31 ބިލެއްގެ މަސައްކަތް މަޖިލީހުގެ ކޮމެޓީތަކުގައި ނުނިމި އޮތުމުން އެކަމަށް ވަގުތު ދެއްވުމަށް ކަމަށް ވިދާޅުވެ މިއަދުގެ ރައްޔިތުންގެ މަޖިލީހުގެ ޖަލްސާ ނިންމަވާލައްވައިފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާ ނިންމަވާ ލައްވަމުން މަޖިލީހުގެ ނާއިބު ރައީސް އީވާ ޢަބްދުﷲ ވިދާޅުވީ، ކޮމެޓީ ތަކުގައި ޖުމުލަ 31 ބިލެއްގެ މަސައްކަތް ކުރަން އެބަހުރި ކަމަށާއި، އޭގެ ތެރޭގައި ވަރަށް މުހިއްމު ބިލްތައްވެސް ހިމެނޭ ކަމަށެވެ. އެހެންކަމުން ބިލްތަކުގެ މަސައްކަތް ކުރުމަށްޓަކައި ރައްޔިތުންގެ މަޖިލީހުގެ މިއަދުގެ ޖަލްސާ ނިންމަވާ ލެއްވީ ކަމަށް އީވާ ވިދާޅުވިއެވެ.

ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲ ވިދާޅުވީ، މިއަދަކީ މެމްބަރުން ކޮމެޓީ މަސައްކަތުގައި ހޭދަ ކުރައްވާ ދުހަކަށް ހެއްދެވުމަށް އެދިވަޑައިގަންނަވާ ކަމަށާއި، ކޮމިޓީތަކުގައި ކުރަންހުރި މުހިންމު މަސައްކަތްތައް އަވަހަށް ނިންމަވާދެއްވުމަށް އެދިވަޑަައިގަންނަވާވާ ކަމަށެވެ.

މިއަދުގެ ޖަލްސާގައި ކުރިއަށްގެންގޮސްފައިވަނީ، ސަރުކާރުގެ ފަރާތުން ކުރެންދޫ ދާއިރާގެ މެމްބަރު އަބްދުލް ގަނީ އަބްދުލް ހަކީމް ހުށަހެޅުއްވި، އަމިއްލަ ފަރުދުންގެ ވިޔަފާރީގެ ގާނޫނަށް އިސްލާހު ގެނައުމުގެ ބިލަށް ބަހުސް ކުރުމެވެ.

ދެންް ރައްޔިތުންގެ މަޖިލީހުގެ ޖަލްސާއެއް އޮންނާނީ މިމަހުގެ 11 ވަނަ ދުވަހުއެވެ.