އައްޑޫގައި ތިބީ ފަތުރުވެރިކަމުގެ ޗެމްޕިއަނުން ކަމަށާއި މިހާރު ހުޅުވެމުންދާ ފުރުސަތުތަކާއެކު އެސިޓީ މުއްސަނދިކޮށްލާނެ ކަމަށް ފަތުރުވެރިކަމާބެހޭ ވަޒީރު ޑރ. ޢަބްދުالله މައުސޫމް ވިދާޅުވެއްޖެއެވެ.
ރާއްޖޭގެ މީޑިއާއެއްގައި ރޭ ވާހަކަފުޅު ދައްކަވަމުން ޑރ. މައުސޫމް ވިދާޅުވީ އައްޑޫގައި ފަތުރުވެރިކަން އިތުރަށް ފުޅާކުރެއްވުމަށް ގިނަ މަސައްކަތްތަކެއް ކުރަށްވަމުން ގެންދަވާ ކަމަށެވެ. އެގޮތުން މީގެކުރިން ބަންދުކޮށްފައިއޮތް ކެނެރީފް ރިސޯޓް މާކެޓަށް ހުޅުވާލުމަކީ ކުރިއެރުމެއް ކަމަށް މައުސޫމް ވިދާޅުވިއެވެ. އޭގެ އިތުރުން އައްޑޫ ޝަންގްރިއްލާ ރިސޯޓު ވެސް ވީހާވެސް އަވަހަކަށް ހުޅުވިގެންދާނެ ކަމަށް އުންމީދުކުރަށްވާކަމަށް މިނިސްޓަރ ވިދާޅުވިއެވެ.
އައްޑޫގައި ތިބީ ފަތުރުވެރިކަމުގެ ޗެމްޕިއަނުންކަން ފާހަގަކުރަށްވަމުން ޑރ. މައުސޫމް ވިދާޅުވީ އިރާދަކުރެއްވިއްޔާ އައްޑޫ ސިޓީ މުއްސަނދި ކޮށްލާނެ ކަމަށެވެ. ރަނގަޅު ދަތުރުފަތުރުގެ ނިޒާމެއްގެ ތެރެއިން އައްޑޫގެ ފަތުރުވެރިކަން އިތުރަށް ކުރިއެރުވޭނެ ކަމަށާއި އައްޑޫ އެއަރޕޯޓް މިހާރަށްވުރެ ބޮޑަށް އޮޕަރޭޓް ކުރެވޭނެ މަގެއް ހޯދަންޖެހޭ ކަމަށް ވަޒީރު ފާހަގަކުރެއްވިއެވެ.
ޑރ. މައުސޫމް ވިދާޅުވީ އައްޑޫ އެއަރޕޯޓަށް ގިނައިން ފްލައިޓް ޖައްސަން ފެށުމުން ހޯމްސްޓޭވެސް އައްޑޫގައި ފުޅާވެގެންދާނެ ކަމަށެވެ. އައްޑޫގައި ތިބި ފަތުރުވެރިކަމުގެ ދާއިރާގެ ތަޖުރިބާކާރުން އެފުރުސަތުގެ ބޭނުން ރަނގަޅަށް ހިފާނެކަމަށް ވަޒީރު ވިދާޅުވިއެވެ.
އައްޑޫ މުއްސަނދި ކޮށްލާނެކަމަށް މިނިސްޓަރ މައުސޫމް ވިދާޅުވެފައިވާއިރު މީގެކުރިން އައްޑޫގެ ޝިޕްރެކަށް 75 އަހަރު ފުރުން ފާހަގަ ކުރުމަށް އައްޑޫގައި ބޭއްވި ރަސްމިއްޔާތުގައި މިނިސްޓަރު މައުސޫމް ވިދާޅުވީ ފަތުރުވެރިކަމުގެ ސިނާޢަތު ފުޅާވުމާއެކު، ދިވެހިންގެ ޖީބަށް ޑޮލަރު ވަތް ނަމަވެސް އޭގެ ބަދަލުގައި އައްޑޫ މީހުންގެ ޖީބަށް ވަންނާނީ ޕައުންޑު ކަމަށެވެ. އަދި އިނގިރޭސިން އައްޑޫގައި އުޅުނު އިރު އައްޑޫ އަކީ އިޤްތިޞާދީ ހަބަކަށް ބަދަލުވުމާ ގުޅިގެން އައްޑޫގެ އެތައް ބަޔަކު މުއްސަނދިވީ ވެސް ޕައުންޑުން ފެށި ވިޔަފާރިތަކަކުން ކަމަށް މިނިސްޓަރު މައުސޫމް ވަނީ ވިދާޅުވެފައެވެ.
ރޭގެ ޕްރޮގްރާމްގައިވެސް ޑރ. މައުސޫމް ވިދާޅުވީ އިނގިރޭސިންނާ ގުޅުންހުރި ތަންތަން އައްޑޫގައި ހުރިކަމަށާއި އެހެންކަމުން އިނގިރޭސިންނަށް ކަމުދާ މަންޒިލެއްގެ ގޮތުގައި އައްޑޫ މާކެޓް ކުރެވިދާނެ ކަމަށެވެ.
އައްޑޫގައި ތިބީ ފަތުރުވެރިކަމުގެ ޗެމްޕިއަނުންކަން ފާހަގަކުރަށްވަމުން ޑރ. މައުސޫމް ވިދާޅުވީ އިރާދަކުރެއްވިއްޔާ އައްޑޫ ސިޓީ މުއްސަނދި ކޮށްލާނެ ކަމަށެވެ. ރަނގަޅު ދަތުރުފަތުރުގެ ނިޒާމެއްގެ ތެރެއިން އައްޑޫގެ ފަތުރުވެރިކަން އިތުރަށް ކުރިއެރުވޭނެ ކަމަށާއި އައްޑޫ އެއަރޕޯޓް މިހާރަށްވުރެ ބޮޑަށް އޮޕަރޭޓް ކުރެވޭނެ މަގެއް ހޯދަންޖެހޭ ކަމަށް ވަޒީރު ފާހަގަކުރެއްވިއެވެ.
ޑރ. މައުސޫމް ވިދާޅުވީ އައްޑޫ އެއަރޕޯޓަށް ގިނައިން ފްލައިޓް ޖައްސަން ފެށުމުން ހޯމްސްޓޭވެސް އައްޑޫގައި ފުޅާވެގެންދާނެ ކަމަށެވެ. އައްޑޫގައި ތިބި ފަތުރުވެރިކަމުގެ ދާއިރާގެ ތަޖުރިބާކާރުން އެފުރުސަތުގެ ބޭނުން ރަނގަޅަށް ހިފާނެކަމަށް ވަޒީރު ވިދާޅުވިއެވެ.
ރޭގެ ޕްރޮގްރާމްގައިވެސް ޑރ. މައުސޫމް ވިދާޅުވީ އިނގިރޭސިންނާ ގުޅުންހުރި ތަންތަން އައްޑޫގައި ހުރިކަމަށާއި އެހެންކަމުން އިނގިރޭސިންނަށް ކަމުދާ މަންޒިލެއްގެ ގޮތުގައި އައްޑޫ މާކެޓް ކުރެވިދާނެ ކަމަށެވެ.
ކިޔުންތެރިންގެ ހިޔާލު