ސާފް ޗެމްޕިއަންޝިޕް ފުޓުބޯޅަ މުބާރާތުގައި މާދަމާ ހަވީރު ރާއްޖެއާއި ސްރީލަންކާ ވާދަކުރާ މެޗްގެ ޓިކެޓްތައް، ޓިކެޓް ވިއްކަން ފެށިތާ މަދު މިނެޓްކޮޅެއްގެ ތެރޭގައި ވިކި ހުސްވެ، ޢާއްމުން އިޙްތިޖާޖު ކުރަން ފެށުމުން އެއީ ފުޓުބޯޅަ ފޯރި ކަމަށް މަޤާމުން ސަސްޕެންޑް ކޮށްފައިވާ ޔޫތު މިނިސްޓަރ އަޙްމަދު މަޙްލޫފް ވިދާޅުވެއްޖެއެވެ.
5000 ޓިކެޓް ކުޑަ ހިނދުކޮޅެއްގެ ތެރޭގައި ހުސްވެއްޖެ ކަމަށްބުނެ ޓިކެޓް ކައުންޓަރ ބަންދުކޮށްފައިވާތީ، އާއްމުން ދަނީ އެ ސަރަހައްދުގައި އެފްއޭއެމްގެ ރައީސް ބައްސާމް ޢަދީލް ޖަލީލްގެ އިސްތިއުފާއަށް ގޮވަމުންނެވެ. އަދި ވިއްކަން ކަނޑައަޅާފައިވާ ޢަދަދަށް ޓިކެޓް ވިއްކާފައި ނުވާކަމަށާއި، އެފްއޭއެމުން ބްލެކް މާކެޓްގައި ބޮޑުއަގުގައި ޓިކެޓް ވިއްކާކަމުގެ ތުހުމަތު އެ ސަރަޙައްދުގައި ތިބި ޢާއްމުން ދަނީ ކުރަމުންނެވެ.
އެކަމާ ގުޅިގެން އެމްއެމްޕީއާރުސީ ޚިޔާނާތުގެ ތުހުމަތުގައި މަޤާމުން ސަސްޕެންޑް ކޮށްފައިވާ ކުޅިވަރާބެހޭ ވަޒީރު އަޙްމަދު މަޙްލޫފް ވިދާޅުވީ، މިއަދު ރައްޔިތުންގެ ފަރާތުން ފެނިގެން ދަނީ ފުޓުބޯޅަ ފޯރި ކަމަށެވެ. އެގޮތުން ރާއްޖޭގައި އެންމެ ގިނަބަޔަކު ސަޕޯޓުކުރާ އަދި ކުޅޭ ކުޅިވަރަކީ ފުޓުބޯޅަ ކަމަށާއި، ފުޓުބޯޅައަށް ކުރާ ހަރަދު ނިސްބަތުން ބޮޑުވަނީ އެސަބަބާހެދި ކަމަށް މަޙްލޫފް ވިދާޅުވިއެވެ.
"ނަމަވެސް މިސަރުކާރުން އެހެން ކުޅިވަރުތައްވެސް ނިސްބަތުން ތަފާތުނުުކޮށް، ހަރަދުކޮށް އަދި އެހީތެރިވާކަން އެސޯސިއޭޝަންތަކާއި އަދި އެތުލީޓުން ހެކިވާނެ." ކަމަށް މަޙްލޫފް ވިދާޅުވިއެވެ.
މާދަމާ ރާއްޖެއާއި ލަންކާ ވާދަކުރާ މެޗުގެ ޓިކެޓް ގަތުމަށް ރޭ ފަތިހުން ފެށިގެން ޢާއްމުން ގަލޮޅު ދަނޑު ކައިރީގައި ކިޔޫ ހަދާފައިވީ ނަމަވެސް ޓިކެޓް ވިއްކަން ފަށާފައިވަނީ، ހެނދުނު 10 ޖެހިއިރުއެވެ. ނަމަވެސް ޓިކެޓް ވިއްކަންފެށިތާ ގަޑިއިރެއްގެ ތެރޭގައި ޓިކެޓް ހުސްވެފައިވާ ކަމަށްބުނެ ޓިކެޓް ކައުންޓަރތައް ވަނީ ބަންދު ކޮށްފައެވެ. މާދަމާ މެޗުގެ ޓިކެޓްތައް މިހާރު ހުސްވެފައިވާއިރު އެ ސަރަހައްދުގައި މިހާރު ވެސް ބައެއް މީހުން އަންނަނީ ބްލެކްމާކެޓްގައި ޓިކެޓް ވިއްކަމުންނެވެ.
އެކަމާގުޅިގެން ޢާއްމުން އެސަރަޙައްދުގައި ހިތްހަމަނުޖެހުން ފާޅުކުރަމުން ދާއިރު، މީހަކަށް 5 ޓިކެޓްގެ ރޭޓުން 5000 ޓިކެޓް ވިއްކި ނަމަވެސް 1000 މީހުންނަށް ޓިކެޓް ވިއްކަން ޖެހޭނެއެވެ. މުބާރާތުގެ މެޗްތައް ކުޅެމުންދާ ގަލޮޅު ދަނޑުގެ ކެޕޭސިޓީ އަކީ 5000 ކަމަށް އެފްއޭއެމުން ވަނީ ބުނެފައެވެ.
އެފްއޭއެމުން އިއްޔެ ބުނެފައިވަނީ، ޓިކެޓް ވިއްކާނީ މިއަދު ހެނދުނު 10 އިން ރޭގަނޑު 11 އަށް ކަމަށެވެ. މުބާރާތުގެ މެޗުތަކަށް ޓިކެޓް ވިއްކަނީ ގޮނޑިބަރިން 100 ރުފިޔާ އަށް އަދި ސިޑިބަރިން 75 ރުފިޔާއަށެވެ. އަދި ކޮންމެ މީހަކަށް ގިނަވަގެން ވިއްކަނީ ފަސް ޓިކެޓެވެ. ޓިކެޓް ގަންނަން ދާއިރު އެ ފަސް މީހުންގެ ވެކްސިން ކާޑާއި އައިޑީ ކާޑު ގެންދަން ޖެހޭނެކަމަށް އެފްއޭއެމުން ވަނީ ބުނެފަ އެވެ.
އެކަމާ ގުޅިގެން އެމްއެމްޕީއާރުސީ ޚިޔާނާތުގެ ތުހުމަތުގައި މަޤާމުން ސަސްޕެންޑް ކޮށްފައިވާ ކުޅިވަރާބެހޭ ވަޒީރު އަޙްމަދު މަޙްލޫފް ވިދާޅުވީ، މިއަދު ރައްޔިތުންގެ ފަރާތުން ފެނިގެން ދަނީ ފުޓުބޯޅަ ފޯރި ކަމަށެވެ. އެގޮތުން ރާއްޖޭގައި އެންމެ ގިނަބަޔަކު ސަޕޯޓުކުރާ އަދި ކުޅޭ ކުޅިވަރަކީ ފުޓުބޯޅަ ކަމަށާއި، ފުޓުބޯޅައަށް ކުރާ ހަރަދު ނިސްބަތުން ބޮޑުވަނީ އެސަބަބާހެދި ކަމަށް މަޙްލޫފް ވިދާޅުވިއެވެ.
"ނަމަވެސް މިސަރުކާރުން އެހެން ކުޅިވަރުތައްވެސް ނިސްބަތުން ތަފާތުނުުކޮށް، ހަރަދުކޮށް އަދި އެހީތެރިވާކަން އެސޯސިއޭޝަންތަކާއި އަދި އެތުލީޓުން ހެކިވާނެ." ކަމަށް މަޙްލޫފް ވިދާޅުވިއެވެ.
މާދަމާ ރާއްޖެއާއި ލަންކާ ވާދަކުރާ މެޗުގެ ޓިކެޓް ގަތުމަށް ރޭ ފަތިހުން ފެށިގެން ޢާއްމުން ގަލޮޅު ދަނޑު ކައިރީގައި ކިޔޫ ހަދާފައިވީ ނަމަވެސް ޓިކެޓް ވިއްކަން ފަށާފައިވަނީ، ހެނދުނު 10 ޖެހިއިރުއެވެ. ނަމަވެސް ޓިކެޓް ވިއްކަންފެށިތާ ގަޑިއިރެއްގެ ތެރޭގައި ޓިކެޓް ހުސްވެފައިވާ ކަމަށްބުނެ ޓިކެޓް ކައުންޓަރތައް ވަނީ ބަންދު ކޮށްފައެވެ. މާދަމާ މެޗުގެ ޓިކެޓްތައް މިހާރު ހުސްވެފައިވާއިރު އެ ސަރަހައްދުގައި މިހާރު ވެސް ބައެއް މީހުން އަންނަނީ ބްލެކްމާކެޓްގައި ޓިކެޓް ވިއްކަމުންނެވެ.
އެފްއޭއެމުން އިއްޔެ ބުނެފައިވަނީ، ޓިކެޓް ވިއްކާނީ މިއަދު ހެނދުނު 10 އިން ރޭގަނޑު 11 އަށް ކަމަށެވެ. މުބާރާތުގެ މެޗުތަކަށް ޓިކެޓް ވިއްކަނީ ގޮނޑިބަރިން 100 ރުފިޔާ އަށް އަދި ސިޑިބަރިން 75 ރުފިޔާއަށެވެ. އަދި ކޮންމެ މީހަކަށް ގިނަވަގެން ވިއްކަނީ ފަސް ޓިކެޓެވެ. ޓިކެޓް ގަންނަން ދާއިރު އެ ފަސް މީހުންގެ ވެކްސިން ކާޑާއި އައިޑީ ކާޑު ގެންދަން ޖެހޭނެކަމަށް އެފްއޭއެމުން ވަނީ ބުނެފަ އެވެ.
ކިޔުންތެރިންގެ ހިޔާލު