ފާޚާނާއަށް ދަރިވަރުން ފޮނުވާއިރު ޙަވާލުކުރާ މީހުން ކަށަވަރު ކުރުމަށް ތަޢުލީމާބެހޭ ވުޒާރާއިން ރާއްޖޭގެ ސްކޫލްތަކަށް އަންގައިފިއެވެ.
ތަޢުލީމާބެހޭ ވުޒާރާއިން މިއަދު ނެރެފައިވާ ސާކިއުލާގައި ބުނެފައި ވަނީ ޕްރީސްކޫލް ގްރޭޑުތަކުގައި ދަރިވަރުން ސްކޫލުގައި ހޭދަކުރާ ހުރިހާ ވަގުތެއްގައި އެ ކުދިންނަށް ޒިންމާވާނެ ޓީޗަރުން، އެ ކުދިންނާ ހަވާލުވެ ހުރިކަން ސްކޫލުތަކުގެ ޕްރިންސިޕަލުން ކަށަވަރުކުރަން ޖެހޭނެ ކަމަށެވެ.
ހާއްސަކޮށް ބޭބީ ނާސަރީ އަދި ފައުންޑޭޝަން ސްޓޭޖުގެ ދަރިވަރުން ފާހާނާއަށް ފޮނުވާ ވަގުތާއި އެހެނިހެން ހަރަކާތްތަކުގައި ދަރިވަރު ކުލާސް ޓީޗަރު ނޫން ފަރާތަކާ ހަވާލުކުރެވޭނެ ނަމަ އެއީ ކޮން ފަރާތެއްކަން ޓީޗަރުން ރަނގަޅަށް ކަށަވަރު ކުރައްވަންވާނެ ކަމަށް ސަރވިއުލާގައިވަނީ ބުނެފައެވެ.
ސްކޫލްތެރޭގައި ދަރިވަރުންގެ ސަލާމަތާއި ރައްކާތެރިކަން ޔަޤީންކުރެވިފައި ވުމަކީ ބެލެނިވެރިންނާއި މުޖުތަމަޢުގެ އިތުބާރު ސްކޫލްތަކަށް ލިބޭނެ ކަމެއް ކަމަށްވެސް ސަރކިއުލާގައިވެއެވެ.
ތަޢުލީމާ ބެހޭ ވުޒާރާއިން މިފަދަ ސަރކިއުލާއެއް ނެރެފައި މިވަނީ ގަލޮޅު ސްކޫލްގެ ޕްރީ ސްކޫލްގައި ކިޔަވަމުންދިޔަ ޢުމުރުން 4 އަހަރުގެ އަންހެން ދަރިވަރަކަށް ޖިންސީ ގޯނާކުރި މައްސައެއް ފެންމަތިވުމާއި ގުޅިގެންނެވެ. އެ މައްސަލައިގެ މައުލޫމާތު ސްކޫލަށް ހުށަހެޅުމާއެކު އެކަން ތަޢުލީމީ ވުޒާރާއިންވެސް ސީރިއަސް މައްސަލައެއްގެ ގޮތުގައި ގެންދަނީ ބަލަމުންނެވެ. އެގޮތުން އަޅަންޖެހޭ އެންމެހާ ފިޔަވަޅުތައް އަޅާފައިވާ ކަމަށާއި، މައްސަލަ ބަލާ ނިމެންދެން އެކަމުގައި ތުހުމަތު ކުރެވޭ ފަރާތް ސަސްޕެންޑު ކޮށްފައިވާ ކަމަށްވެސް ތަޢުލީމީ ވުޒާރާއިން ވަނީ ބުނެފައެވެ.
ފުލުހުން ބުނީ މާލޭގެ ސްކޫލެއްގައި ކުޑަކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ބަލަމުންދާކަމަށެވެ. ނަމަވެސް އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެއެވެ.
އެމައްސަލާގައި ޢެޢަމަލު ހިންގި މީހަކު ކަށަވަރުވެފައި ނުވާތީ 29 އޮކްޓޯބަރު 2021 ވީ ހުކުރު ދުވަހުން ފެށިގެން ގަލޮޅު ސްކޫލުގައި މަސައްކަތު މީހުންގެ ގޮތުގައި އުޅޭ ހުރިހާ އަންހެން މުވައްޒަފުން ވަނީ ވަޒީފާގެ މަސްޢޫލިއްޔަތުތަކުން އެކަހެރި ކޮށްފައެވެ. ހަމައެއާއެކު ދަރިވަރުންގެ ސަލާމަތާއި ރައްކާތެރިކަމަށް ސްކޫލުގެ 18 ސަރަހައްދެއްގައި ސީ.ސީ.ޓީ.ވީ ކެމެރާ ހަރުކޮށްފައިވާ ކަމަށްވެސް އެ ސްކޫލުން ވަނީ ބުނެފައެވެ.
ހާއްސަކޮށް ބޭބީ ނާސަރީ އަދި ފައުންޑޭޝަން ސްޓޭޖުގެ ދަރިވަރުން ފާހާނާއަށް ފޮނުވާ ވަގުތާއި އެހެނިހެން ހަރަކާތްތަކުގައި ދަރިވަރު ކުލާސް ޓީޗަރު ނޫން ފަރާތަކާ ހަވާލުކުރެވޭނެ ނަމަ އެއީ ކޮން ފަރާތެއްކަން ޓީޗަރުން ރަނގަޅަށް ކަށަވަރު ކުރައްވަންވާނެ ކަމަށް ސަރވިއުލާގައިވަނީ ބުނެފައެވެ.
ސްކޫލްތެރޭގައި ދަރިވަރުންގެ ސަލާމަތާއި ރައްކާތެރިކަން ޔަޤީންކުރެވިފައި ވުމަކީ ބެލެނިވެރިންނާއި މުޖުތަމަޢުގެ އިތުބާރު ސްކޫލްތަކަށް ލިބޭނެ ކަމެއް ކަމަށްވެސް ސަރކިއުލާގައިވެއެވެ.
ތަޢުލީމާ ބެހޭ ވުޒާރާއިން މިފަދަ ސަރކިއުލާއެއް ނެރެފައި މިވަނީ ގަލޮޅު ސްކޫލްގެ ޕްރީ ސްކޫލްގައި ކިޔަވަމުންދިޔަ ޢުމުރުން 4 އަހަރުގެ އަންހެން ދަރިވަރަކަށް ޖިންސީ ގޯނާކުރި މައްސައެއް ފެންމަތިވުމާއި ގުޅިގެންނެވެ. އެ މައްސަލައިގެ މައުލޫމާތު ސްކޫލަށް ހުށަހެޅުމާއެކު އެކަން ތަޢުލީމީ ވުޒާރާއިންވެސް ސީރިއަސް މައްސަލައެއްގެ ގޮތުގައި ގެންދަނީ ބަލަމުންނެވެ. އެގޮތުން އަޅަންޖެހޭ އެންމެހާ ފިޔަވަޅުތައް އަޅާފައިވާ ކަމަށާއި، މައްސަލަ ބަލާ ނިމެންދެން އެކަމުގައި ތުހުމަތު ކުރެވޭ ފަރާތް ސަސްޕެންޑު ކޮށްފައިވާ ކަމަށްވެސް ތަޢުލީމީ ވުޒާރާއިން ވަނީ ބުނެފައެވެ.
އެމައްސަލާގައި ޢެޢަމަލު ހިންގި މީހަކު ކަށަވަރުވެފައި ނުވާތީ 29 އޮކްޓޯބަރު 2021 ވީ ހުކުރު ދުވަހުން ފެށިގެން ގަލޮޅު ސްކޫލުގައި މަސައްކަތު މީހުންގެ ގޮތުގައި އުޅޭ ހުރިހާ އަންހެން މުވައްޒަފުން ވަނީ ވަޒީފާގެ މަސްޢޫލިއްޔަތުތަކުން އެކަހެރި ކޮށްފައެވެ. ހަމައެއާއެކު ދަރިވަރުންގެ ސަލާމަތާއި ރައްކާތެރިކަމަށް ސްކޫލުގެ 18 ސަރަހައްދެއްގައި ސީ.ސީ.ޓީ.ވީ ކެމެރާ ހަރުކޮށްފައިވާ ކަމަށްވެސް އެ ސްކޫލުން ވަނީ ބުނެފައެވެ.
ކިޔުންތެރިންގެ ހިޔާލު