ކަސްޓަމްސް އިން އަތުލައިގަތް މަސްތުވާތަކެތި
ކަސްޓަމްސް އިން އަތުލައިގަތް މަސްތުވާތަކެތި
18 ކިލޯގެ މަސްތުވާތަކެއްޗާއެކު ހައްޔަރުކުރި ބްރެޒިލް އަންހެންމީހާ ދޫކޮށްލީ ރަނގަޅަށް ކަމަށް ހައިކޯޓުންވެސް ނިންމައިފިއެވެ.



މިދިޔަ ނޮވެމްބަރ މަހުގެ ދެވަނަ ދުވަހު މަސްތުވާތަކެއްޗާ އެކު ރާއްޖެ އައިތަނުން އެއާޕޯޓުން ހައްޔަރުކުރީ ބްރެޒިލް ދެ މީހުން ކަމަށްވާ ކްރިސްޓިއާނޯ ސިލްވާ، 28، އަދި ނައިރު ނޫނޭސް ޑިސޫޒާ، 37 އެވެ. މި ދެ މީހުންގެ ތެރެއިން ޑްރަގް ފެނުނީ ކްރިސްޓިއާނޯގެ ލަގެޖުންނެވެ.

އެ މައްސަލާގައި އެދެމީހުންގެ ބަންދުގެ މުއްދަތު އިތުރު ކުރުމަށް ކޯޓަށް ޙާޟިރުކުރުމުން އޭގެ ތެރެއިން އަންހެން މީހާ ވަނީ މިނިވަންކޮށްފައެވެ. އޭނާ މިނިވަންކުރީ އެދެމީހުންގެ ލަގެޖު ބަލައި ފާސް ކުރީ އޭނާގެ ހާޒިރުގައި ނޫންކަމުން އޭގައި ހުރި ޑްރަގްއާ މެދު އޭނާ ޒިންމާވާން ޖެހޭ ސަބަބެއް ނެތް ކަމަށް ކަނޑައެޅުމަށްފަހުއެވެ.

މައްސަލަ ހައިކޯޓުގައި އިސްތިއުނާފް ކުރުމުން ހައިކޯޓުން ނިންމާފައިވަނީ ފުލުހުން އެ މައްސަލާގައި ފުރަތަމަ ހުށަހެޅި ހެކި ފިޔަވައި އެ އަންހެންމީހާއާ މައްސަލައާ ގުޅުވޭނޭ އިތުރު ހެއްކެއް ހުށައަޅާފައި ނުވާކަމަށެވެ. އޭނާއާ ދެކޮޅަށް ފުލުހުން ހުށައެޅި ހަމައެކަނި ހެއްކަކީ މަސްތުވާތަކެތި ފެނުނު ދަބަހުގައި އޭނާގެ ބައެއް އަންނައުނު ހުރުމާއި ކްރިސްޓިއާނޯ ސިލްވާ އާއެކު ދަތުރު ކުރުމެވެ.

އެމީހުންގެ ލަގެޖުން ފެނުނުތަކެތި ޓެސްޓް ކުރުމުން ކޮކެއިން އަށް ޕޮޒިޓިވް ވެފައިވާ ކަމަށާއި އެތަކެތީގެ ޖުމުލަ ބަރުދަނުގައި 18.857 ކިލޯ ގުރާމް ހުރި ކަމަށް ކަސްޓަމްސް އިން މީގެ ކުރިންވަނީ ބުނެފައެވެ. އަދި އަތުލައިގަތް މަސްތުވާތަކެތީގެ މަގުމަތީ އަގު 94 މިލިއަން ރުފިޔާ އަށް އަރާނެ ކަމަށް ކަސްޓަމްސް އިން ވަނީ ބުނެފައެވެ.



ކިޔުންތެރިންގެ ހިޔާލު



ޓްރެންޑިން