޭން ފަށަން އެންމެ އެކަށީގެންވަނީ ދައުލަތުގެ އާމްދަނީއަށް އައި ހީނަރުކަން ފިލައިގޮސް، ފިސްކަލް ޑެފިސިޓް ދެމެހެއްޓެނިވި މިންގަނޑަކަށް ރުޖޫއަވުމުންކަމަށާއި، މިކަން ތަންފީޒުކުރާނެ ގޮތް އެކުލަވާލަން ކުރަންޖެހޭ މަސައްކަތްތައް ނޭޝަނަލް ޕޭ ކޮމިޝަނުން ކުރަމުންދާ ކަމަށް ވެސް މިނިސްޓަރ ވިދާޅުވިއެވެ.
އަދި ކޮވިޑް-19 އާއި ގުޅިގެން ގެއްލިގެން ދިޔަ އާމްދަނީއަކީ މުސްތަގުބަލުގައި ވެސް ދައުލަތަށް އަނބުރާ ލިބޭނެ އާމްދަނީއެއް ނޫންކަމަށްވާތީ، އެލަވަންސް އަލުން ދޭން ފަށާއިރު، އެ އެލަވަންސް ނުލިބި ދިޔަ ދުވަސްތައް ހިމަނަން ފެނިވަޑައިނުގަންނަވާ ކަމަށް ވެސް މިނިސްޓަރ ވަނީ ވިދާޅުވެފައެވެ.
ސިވިލް ސާވަންޓުންގެ މުސާރައާއި އެލަވަންސްތައް ބޮޑުކުރުމަށާއި މުސާރައިގެ ކުރިއެރުން ދިނުމުގައި ގެންގުޅޭ އުސޫލުތައް އިސްލާހުކުރުމަށް ގޮވާލައި ސިވިލް ސާވިސްގެ މަދު ބަޔަކު ދާދިފަހުން ވަނީ ސަރުކާރާ ދެކޮޅަށް އިހުތިޖާޖުކޮށްފައެވެ.
އެސުވާލަށް ޖަވާބު ދެއްވައި މިނިސްޓަރ މަޖިލީހުގެ ތަޅުމައް ފޮނުއްވާފައިވާ ސިޓީގައި ވަނީ އެންމެ ފުރަތަމަ ކުޑަކުރެވޭނެ ހަރަދެއްގެ ގޮތުގައި ބަލާފައިވާނީ ކޮމިޓްނުވާ ނުވަތަ ޑިސްކްރެޝަނަރީ ޚަރަދުތައް ކަމަށާއި، އެއަށްފަހު މުވައްޒަފުންނަށް ކުރާ ޚަރަދުވެސް ހިމެނޭހެން ގިނަ ދާއިރާތަކަކުން ޚަރަދު ކުޑަކުރުމުގެ ފިޔަވަޅުތައް ވާނީ އަޅާފައިކަމަށެވެ.
ކޮވިޑް-19 ގެ ކުރިން ހުރި މިންވަރަށް ދައުލަތުގެ އާމްދަނީ އިއާދަވާނެކަމަށް އަންދާޒާކުރެވެނީ 2023 ވަނަ އަހަރުކަމަށްވާތީ، އެހާ ހަމައަށް މިހާރު އަޅާފައިވާ ގިނަ ފިޔަވަޅުތައް ދަމަހައްޓަން ސަރުކާރުން ނިންމަވާފައިވާ ކަމަށް މި ސިޓީގައި މިނިސްޓަރ ވިދާޅުވެފައިވެއެވެ. އަދި މިގޮތަށް ނިންމެވީ މި ފިޔަވަޅުތައް ދަމަހައްޓައިގެން ނޫނީ ދައުލަތުގެ ކޭޝްފްލޯ އާއި ދަރަނިތައް ދެމެހެއްޓެނިވި މިންގަނޑެއްގައި ހިފެހެއްޓުމަށް ދަތިވާނެތީ ކަމަށްވެސް މިނިސްޓަރ ވަނީ ފާހަގަކުރައްވާފައެވެ.
މިނިސްޓަރ އަމީރު ވިދާޅުވީ ޕާފޯމަންސް އެލަވަންސް ދޭން ފަށަން އެންމެ އެކަށީގެންވަނީ ދައުލަތުގެ އާމްދަނީއަށް އައި ހީނަރުކަން ފިލައިގޮސް، ފިސްކަލް ޑެފިސިޓް ދެމެހެއްޓެނިވި މިންގަނޑަކަށް ރުޖޫއަވުމުންކަމަށާއި، މިކަން ތަންފީޒުކުރާނެ ގޮތް އެކުލަވާލަން ކުރަންޖެހޭ މަސައްކަތްތައް ނޭޝަނަލް ޕޭ ކޮމިޝަނުން ކުރަމުންދާ ކަމަށް ވެސް މިނިސްޓަރ ވިދާޅުވިއެވެ.
ސިވިލް ސާވަންޓުންގެ މުސާރައާއި އެލަވަންސްތައް ބޮޑުކުރުމަށާއި މުސާރައިގެ ކުރިއެރުން ދިނުމުގައި ގެންގުޅޭ އުސޫލުތައް އިސްލާހުކުރުމަށް ގޮވާލައި ސިވިލް ސާވިސްގެ މަދު ބަޔަކު ދާދިފަހުން ވަނީ ސަރުކާރާ ދެކޮޅަށް އިހުތިޖާޖުކޮށްފައެވެ.
ކިޔުންތެރިންގެ ހިޔާލު