ސައުދީ އަރަބިޔާގައި ހުންނަވާ ލުބުނާނުގެ ސަފީރު ސައުދީ ދޫކޮށް ވަޑައިގެންނެވުމަށް އެގައުމުގެ ސަރުކާރުން އަންގައިފިއެވެ.
ސައުދީ އަރަބިއްޔާއާއި ލުބުނާނުގެ ގުޅުން ގޯސްވެފައިމިވަނީ ސައުދީން ޔަމަނުގައި ކުރިޔަށްގެންދާ ހަނގުރާމައާ ގުޅިގެން ލުބުނާނުގެ މިނިސްޓަރަކު ވިދާޅުވި ބަސްފުޅެއްގެ ސަބަބުންނެވެ. މިއާއެކު ސައުދީ އާއި ލުބުނާނުގެ ގުޅުން ގޯސްވެ ސައުދީން ވަނީ އެ ގައުމުގައި ހުންނެވި ލުބުނާން ގެ ސަފީރަށް 48 ގަޑިއިރު ތެރޭގައި އެ ގައުމުން ފައިބައިވަޑައިގެންނެވުމަށް އަންގާފައެވެ. މިއާއެކު ސައުދީ ސަރުކާރުން ވަނީ ލުބުނާނުން އެ ގައުމަށް މުދާ އެތެރެކުރުންވެސް މަނާކޮށްފައެވެ.
ގަތަރުގެ އަލްޖަޒީރާ ނެޓްވޯރކުން ކުރިއަށް ގެންދިޔަ ޝޯވއަކަށް ދެއްވި އިންޓަރވިއުއެއްގައި ލުބުނާނުގެ އިންފޮރމޭޝަން މިނިސްޓަރ ޖޯރޖް ކޮޑަހީ ވަނީ ޔަމަނުގައި ހަނގުރާމަކުރަމުންދާ ހޫތީންގެ ދިފާއުގައި ވާހަކަދައްކަވާފައެވެ. މިޝޯވގައި ކޮޑަހީ ވިދާޅުވެފައިވަނީ ހޫތީން ހަނގުރާމަކުރަނީ އެމީހުންގެ އަމިއްލަ ދިފާއުގައިކަމަށާއި، އެމީހުންނަށް ވާގިވެރިވަމުން އަންނަނީ އިރާނުންކަމަށެވެ.
މިއާއެކު ސައުދީއާއި ލުބުނާނުގެ ގުޅުން ވަނީ ވަރަށް ބޮޑަށް ގޯސްވެފައެވެ. އަދި މިކަމާ ގުޅިގެން އިގްތިސާދީ ގޮތުން ލުބުނާނަށް މިވަނީ ފޫނުބެއްދޭވަރުގެ ގެއްލުމަކާ ކުރިމަތިލާން ޖެހިފައެވެ.
މިކަމާ ގުޅިގެން ލުބުނާނުގެ ބޮޑުވަޒީރު ނަޖީބް މީގާތީއަށް ވަނީ ބޮޑެތި ޕްރެޝަރތަކަކާ ކުރިމަތިލާންޖެހިފައެވެ. އެހެންކަމުން ހުކުރުދުވަހު މީގާތީ ނެރުއްވި ބަޔާނުގައި ވިދާޅުވެފައިވަނީ ލުބުނާނުގެ ސަރުކާރުން ބޭނުންވަނީ ސައުދީ އާއެކު ރަނގަޅު ގުޅުމެއް ބާއްވަންކަމަށާއި، މި ހިނގާދިޔަ ކަންތައްތައް އެއްފަރާތް ކުރުމަށްފަހު ގުޅުން ރަނގަޅުކުރުމަށް ވަނީ އެދިވަޑައިގެންފައެވެ.
ސައުދީ ސަރުކާރުގެ ނޫސް އެޖެންސީއެއް ކަމުގައިވާ އެސްޕީއޭއިން ރިޕޯޓްކޮށްފައިވާ ގޮތުގައި ސައުދީން ވަނީ ލުބުނާނުގައި ހުންނަވާ އެގައުމުގެ ސަފީރު އެނބުރި ގައުމަށް ވަަޑައިގަތުމަށްވެސް އަންގާފައެވެ. ސައުދީގެ ނިންމުންތައް ހަރުކަށިވެފައިވަނީ ކޮޑަހީ މަގާމުން އިސްތިއުފާދެއްވުމަށް މަޖުބޫރުކުރުވުމުގެ ގޮތުން ކަމަށް މީޑިއާތަކުން ރިޕޯޓްކޮށްފައި ވެއެވެ.
ނަމަވެސް އިސްތިއުފާދެއްވުމާއި ގުޅޭގޮތުން ކޮޑަހީ ވިދާޅުވީ އެ އިންޓަރވިއުއަކީ އޭނާ މަގާމާއި ހަވާލުވުމުގެ ކުރިން ރިކޯޑް ކޮށްފައިވާ އިންޓަރވިއުއެއްކަމަށާއި އެހެންކަމުން އެކަމާއި ގުޅިގެން އިސްތިއުފާ ނުދެއްވާނެކަމަށެވެ.
ގަތަރުގެ އަލްޖަޒީރާ ނެޓްވޯރކުން ކުރިއަށް ގެންދިޔަ ޝޯވއަކަށް ދެއްވި އިންޓަރވިއުއެއްގައި ލުބުނާނުގެ އިންފޮރމޭޝަން މިނިސްޓަރ ޖޯރޖް ކޮޑަހީ ވަނީ ޔަމަނުގައި ހަނގުރާމަކުރަމުންދާ ހޫތީންގެ ދިފާއުގައި ވާހަކަދައްކަވާފައެވެ. މިޝޯވގައި ކޮޑަހީ ވިދާޅުވެފައިވަނީ ހޫތީން ހަނގުރާމަކުރަނީ އެމީހުންގެ އަމިއްލަ ދިފާއުގައިކަމަށާއި، އެމީހުންނަށް ވާގިވެރިވަމުން އަންނަނީ އިރާނުންކަމަށެވެ.
މިއާއެކު ސައުދީއާއި ލުބުނާނުގެ ގުޅުން ވަނީ ވަރަށް ބޮޑަށް ގޯސްވެފައެވެ. އަދި މިކަމާ ގުޅިގެން އިގްތިސާދީ ގޮތުން ލުބުނާނަށް މިވަނީ ފޫނުބެއްދޭވަރުގެ ގެއްލުމަކާ ކުރިމަތިލާން ޖެހިފައެވެ.
މިކަމާ ގުޅިގެން ލުބުނާނުގެ ބޮޑުވަޒީރު ނަޖީބް މީގާތީއަށް ވަނީ ބޮޑެތި ޕްރެޝަރތަކަކާ ކުރިމަތިލާންޖެހިފައެވެ. އެހެންކަމުން ހުކުރުދުވަހު މީގާތީ ނެރުއްވި ބަޔާނުގައި ވިދާޅުވެފައިވަނީ ލުބުނާނުގެ ސަރުކާރުން ބޭނުންވަނީ ސައުދީ އާއެކު ރަނގަޅު ގުޅުމެއް ބާއްވަންކަމަށާއި، މި ހިނގާދިޔަ ކަންތައްތައް އެއްފަރާތް ކުރުމަށްފަހު ގުޅުން ރަނގަޅުކުރުމަށް ވަނީ އެދިވަޑައިގެންފައެވެ.
ނަމަވެސް އިސްތިއުފާދެއްވުމާއި ގުޅޭގޮތުން ކޮޑަހީ ވިދާޅުވީ އެ އިންޓަރވިއުއަކީ އޭނާ މަގާމާއި ހަވާލުވުމުގެ ކުރިން ރިކޯޑް ކޮށްފައިވާ އިންޓަރވިއުއެއްކަމަށާއި އެހެންކަމުން އެކަމާއި ގުޅިގެން އިސްތިއުފާ ނުދެއްވާނެކަމަށެވެ.
ކިޔުންތެރިންގެ ހިޔާލު