ފަތުރުވެރިކަމުގެ އާ މޮޑެލްތައް ތަޢާރަފްކުރުމުން، ރާއްޖޭގެ ފަތުރުވެރިކަމާއި ވާދަކޮށްލެވޭނެ ދެވަނަ ޤައުމެއް ނޯންނާނެ ކަމަށް ފަތުރުވެރިކަމާބެހޭ ވަޒީރު ޑރ. ޢަބްދުالله މައުސޫމް ވިދާޅުވެއްޖެއެވެ.
ރާއްޖޭގެ މީޑިއާއަކަށް ރޭ ދެއްވި ބަސްދީގަތުމެއްގައި މިނިސްޓަރ ޑރ. މައުސޫމް ވިދާޅުވީ މިއީ ރާއްޖެއިން ފަތުރުވެރިކަމުގެ އައު މާކެޓްތަކަށް އަމާޒުހިފަންވީ ވަގުތުކަމަށެވެ. އަދި އައު މޮޑެލްތައް ތަޢާރަފް ކުރެވިއްޖެނަމަ ރާއްޖެ ވެގެންދާނީ ފަތުރުވެރިކަމުގެ ދާއިރާގައި އަތުނުލެވޭނެ ބްރޭންޑަކަށް ކަމަށް މިނިސްޓަރ މައުސޫމް ވިދާޅުވިއެވެ.
މިއަހަރަކީ ރާއްޖޭގެ ފަތުރުވެރިކަމަށް 50 އަހަރު ފުރޭ ރަންޔޫބީލް އަހަރުކަން ފާހަގަކުރަށްވަމުން މިނިސްޓަރ ވިދާޅުވީ ދުނިޔޭގެ އެކި ގައުމުތަކުގައި ހާއްސަ އެހީއަށް ބޭނުންވާ އެތައް ބަޔަކު ތިބިކަމަށާއި އެއީ ވަރަށްބޮޑު މާކެޓެއް ކަމަށެވެ. އަދި އެކަމުގެ ސަބަބުން ފައިދާވާނީ ހަމައެކަނި އިޤްތިޞާދަށް ނޫން ކަމަށާއި ދިވެހިންގެ މެހެމާންދާރީގެ ފުރިހަމަކަންވެސް އެމާކެޓްގެ ތެރެއިން އިތުރަށް އިޝްތިހާރުވެގެންދާނެ ކަމަށް މިނިސްޓަރ ވިދާޅުވިއެވެ.
"ރާއްޖޭގައި ކަލްޗަރަލް އަދި އެންވަޔަރަމަންޓަލް ޓޫރިޒަމް ފުޅާކުރުމަކީ މުހިންމު ކަމެއް. ގިނަ ފަތުރުވެރިން މިހާރު އެންމެ ބޮޑަށް ބޭނުންވަނީ އެތަނެއްގެ އާދަކާދަތަކާއި ދިރިއުޅުމުގެ ވައްޓަފާޅި ތަޖުރިބާކޮށްލުމަށް." މިނިސްޓަރ މައުސޫމް ވިދާޅުވިއެވެ.
މިއަހަރުގެ ޖެނުއަރީ ފުރަތަމަ ދުވަހު ރާއްޖޭގައި ހޯމްސްޓޭ ފަތުރުވެރިކަން ތަޢާރަފް ކޮށްފައިވާއިރު މިއީ ރާއްޖޭގެ އާދަކާދަތަކާއި ދިރިއުޅުމުގެ ވައްޓަފާޅި ތަޖުރިބާކުރަން ބޭނުންވާ ފަތުރުވެރިންނަށް ލިބިގެން ގޮސްފައިވާ ފުރުސަތެކެވެ.
ޑރ. މައުސޫމް ވިދާޅުވެފައިވަނީ 2022 ވަނަ އަހަރުގެ އަމާޒަކީ 2 މިލިއަން ފަތުރުވެރިން ރާއްޖެއަށް ގެނައުމަށް މަސައްކަތް ކުރުން ކަމަށެވެ. އަދި އެންމެން ގުޅިގެން ރާއްޖެއަށް އެކަން ޙާސިލްކުރެވޭނެ ކަމަށް ޑރ. މައުސޫމް ވިދާޅުވިއެވެ.
ރާއްޖެއިން މިދިޔަ ދެއަހަރު ވަނީ ފަތުރުވެރިކަމުގެ ދާއިރާގައި ދޭ އެންމެ ޝަރަފުވެރި އެވޯޑްކަމަށްވާ، ވޯލްޑް ލީޑިން ޑެސްޓިނޭޝަންގެ އެވޯޑް ހޯދައިފައެވެ.
މިއަހަރަކީ ރާއްޖޭގެ ފަތުރުވެރިކަމަށް 50 އަހަރު ފުރޭ ރަންޔޫބީލް އަހަރުކަން ފާހަގަކުރަށްވަމުން މިނިސްޓަރ ވިދާޅުވީ ދުނިޔޭގެ އެކި ގައުމުތަކުގައި ހާއްސަ އެހީއަށް ބޭނުންވާ އެތައް ބަޔަކު ތިބިކަމަށާއި އެއީ ވަރަށްބޮޑު މާކެޓެއް ކަމަށެވެ. އަދި އެކަމުގެ ސަބަބުން ފައިދާވާނީ ހަމައެކަނި އިޤްތިޞާދަށް ނޫން ކަމަށާއި ދިވެހިންގެ މެހެމާންދާރީގެ ފުރިހަމަކަންވެސް އެމާކެޓްގެ ތެރެއިން އިތުރަށް އިޝްތިހާރުވެގެންދާނެ ކަމަށް މިނިސްޓަރ ވިދާޅުވިއެވެ.
"ރާއްޖޭގައި ކަލްޗަރަލް އަދި އެންވަޔަރަމަންޓަލް ޓޫރިޒަމް ފުޅާކުރުމަކީ މުހިންމު ކަމެއް. ގިނަ ފަތުރުވެރިން މިހާރު އެންމެ ބޮޑަށް ބޭނުންވަނީ އެތަނެއްގެ އާދަކާދަތަކާއި ދިރިއުޅުމުގެ ވައްޓަފާޅި ތަޖުރިބާކޮށްލުމަށް." މިނިސްޓަރ މައުސޫމް ވިދާޅުވިއެވެ.
މިއަހަރުގެ ޖެނުއަރީ ފުރަތަމަ ދުވަހު ރާއްޖޭގައި ހޯމްސްޓޭ ފަތުރުވެރިކަން ތަޢާރަފް ކޮށްފައިވާއިރު މިއީ ރާއްޖޭގެ އާދަކާދަތަކާއި ދިރިއުޅުމުގެ ވައްޓަފާޅި ތަޖުރިބާކުރަން ބޭނުންވާ ފަތުރުވެރިންނަށް ލިބިގެން ގޮސްފައިވާ ފުރުސަތެކެވެ.
ރާއްޖެއިން މިދިޔަ ދެއަހަރު ވަނީ ފަތުރުވެރިކަމުގެ ދާއިރާގައި ދޭ އެންމެ ޝަރަފުވެރި އެވޯޑްކަމަށްވާ، ވޯލްޑް ލީޑިން ޑެސްޓިނޭޝަންގެ އެވޯޑް ހޯދައިފައެވެ.
ކިޔުންތެރިންގެ ހިޔާލު