ވެކްސިން ޖެހުމަށްފަހު ކަސްރަތުކުރުން މެދުކަނޑާލުން އެދެވިގެންވާކަމަށް ރާއްޖޭގެ މަޝްހޫރު ޑޮކްޓަރ ޑރ. އަހުމަދު ފައިސަލް ވިދާޅުވެއްޖެއެވެ.

ޑރ. ފައިސަލް މިހެން ވިދާޅުވީ ވެކްސިން ޖަހައިގެން ކަސްރަތުކުރުމާއި ގުޅޭގޮތުން އާއްމު ރައްޔިތަކު ސޯޝަލް މީޑިއާގައި ކުރި ސުވާލަކަށް ދެއްވި ޖަވާބުގައެވެ.

އެ ސުވާލަށް ޖަވާބު ދެއްވަމުން ޑރ. ފައިސަލް ވިދާޅުވީ ވެކްސިން ޖެހުމަށްފަހު 2 ހަފްތާއެއްހާ ދުވަހަށް ކަސްރަތުކުރުމާއި ދުރުހެލިވުމަށް އިލްތިމާސްކުރައްވާކަމަށެވެ.

"‏‎‎‎ވެކްސިންޖެހުމަށްފަހު 2 ހަފްތާ ވަންދެން ގަދައަށް ކަސްރަތުކުރުން މެދުކަނޑާލުން އެދެވިގެންވޭ." ޑރ. ފައިސަލް ވިދާޅުވިއެވެ.

ޑރ. ފައިސަލް މިހެން ވިދާޅުވެފައިވާއިރު، މެލޭޝިޔާގައި އުޅޭ ދިވެއްސެއް އިއްޔެ ވެކްސިންގެ ބޫސްޓަރ ޖެހުމަށްފަހު ކަސްރަތަށް ނުކުމެ އުޅެނިކޮށް ވަނީ ކުއްލި ގޮތަކަށް ނިޔާވެފައެވެ.

ނަމަވެސް އޭނާ ނިޔާވީ ވެކްސިންގެ ސަބަބުންކަމެއް އެއްވެސް ފަރާތަކުން ހާމަކޮށްފައެއް ނުވެއެވެ.