ދެކުނު އެފްރިކާގައި ފެތުރެމުންދާ އޮމިކްރޯން ވޭރިއަންޓުގެ ދެ ކޭސްއެއް އިނިގިރޭސިވިލާތުން ފެނިއްޖެއެވެ.
ޔޫކޭގެ ހެލްތު ސެކިއުރިޓީ އެޖެންސީއިން ބުނީ، ދެކުނު އެފްރިކާއަށް ދަތުރުކޮށްފައިވާ ދެ މީހެއްގެ ގައިން އޮމިކްރޯން ވޭރިއަންޓު ފެނިފައިވާކަމަށެވެ. އެތަނުން ފުރަތަމަ ކޭސް ނޮޓިންހަމުން ފެނުފައިވާއިރު، ދެވަނަ ކޭސް ފެނިފައިވަނީ ޗެމްސްފޯޑުންނެވެ.
މި ދެކޭސް ފެނުމާއެކު އެ ގައުމުގައި ކޮންޓެކްޓް ޓްރޭސިންގެ މަސައްކަތް ކުރަމުންދާކަމަށާއި، މިހާރުވެސް ބައެއް މީހުން އަމިއްލައަށް އައިސޮލޭޓް ވަމުންދާކަމަށް ރިޕޯޓްތަކުން ބުނެފައިވެއެވެ.
އިނގިރޭސިވިލާތުގެ އިތުރުން މިހާތަނަށް މި ވޭރިއަންޓް ފެނިފައިވަނީ ބެލްޖިއަމް، ޖަރމަނީ، ޗެކް ރިޕަބްލިކް، ބޮޓްސްވާނާ، ހޮންގްކޮންގް އަދި އިސްރާއީލުންނެވެ. މިކަމާގުޅިގެން ގިނަ ގައުމުތަކަކުން ވަނީ ދެކުނު އެފްރިކާއަށް ކުރާ ދަތުރުތައް މެދުކަނޑާލާފައެވެ. އަދި ދެކުނު އެފްރިކާބާރުގެ ގައުމުތަކުގެ މީހުން ގައުމުތަކަށް އެރުން ވެސް ގިނަ ގައުމުތަކުން ވަނީ މަނާކޮށްފައެވެ.
އިނގިރޭސިވިލާތުގެ އިތުރުން މިހާތަނަށް މި ވޭރިއަންޓް ފެނިފައިވަނީ ބެލްޖިއަމް، ޖަރމަނީ، ޗެކް ރިޕަބްލިކް، ބޮޓްސްވާނާ، ހޮންގްކޮންގް އަދި އިސްރާއީލުންނެވެ. މިކަމާގުޅިގެން ގިނަ ގައުމުތަކަކުން ވަނީ ދެކުނު އެފްރިކާއަށް ކުރާ ދަތުރުތައް މެދުކަނޑާލާފައެވެ. އަދި ދެކުނު އެފްރިކާބާރުގެ ގައުމުތަކުގެ މީހުން ގައުމުތަކަށް އެރުން ވެސް ގިނަ ގައުމުތަކުން ވަނީ މަނާކޮށްފައެވެ.
ކިޔުންތެރިންގެ ހިޔާލު