ޕާކިސްތާނުގެ ސިންދު ޕްރޮވިންސްގެ ވެރިރަށް ކަމަށްވާ ކަރާޗީގެ ބޭންކެއްގައި ބާރުގަދަ އެއްޗެއް ގޮވުމާއި ގުޅިގެން 15 މީހުން މަރުވެ 16 މީހުން ޒަހަމްވެފައިވާކަމަށް ޕާކިސްތާނުގެ ފުލުހުން ބުނެފިއެވެ.
ކަރާޗީގައި ހުންނަ ހަބީބު ބޭންކުގެ ބްރާންޗެއްގައި ގޮވި މިގޮވުމާއި ގުޅޭގޮތުން ސީނިއަރ ޕޮލިސް އޮފިސަރަކު ވިދާޅުވީ ގޮވާފައިވަނީ ގޭސް ލީކެއްގެ ސަބަބުން ކަމުގައި ބެލެވޭ ކަމަށާއި، މި ބޭންކު އިމާރާތްކޮށްފައިވަނީ ފެންހިންދާ ނިޒާމެއްގެ މަތީގައިކަމަށް ބެލެވޭކަމަަށް ވެސް މި އޮފިސަރ ވިދާޅުވިއެވެ.
މިއާއެކު ހަބީބު ބޭންކު ގޮވަންޖެހުނު ސަބަބު އިތުރަށް ދެނެގަތުމަށް މަސައްކަތްކުރަމުންދާކަމަށް އޮފިސަރ ވިދާޅުވިއެވެ. އަދި މި ހާދިސާއަށްފަހު ހަބީބު ބޭންކުން ކޮށްފައިވާ ޓްވީޓެއްގައި ބުނެފައިވަނީ މިގޮވުމާގުޅިގެން އިމާރާތަށް ގެއްލުންލިބިފައިވާ ކަމަށާއި އަދި މީހުންވެސް މަރުވެފައިވާކަމަށެވެ.
ބޭންކާއި ޖެހިގެން ހުރި ޕެޓްރޯލް ސްޓޭޝަނަކަށްވެސް ބޮޑެތި ގެއްލުންތަކެއް ލިބިފައިވާއިރު، އެ ސްޓޭޝަން ކައިރީގައި ޕާކުކޮށްފައި ހުރި ކާރުތަކަކަށްވެސް ގެއްލުން ލިބިފައިވާކަމަށް ރިޕޯޓްތައް ބުނެއެވެ.
ބޭންކާއި ޖެހިގެން ހުރި ޕެޓްރޯލް ސްޓޭޝަނަކަށްވެސް ބޮޑެތި ގެއްލުންތަކެއް ލިބިފައިވާއިރު، އެ ސްޓޭޝަން ކައިރީގައި ޕާކުކޮށްފައި ހުރި ކާރުތަކަކަށްވެސް ގެއްލުން ލިބިފައިވާކަމަށް ރިޕޯޓްތައް ބުނެއެވެ.
ކިޔުންތެރިންގެ ހިޔާލު