ބ.ކުޑަރިކިލުގައި ހޮޑުލުމާ އެކު ބޭރަށް ހިންގުމުގެ ރޯގާއެއް ބާރަށް ފެތުރެމުން ދާއިރު އެރަށުގައި ޑޮކްޓަރެއް ނެތުމުން ކުޑަރިކިލު ރައްޔިތުން ނިކުމެ ސިއްހީ މަރުކަޒުގައި ތަޅުއަޅުވައިފިއެވެ.
މަޢުލޫމާތު ލިބިފައިވާ ގޮތުގައި އެރަށުގައި ޑޮކްޓަރެއް ނެތްތާ މިހާރު ދިހަވަރަކަށް ދުވަސް ވެދާނެއެވެ. އަދި މިވަގުތުވެސް އެރަށުގައި ތިރީހަކަށް މީހުންނަށް މިރޯގާ ވަނީ ޖެހިފައެވެ. ހަމައެއާއެކު އެރަށުގައި ކޮވިޑްވެސް ދަނީ ފެތުރެމުންނެވެ.
އިޙްތިޖާޖް ކުރަމުންދާ ފަރާތްތަކުން ބުނެފައިވަނީ ޑޮކްޓަރެއް ނެތި 10 ދުވަސް ވެގެންދާއިރު ޒިންމާ އުފުލާނެ މީހަކު ނެތުމަކީ ދެރަކަމެއް ކަމަށެވެ. އެ ރަށުގެ ރައްޔިތުން މިހާރު ޑޮކްޓަރަށް ދައްކަނީ އޮންލައިންކޮށް، އައިޖީއެމްއެޗަށެވެ.
ކުޑަރިކިލަށް ވަގުތީ ޑޮކްޓަރަކު ވަރަށްއަވަހަށް ހަމަޖެހޭނެ ކަމަށް ބ. އަތޮޅު ހޮސްޕިޓަލުން ވަނީ އެރަށު ކައުންސިލަށް މައުލޫމާތު ދީފައިވެއެެވެ.
ކުޑަރިކިލަށް ވަގުތީ ޑޮކްޓަރަކު ވަރަށްއަވަހަށް ހަމަޖެހޭނެ ކަމަށް ބ. އަތޮޅު ހޮސްޕިޓަލުން ވަނީ އެރަށު ކައުންސިލަށް މައުލޫމާތު ދީފައިވެއެެވެ.
ކިޔުންތެރިންގެ ހިޔާލު