ނޫސްވެރިންނަށް ލިބިފައިވާ މައުލޫމާތުގެ މަސްދަރު ވަކި ހާލަތްތަކެއްގައި ހާމަކުރުން މަޖުބޫރުވާ ގޮތަށް އެކުލަވާލާފައިވާ ހެއްކާބެހޭ ބިލަށް އާންމުންގެ ހިޔާލު ހޯދަން ހުޅުވާލައިފިއެވެ.
މިކަމާ ގުޅިގެން ރައްޔިތުންގެ މަޖިލީހުގެ އިދާރާއިން ނެރެފައިވާ އިއުލާނުގައި ބުނެފައިވަނީ މިއަދުން ފެށިގެން މި ބިލަށް ހިޔާލު ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ. އަދި މި ބިލަށް އަންނަ ނޮވެމްބަރު މަހުގެ 30 ވަނަ ދުވަހުގެ ކުރިން ހިޔާލު ހުށަހަޅަންވާނެ ކަމަށްވެސް އެ އިދާރާއިން އާންމުކުރި އިއުލާނުގައި ބުނެފައި ވެއެވެ.
ސަރުކާރުގެ ފަރާތުން މި ބިލު ހުށަހެޅުއްވީ ތިނަދޫ އުތުރު ދާއިރާގެ މެމްބަރު އަބްދުލް މުޣުނީއެވެ. އަދި މިހާރު މި ބިލުގެ ބަހުސް ނިމި، ޖުޑީޝަރީ ކޮމިޓީން ދަނީ ބިލު ދިރާސާކުރަމުންނެވެ.
އެގޮތުން ގާނޫނު އަސާސީގައި ބަޔާންކޮށްފައިވާ ގޮތުން، ނޫސްވެރިކަމަކީ ކޮންމެ މީހަކަށް ވެސް ކުރެވިދާނެ ކަމެއް ކަމަށާއި، އެހެންކަމުން ޝާއިއުކުރާ ނުވަތަ ފާޅުކުރާ މައުލޫމާތެއްގެ މަސްދަރު ހާމަކުރުމަށް އެއްވެސް މީހަކަށް މަޖުބޫރުކޮށްގެން ނުވާނެކަމަށްވެސް ޤާނޫނު އަސާސީގައި ވަނީ ބަޔާންކޮށްފައެވެ.
ނަމަވެސް މިހާރު އެކުލަވާލާފައިވާ ހެއްކާބެހޭ ގާނޫނަށް އިތުރުކުރި މާއްދާގައި ވަނީ މަސްދަރު ހާމަކުރުން މަޖުބޫރުކުރެވިދާނެ ހާލަތްތައް ބަޔާންކޮށްފައެވެ. އެގޮތުން ބިލުގެ މި މާއްދާގައި ވާގޮތުންނަމަ ނޫސްވެރިޔާއަށް މައުލޫމާތު ދިން މީހާއަކީ ކާކުކަން ހާމަކުރުމުގައި އޮތް މަސްލަހަތު ދެ ކަމަކަށް ވުރެ ބޮޑުނަމަ އެ މަސްދަރު ހާމަކުރުމަށް މަޖުބޫރު ވާނެކަމަށް އެ މާއްދާގައި ބުނެފައި ވެއެވެ.
މިގޮތަށް މި މާއްދާ އެކުލެވުފައިވާތީ ނޫސްވެރިންގެ ހައްގުގައި ވަކާލާތުކުރާ ޖަމިއްޔާ ތަކުންނާއި ރައްޔިތުންގެ މަޖިލީހުގެ ބައެއް މެމްބަރުންވެސް ވަނީ މިކަމާ މެދު ކަންބޮޑުވުން ފާޅުކުރަށްވައި މި ބިލުގައި ހިމަނާފައިވާ އެ މާއްދާއާ ދެކޮޅަށް މަޖިލީހުގެ ތަޅުމުގައި ވާހަކަދައްކަވާފައެވެ. މީޑިއާއާއި ނޫސްވެރިންނާ ގުޅުންހުރި ރާއްޖެއާއި ބައިނަލްއަޤްވާމީ ޖަމިއްޔާ ޖަމާއަތްތަކުން މިބިލާމެދު ކަންބޮޑުވުން ފާޅުކޮށްފައިވާއިރު މަސްދަރު ހާމަކުރާ މާއްދާގެ ސަބަބުން ދިވެހި ނޫސްވެރިކަން އެތައް ދަރަޖައެއް ފަހަތަށް ސޮއްސާލާނެ ކަމުގެ ބިރު އޮތްކަމުގެ ކަންބޮޑުވުން އެ ފަރާތްތަކުން ވަނީ ފާހަގަކޮށްފައެވެ.
މިކަމާ ގުޅިގެން އޭޖީ އޮފީހުން ބުނީ ހެއްކާބެހޭ ބިލުގައި ހިމަނާފައިވާ ކަންކަމުގެ ސަބަބުން ނޫސްވެރިންނާއި އާންމުންގެ މެދުގައި އުފެދިފައިވާ ކަންބޮޑުވުންތަކަށް ޙައްލެއް ހޯދުމަށްޓަކައި، އެ ބިލު މުރާޖަޢާކޮށް، ގެންނަންޖެހޭ އިސްލާހުތައް ގެނައުމުގެ މަސައްކަތް ކުރިއަށްގެންދާނެ ކަމަށެވެ.
ރައްޔިތުންގެ މަޖިލީހުގެ ޖުޑީޝިއަރީ ކޮމިޓީން ދިރާސާކުރަމުންދާ "ހެއްކާބެހޭ ބިލު" އަށް ޢާންމުންގެ ޚިޔާލު ހޯދުމަށް ފުރުޞަތު ހުޅުވާލުން
— People's Majlis (@mvpeoplesmajlis) October 17, 2021
ބިލު ބައްލަވާލެއްވުމަށް:https://t.co/5oQPFNgPyc pic.twitter.com/w4a50m67lV
ސަރުކާރުގެ ފަރާތުން މި ބިލު ހުށަހެޅުއްވީ ތިނަދޫ އުތުރު ދާއިރާގެ މެމްބަރު އަބްދުލް މުޣުނީއެވެ. އަދި މިހާރު މި ބިލުގެ ބަހުސް ނިމި، ޖުޑީޝަރީ ކޮމިޓީން ދަނީ ބިލު ދިރާސާކުރަމުންނެވެ.
އެގޮތުން ގާނޫނު އަސާސީގައި ބަޔާންކޮށްފައިވާ ގޮތުން، ނޫސްވެރިކަމަކީ ކޮންމެ މީހަކަށް ވެސް ކުރެވިދާނެ ކަމެއް ކަމަށާއި، އެހެންކަމުން ޝާއިއުކުރާ ނުވަތަ ފާޅުކުރާ މައުލޫމާތެއްގެ މަސްދަރު ހާމަކުރުމަށް އެއްވެސް މީހަކަށް މަޖުބޫރުކޮށްގެން ނުވާނެކަމަށްވެސް ޤާނޫނު އަސާސީގައި ވަނީ ބަޔާންކޮށްފައެވެ.
ނަމަވެސް މިހާރު އެކުލަވާލާފައިވާ ހެއްކާބެހޭ ގާނޫނަށް އިތުރުކުރި މާއްދާގައި ވަނީ މަސްދަރު ހާމަކުރުން މަޖުބޫރުކުރެވިދާނެ ހާލަތްތައް ބަޔާންކޮށްފައެވެ. އެގޮތުން ބިލުގެ މި މާއްދާގައި ވާގޮތުންނަމަ ނޫސްވެރިޔާއަށް މައުލޫމާތު ދިން މީހާއަކީ ކާކުކަން ހާމަކުރުމުގައި އޮތް މަސްލަހަތު ދެ ކަމަކަށް ވުރެ ބޮޑުނަމަ އެ މަސްދަރު ހާމަކުރުމަށް މަޖުބޫރު ވާނެކަމަށް އެ މާއްދާގައި ބުނެފައި ވެއެވެ.
މިކަމާ ގުޅިގެން އޭޖީ އޮފީހުން ބުނީ ހެއްކާބެހޭ ބިލުގައި ހިމަނާފައިވާ ކަންކަމުގެ ސަބަބުން ނޫސްވެރިންނާއި އާންމުންގެ މެދުގައި އުފެދިފައިވާ ކަންބޮޑުވުންތަކަށް ޙައްލެއް ހޯދުމަށްޓަކައި، އެ ބިލު މުރާޖަޢާކޮށް، ގެންނަންޖެހޭ އިސްލާހުތައް ގެނައުމުގެ މަސައްކަތް ކުރިއަށްގެންދާނެ ކަމަށެވެ.
ކިޔުންތެރިންގެ ހިޔާލު