ޗެކްރިޕަބްލިކްގެ ރައީސް މައިލޯސް ޒިމާން، އެގައުމުގެ ބޮޑުވަޒީރުކަމަށް ޕީޓަރ ފިއަލާ އައްޔަން ކުރެއްވީ ބިއްލޫރިކޮށްޓެއްގައި އިންނަވައިގެންނެވެ.
ކޮވިޑް-19 އަށް ޕްޒިޓިވްވެ ފަރުވާ ހޯއްދަވަމުން ގެންދަވާ މައިލޯސް ޒިމާން ފަރާތުން މި ފެނިގެންދިޔަ އާދަޔާޚިލާފު މަންޒަރުން އެނގިގެން ދިޔައީ ބަލިވިޔަސް ޒިންމާތައް ފުރިހަމައަށް އަދާކުރެވޭނެ ކަމުގެ މަންޒަރެވެ. އެގޮތުން ބޮޑުވަޒީރުކަމަށް ޕިޓަރ ފިއަލާ އައްޔަންކޮށްފައިވާއިރު ޕީޓަރ އަކީ އެގައުމުގެ ކަނާތުފިޔައިގެ ލީޑަރެވެ.
ރިޕޯޓްތަކުން ބުނާގޮތުގައި ޗެކްރިޕަބްލިކްގެ ސަރުކާރަށް ކުރިމަތިވެފައިވާ އެންމެ ބޮޑު ގޮންޖެހުމަކީ ކޮވިޑްގެ އައު ރާޅާއި ހަނގުރާމަކޮށް ކުރިހޯދުމެވެ. އަދި އެ ގައުމުގައި އައު ބޮޑުވަޒީރެއް އައްޔަނުކުރި މި ދަނޑިވަޅަކީ އެ ގައުމުގައި ކޮވިޑް-19 އިންތިހާއަށް ފެތުރިފައިވާ ވަގުތެއް ކަމުގައި ވެސް ރިޕޯޓްތަކުން ބުނެއެވެ.
މީގެއިތުރުން، މިއަދު މަގާމާ ހަވާލުވެވަޑައިގަތުމަށްފަހު ޕީޓަރ ވިދާޅުވީ އައު ސަރުކާރުގެ މަސައްކަތަކަށް ވާނީ ކުރިމަގަށް ރަނގަޅު ހެޔޮ ބަދަލުތަކެއް ގެނައުން ކަމަށެވެ. މިއާއެކު ޕީޓަރ ވަނީ ކޮވިޑްގެ ވެކްސިން ޖެހުމަށް އެގައުމުގެ އެންމެހާ ރައްޔިތުންނަށް ގޮވާލައްވާފައެވެ.
މީގެއިތުރުން، މިއަދު މަގާމާ ހަވާލުވެވަޑައިގަތުމަށްފަހު ޕީޓަރ ވިދާޅުވީ އައު ސަރުކާރުގެ މަސައްކަތަކަށް ވާނީ ކުރިމަގަށް ރަނގަޅު ހެޔޮ ބަދަލުތަކެއް ގެނައުން ކަމަށެވެ. މިއާއެކު ޕީޓަރ ވަނީ ކޮވިޑްގެ ވެކްސިން ޖެހުމަށް އެގައުމުގެ އެންމެހާ ރައްޔިތުންނަށް ގޮވާލައްވާފައެވެ.
ކިޔުންތެރިންގެ ހިޔާލު