ސޯޝަލް މީޑިއާގައި ޙަޤީޤަތާ ޚިލާފު ޚަބަރުތައް ނުފެތުރުމަށް ފުލުހުން އިލްތިމާސް ކޮށްފިއެވެ.

ފުލުހުން މިއަދު ބުނީ ސޯޝަލް މީޑިއާގައި ޙަޤީޤަތާ ޚިލާފު މައުލޫމާތު ނުފެތުރުމަށް އެދޭކަމަށާއި ޚާއްސަކޮށް ކުޑަކުދިންނާ ގުޅުންހުރި މަޢުލޫމާތު ފަތުރާއިރު އެ މަޢުލޫމާތުގެ ސައްޙަކަން ކަށަވަރު ކުރުމަށް އެދޭ ކަމަށެވެ.

ފަހަކަށް އައިސް ޖިންސީގޯނާގެ މައްސަލަތައް ކަމަށްބުނެ އެކި ފަރާތްތަކުން ގިނަ ކަންތައްތަކެއް ސޯޝަލް މީޑިއާގައި ދަނީ ފެންމަތި ކުރަމުންނެވެ. އެކަމާ ގުޅިގެން ފުުހުން ބުނީ ޖިންސީ ގޯނާގެ މައްސަލަތަކަކީ ފުލުހުން ވަރަށް ސީރިއަސް މައްސަލަތަކެއްގެ ގޮތުގައި ތަހުގީގު ކުރަމުން އަންނަ މައްސަލަތަކެއް ކަމަށެވެ.

އަދި އެފަދަ މައްސަލަތަކުގައި ކުޑަކުދިން ހިމެނޭ ނަމަ އެކަމަކީ ހާއްސަ ސަމާލު ކަމެއް ދީގެން ތަހުގީގު ކުރާ މައްސަލަތަކެއްކަން ފުލުހުން ވަނީ ފާހަގަކޮށްފައެވެ.

Hence, we urge public to be more responsible and abstain from spreading unfounded information on social media. 2/2

— Maldives Police (@PoliceMv) November 29, 2021

އެހެންކަމުން ށަވަރު ނުވާ މައުލޫމާތު ނުފެތުރުމަށް އާއްމުންގެ ކިބައިން ފުލުހުން ވަނީ އެދިފައެވެ.