ޓެކްނޮލޮޖީގެ ވަސީލަތްތަކަށް އަންހެންކުދިން އަހުލުވެރިކުރުމަށް ޖެންޑަރ މިނިސްޓްރީން ގޮވާލައިފިއެވެ.
2021 ވަނަ އަހަރުގެ ބައިނަލްއަޤްވާމީ އަންހެން ކުދިންގެ ދުވަހުގެ ތަހުނިޔާ ދިވެހިރާއްޖޭގެ ހުރިހާ ކުޑަކުދިންނާއި އާއިލާތަކަށް އަރިސްކޮށް އެ މިނިސްޓްރީން ނެރެފައިވާ ބަޔާނެއްގައި ބުނެފައިވަނީ، މި ދުވަސް ފާހަގަކުރުމުގެ ބޭނުމަކީ ދުނިޔޭގެ އެކި ކަންކޮޅުތަކުގައި ދިރިއުޅެމުންދާ އަންހެން ކުދިންނަށް ދިމާވާ ގޮންޖެހުންތަކަށް މުޅި މުޖުތަމަޢު ހޭލުންތެރިކުރުވައި އެ ގޮންޖެހުންތަކުން އަރައިގަތުމަށް މަސައްކަތްކުރުން ކަމަށެވެ.
މިނިސްޓްރީން ބުނީ މިއަދު ދިރިއުޅުމުގެ ގިނަކަންކަން ކުރިއަށް މިދަނީ އިންޓަނެޓާއި ކޮމްޕިއުޓަރ ޓެކްނޮލިޖީގެ ޛަރީއާއިން ކަމަށާއި ކޮވިޑް-19 ގެ އާލަމީ ވަބާ އާއިގުޅިގެން، ޓެކްނޮލޮޖީއަށް ބަރޯސާވެފައިވާ މިންވަރު ހާމަވެގެންދިޔަ ކަމަށެވެ. މިގޮތުން ކުދިންގެ ކިޔެވުމާއި ވަޒީފާގެ ގިނަކަންކަން ޓެކްނޮލޮޖީގެ ޛަރީއާއިން ކުރަންޖެހުނު ކަމަށާއި، އަދި މިޙާލަތާއި ގުޅިގެން ލިބުނު ފައިދާގެ އިތުރުން، ބޮޑެތި ގޮންޖެހުންތަކާ ވެސް ކުރިމަތިލާންޖެހުނު ކަމަށެވެ.
"ޙާއްސަގޮތެއްގައި އަންހެން ކުދިންނަށެވެ. އެހެންކަމުން، އދ. ގެ ކުޑަކުދިންގެ ޙައްޤުތަކަށް މަސައްކަތްކުރާ އިދާރާ (ޔުނިސެފް) އިން މިއަހަރުގެ ބައިނަލްއަޤްވާމީ އަންހެންކުދިންގެ ދުވަހުގެ ޝިއާރެއްގެ ގޮތުގައި ކަނޑައަޅާފައިވަނީ 'އަހަރެމެންގެ ޖީލް. ސުމޭކު ޖީލް.' އެވެ." މިނިސްޓްރީގެ ބަޔާނުގައި ވެއެވެ.
ޓެކްނޮލޮޖީއަށް ބަރޯސާވެ މަސައްކަތްކުރަމުންދާ ދުނިޔެއެއްގައި، ކުޑަކުދިންނަށް ދިމާވާ ގޮންޖެހުންތަކަށް ރިޢާޔަތްކޮށް އެކަމާއި މެދު ފިޔަވަޅު އެޅުމުގެ މުހިންމުކަން، ކުދިންނާއި މުޖުތަމައުގެ ސަމާލުކަމަށް ގެންނަން މިއަދު މިވަނީ ޖެހިފައި ކަން މިނިސްޓްރީން ފާހަގަކޮށްފައިވެއެވެ. އަދި އަންހެންކުދިންނަށް ހަމަހަމަ ފުރުޞަތު ހޯދައިދިނުމާއި، ފައިދާހުރި ގޮތެއްގައި ޓެކްނޮލޮޖީގެ ބޭނުންކުރުމުގެ ހޭލުންތެރިކަން އިތުރުކުރުމާއި، ޓެކްނޮލޮޖީގެ ބޭނުންކޮށް އަމިއްލަ ރައްކާތެރިކަން ހޯދާނެގޮތާއި، އެކިއެކި އަނިޔާތަކާއި، ގްރޫމްކުރާ ފަރާތްތަކުން ސަލާމަތްވާނެގޮތުގެ ހޭލުންތެރިކަން އިތުރުކުރަންޖެހޭ ކަމަށް މިނިސްޓްރީން ވަނީ ބުނެފައެވެ.
"އަޅުގަޑުމެންގެ އަމާޒަކީ، އިންޓަނެޓާއި ކޮމްޕިއުޓަރ ޓެކްނޮލޮޖީގެ ވަސީލަތްތަކަށް އަންހެންކުދިން އަހުލުވެރިކޮށް، ޓެކްނޮލޮޖީގެ ތަފާތު ރޮނގުތަކުން ފާހަގަކުރެވޭފަދަ ކުރިއެރުންތަކާއި ކާމިޔާބީއަށް ވާސިލުވުމުގެ ބާރުވެރިކަން އެކުދިންނަށް ލިއްބައިދިނުމެވެ." މިނިސްޓްރީގެ ބަޔާނުގައި ވެއެވެ.
ހަމައެއާއެކު, އިންޓަރނެޓްގެ ޛަރީއާއިން ކުޑަކުދިންނަށް، ޚާއްޞަކޮށް އަންހެން ކުދިންނަށް ކުރާ އަނިޔާތަކުން ސަލާމަތްކޮށް ރައްކާތެރި ކުރުމާއި، އެކުދިންނަކީވެސް މިއަދުގެ ދުނިޔޭގައި ހަމަހަމަކަމާއި އެކު ދިރިއުޅުމުގެ ޤާބިލުކަން ހުރި ކުދިންނަށް ހެދުމަށްޓަކައި އިތުރަށް މަސައްކަތް ކުރަން ޖެހޭކަން މިނިސްޓްރީން ވަނީ ފާހަގަކޮށްފައެވެ.
މިނިސްޓްރީން ބުނީ މިއަދު ދިރިއުޅުމުގެ ގިނަކަންކަން ކުރިއަށް މިދަނީ އިންޓަނެޓާއި ކޮމްޕިއުޓަރ ޓެކްނޮލިޖީގެ ޛަރީއާއިން ކަމަށާއި ކޮވިޑް-19 ގެ އާލަމީ ވަބާ އާއިގުޅިގެން، ޓެކްނޮލޮޖީއަށް ބަރޯސާވެފައިވާ މިންވަރު ހާމަވެގެންދިޔަ ކަމަށެވެ. މިގޮތުން ކުދިންގެ ކިޔެވުމާއި ވަޒީފާގެ ގިނަކަންކަން ޓެކްނޮލޮޖީގެ ޛަރީއާއިން ކުރަންޖެހުނު ކަމަށާއި، އަދި މިޙާލަތާއި ގުޅިގެން ލިބުނު ފައިދާގެ އިތުރުން، ބޮޑެތި ގޮންޖެހުންތަކާ ވެސް ކުރިމަތިލާންޖެހުނު ކަމަށެވެ.
"ޙާއްސަގޮތެއްގައި އަންހެން ކުދިންނަށެވެ. އެހެންކަމުން، އދ. ގެ ކުޑަކުދިންގެ ޙައްޤުތަކަށް މަސައްކަތްކުރާ އިދާރާ (ޔުނިސެފް) އިން މިއަހަރުގެ ބައިނަލްއަޤްވާމީ އަންހެންކުދިންގެ ދުވަހުގެ ޝިއާރެއްގެ ގޮތުގައި ކަނޑައަޅާފައިވަނީ 'އަހަރެމެންގެ ޖީލް. ސުމޭކު ޖީލް.' އެވެ." މިނިސްޓްރީގެ ބަޔާނުގައި ވެއެވެ.
ޓެކްނޮލޮޖީއަށް ބަރޯސާވެ މަސައްކަތްކުރަމުންދާ ދުނިޔެއެއްގައި، ކުޑަކުދިންނަށް ދިމާވާ ގޮންޖެހުންތަކަށް ރިޢާޔަތްކޮށް އެކަމާއި މެދު ފިޔަވަޅު އެޅުމުގެ މުހިންމުކަން، ކުދިންނާއި މުޖުތަމައުގެ ސަމާލުކަމަށް ގެންނަން މިއަދު މިވަނީ ޖެހިފައި ކަން މިނިސްޓްރީން ފާހަގަކޮށްފައިވެއެވެ. އަދި އަންހެންކުދިންނަށް ހަމަހަމަ ފުރުޞަތު ހޯދައިދިނުމާއި، ފައިދާހުރި ގޮތެއްގައި ޓެކްނޮލޮޖީގެ ބޭނުންކުރުމުގެ ހޭލުންތެރިކަން އިތުރުކުރުމާއި، ޓެކްނޮލޮޖީގެ ބޭނުންކޮށް އަމިއްލަ ރައްކާތެރިކަން ހޯދާނެގޮތާއި، އެކިއެކި އަނިޔާތަކާއި، ގްރޫމްކުރާ ފަރާތްތަކުން ސަލާމަތްވާނެގޮތުގެ ހޭލުންތެރިކަން އިތުރުކުރަންޖެހޭ ކަމަށް މިނިސްޓްރީން ވަނީ ބުނެފައެވެ.
ހަމައެއާއެކު, އިންޓަރނެޓްގެ ޛަރީއާއިން ކުޑަކުދިންނަށް، ޚާއްޞަކޮށް އަންހެން ކުދިންނަށް ކުރާ އަނިޔާތަކުން ސަލާމަތްކޮށް ރައްކާތެރި ކުރުމާއި، އެކުދިންނަކީވެސް މިއަދުގެ ދުނިޔޭގައި ހަމަހަމަކަމާއި އެކު ދިރިއުޅުމުގެ ޤާބިލުކަން ހުރި ކުދިންނަށް ހެދުމަށްޓަކައި އިތުރަށް މަސައްކަތް ކުރަން ޖެހޭކަން މިނިސްޓްރީން ވަނީ ފާހަގަކޮށްފައެވެ.
ކިޔުންތެރިންގެ ހިޔާލު